• Home
  • »
  • News
  • »
  • business
  • »
  • EV charging hubs in Delhi: জিঅ'-বিপিৰ দিল্লীত বৈদ্যুতিক বাহন চাৰ্জিং হাব মুকলি, পেট্ৰ'ল পাম্পৰ সংখ্যাও পালে বৃদ্ধি

EV charging hubs in Delhi: জিঅ'-বিপিৰ দিল্লীত বৈদ্যুতিক বাহন চাৰ্জিং হাব মুকলি, পেট্ৰ'ল পাম্পৰ সংখ্যাও পালে বৃদ্ধি

যুটীয়া উদ্যোগৰ যোজনা হৈছে ২০২৫ চনৰ ভিতৰত পেট্ৰ'ল পাম্পৰ সংখ্যা ৫,৫০০লৈ লৈ যোৱা।

যুটীয়া উদ্যোগৰ যোজনা হৈছে ২০২৫ চনৰ ভিতৰত পেট্ৰ'ল পাম্পৰ সংখ্যা ৫,৫০০লৈ লৈ যোৱা।

যুটীয়া উদ্যোগৰ যোজনা হৈছে ২০২৫ চনৰ ভিতৰত পেট্ৰ'ল পাম্পৰ সংখ্যা ৫,৫০০লৈ লৈ যোৱা।

  • Share this:
কোটিপতি মুকেশ আম্বানি (Mukesh Ambani) নেতৃত্বাধীন ৰিলায়েন্স ইণ্ডাষ্ট্ৰিজ লিমিটেড (RIL) আৰু শক্তি ক্ষেত্ৰৰ বিপিৰ এক যুটীয়া উদ্যোগে ৰাষ্ট্ৰীয় ৰাজধানী দিল্লীত দেশৰ অন্যতম বৃহৎ বৈদ্যুতিক বাহন চাৰ্জিং হাব (EV Charging Hub)) মুকলি কৰিছে। দুয়োটা কোম্পানীয়ে বুধবাৰে এক যুটীয়া বিবৃতিত এই কথা জানিবলৈ দিয়ে। Jio-BPয়ে দিল্লীৰ দ্বাৰকাত দেশৰ সৰ্ববৃহৎ ইভি (EV) চাৰ্জিং হাব মুকলি কৰিছে।

ৰিলায়েন্স বিপি মোবিলিটি লিমিটেডে (RBML) যোৱা বছৰ অক্টোবৰত মুম্বাইত ইয়াৰ প্ৰথম জিঅ'-বিপি ব্ৰেণ্ডেড মোবিলিটি ষ্টেচন মুকলি কৰিছিল আৰু তেতিয়াৰ পৰা ই নেটৱৰ্কটো সম্প্ৰসাৰিত কৰি আহিছে। এই পেট্ৰ'ল পাম্পত গ্ৰাহকসকলৰ ওচৰত বৈদ্যুতিক বাহন চাৰ্জিং ষ্টেচনকে ধৰি কেইবাটাও ইন্ধনবিকল্প থাকিব।

নৱী মুম্বাইৰ নৱড়েত আৰবিএমএলৰ পেট্ৰ'ল পাম্প খোলা হৈছে। ২০১৯ চনত বিপিয়ে ৰিলায়েন্সৰ মালিকানাধীন ১৪০০ৰো অধিক পেট্ৰ'ল পাম্প আৰু ৩১খন বিমান ইন্ধন (ATF) ষ্টেচনত ৪৯ শতাংশ অংশীদাৰিত্ব অধিগ্ৰহণ কৰিছিল।

ৰিলায়েন্সৰ বিদ্যমান পেট্ৰ'ল পাম্পবোৰ এই যুটীয়া উদ্যোগলৈ স্থানান্তৰ কৰা হৈছিল। যুটীয়া উদ্যোগৰ যোজনা হৈছে ২০২৫ চনৰ ভিতৰত পেট্ৰ'ল পাম্পৰ সংখ্যা ৫,৫০০লৈ লৈ যোৱা। ৰিলায়েন্সে আৰবিএমএলৰ বাকী ৫১ শতাংশ অংশীদাৰী ত্বৰান্বিত কৰিছে।

দেশৰ অটো ফুৱেল ৰিটেইল খণ্ডত ৰাজহুৱা খণ্ডৰ পেট্ৰ'লিয়াম কোম্পানীৰ আধিপত্য আছে। দেশৰ মুঠ ৭৮,৭৫১টা পেট্ৰ'ল পাম্পৰ ভিতৰত সেইবোৰৰ বেছিভাগ ৰাজহুৱা খণ্ডৰ কোম্পানীৰ। RBMLৰ ১৪২৭টা আউটলেট আছে, আনহাতে ৰোচনেফ্ট সমৰ্থিত নাইৰা এনাৰ্জীৰ ৬২৫০টা পেট্ৰ'ল পাম্প আছে। শ্বেলৰ পেট্ৰ'ল পাম্পৰ সংখ্যা ২৮৫।

বিবৃতিটোত কোৱা হৈছে যে ১,৪০০ পেট্ৰ'ল পাম্পৰ বিদ্যমান নেটৱৰ্কক নতুনকৈ জিঅ'-বিপি হিচাপে ব্ৰেণ্ড কৰা হ'ব (EV charging hubs in Delhi)। বিবৃতিত লগতে কোৱা হৈছে যে ভাৰতৰ ইন্ধন আৰু পৰিবহন বজাৰ দ্ৰুত গতিত বৃদ্ধি পাইছে। পৰৱৰ্তী ২০ বছৰত ই বিশ্বৰ দ্ৰুততম বৰ্ধিত ইন্ধন বজাৰৰ ভিতৰত হ'ব।
Published by:Gautam Barman
First published:

শেহতীয়া বাতৰি