• Home
  • »
  • News
  • »
  • business
  • »
  • এইবাৰ আধাৰৰ সৈতে লিংক কৰিব লাগিব ভোটাৰ কার্ডো! চাৰিটা পদ্ধতিৰে কিদৰে কৰিব পাৰিব লিংক

এইবাৰ আধাৰৰ সৈতে লিংক কৰিব লাগিব ভোটাৰ কার্ডো! চাৰিটা পদ্ধতিৰে কিদৰে কৰিব পাৰিব লিংক

Aadhaar-Voter ID Linking: ভোটদান প্ৰক্ৰিয়াটো অধিক স্বচ্ছ কৰি তুলিবলৈ নিৰ্বাচনী আইনত চাৰিটা পৰ্যায়ৰ সংস্কাৰ কৰা হ'ব পাৰে।

Aadhaar-Voter ID Linking: ভোটদান প্ৰক্ৰিয়াটো অধিক স্বচ্ছ কৰি তুলিবলৈ নিৰ্বাচনী আইনত চাৰিটা পৰ্যায়ৰ সংস্কাৰ কৰা হ'ব পাৰে।

Aadhaar-Voter ID Linking: ভোটদান প্ৰক্ৰিয়াটো অধিক স্বচ্ছ কৰি তুলিবলৈ নিৰ্বাচনী আইনত চাৰিটা পৰ্যায়ৰ সংস্কাৰ কৰা হ'ব পাৰে।

  • Share this:
নিৰ্বাচন আয়োগৰ (Election Commission) পৰামৰ্শ অনুসৰি কেন্দ্ৰই ভোটদান আইনত গুৰুত্বপূৰ্ণ পৰিৱৰ্তন কৰিবলৈ গৈ আছে। এইটো জানিব পৰা গৈছে যে ভোটদান প্ৰক্ৰিয়াটো অধিক স্বচ্ছ কৰি তুলিবলৈ নিৰ্বাচনী আইনত চাৰিটা পৰ্যায়ৰ সংস্কাৰ কৰা হ'ব পাৰে। পেন কাৰ্ড-আধাৰ কাৰ্ড (Aadhaar Card) ইতিমধ্যে সংলগ্ন কৰা হৈছে। এইবাৰ নতুন আইনৰ অধীনত ভোটাৰ কাৰ্ডৰ সৈতে আধাৰ কাৰ্ড সংযোগ কৰা হ'ব। চাৰিটা নতুন সংস্কাৰৰ ভিতৰত এটা হ'ল এই ভোটাৰ কাৰ্ডৰ সৈতে আধাৰ কাৰ্ড সংযোগ কৰা। আপুনি আধাৰ কাৰ্ড ভোটাৰ পৰিচয় পত্ৰৰ সৈতে চাৰিটা ধৰণে সংযোগ কৰিব পাৰে (Aadhaar-Voter ID Linking)

১) ৱেবছাইটৰ জৰিয়তে ভোটাৰ-আধাৰ লিংক:

-নেচনেল ভোটাৰ ছাৰ্ভিচেজ পোৰ্টেলটো (https://voterportal.eci.gov.in/) খোলক।
-আপোনাৰ ম'বাইল নম্বৰ, ই-মেইল আইডি আৰু আধাৰ নম্বৰ ব্যৱহাৰ কৰি পাছৱৰ্ড লগইন আৰু ছেট কৰক।
-নিৰ্দিষ্ট স্থান এটাত আপোনাৰ ব্যক্তিগত তথ্য দিয়ক।
-সকলো তথ্য দিয়াৰ পিছত, সন্ধান বিকল্পত ক্লিক কৰক। চৰকাৰী ডাটাবেছৰ সৈতে মিলিলে বিৱৰণবোৰ স্ক্ৰীনত ওলাব।
-স্ক্ৰীনৰ বাঁওফালে থকা 'ফিড আধাৰ নম্বৰ' (Feed Aadhaar No) ক্লিক কৰক।
-পপ আপ পৃষ্ঠাটো ওলাব য'ত আপুনি আধাৰ কাৰ্ড নম্বৰ, ভোটাৰ আইডি নম্বৰ, আপোনাৰ ম'বাইল নম্বৰ বা পঞ্জীভুক্ত ইমেইলত আপোনাৰ নাম প্ৰবিষ্ট কৰিব লাগিব।
-তাৰ পিছত ইয়াক জমা দিয়ক।
অৱশেষত ই দেখুৱাব যে আপোনাৰ কাম সফল হৈছে।

(২) এছ.এম.এছৰ জৰিয়তে ভোটাৰ-আধাৰ কাৰ্ড লিংক:

৫১৯৬৯ বা ১৬৬ লৈ বাৰ্তা প্ৰেৰণ কৰি আপোনাৰ আধাৰ কাৰ্ডখনৰ সৈতে ভোটাৰ কাৰ্ডৰ সংযোগ কৰিব পাৰি।
<ভোটাৰ কাৰ্ড নম্বৰ ><আধাৰ কাৰ্ড নম্বৰ>

(৩) ফোনৰ জৰিয়তে ভোটাৰ-আধাৰ কাৰ্ড লিংক:

সোমবাৰৰ পৰা শুক্ৰবাৰে ৰাতিপুৱা ১০ বজাৰ পৰা ৫ বজাৰ ভিতৰত ১৯৫০-ত ফোন কৰক, সপ্তাহত পাঁচ দিন।
যদি আপুনি ভোটাৰ আৰু আধাৰ কাৰ্ড নম্বৰ দিয়ে, আপোনাক লিংক কৰা হ'ব।

(৪) বুথ পৰ্যায়ৰ বিষয়াসকলৰ জৰিয়তে ভোটাৰ-আধাৰ কাৰ্ড লিংক:

ভোটাৰ বুথত থকা বিষয়াজনক ভোটাৰ-আধাৰ কাৰ্ড সংযোগ কৰিবলৈ আমন্ত্ৰণ কৰিব পাৰি। বিষয়াজনে সকলো তথ্য পৰীক্ষা কৰিব আৰু কেইদিনমানৰ ভিতৰত লিংক কৰা হ'ব।

আধাৰ কাৰ্ড পুনৰ ভোটাৰ কাৰ্ডৰ সৈতে সংযুক্ত হৈছেনে নাই সেয়াও দেখা যাব। ৰাষ্ট্ৰীয় ভোটাৰ সেৱাৰ ৱেবছাইটটো খুলিব লাগে আৰু 'Seeding Through NVSP Portal'ত সম্পূৰ্ণ তথ্য দিব। তেতিয়া কি স্থিতিত আছে দেখা যাব।

Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese
Published by:Gautam Barman
First published:

শেহতীয়া বাতৰি