• Home
  • »
  • News
  • »
  • business
  • »
  • Business News in Assamese | Cryptocurrency : ভাৰতত নিষিদ্ধ হ'ব পাৰে সকলো ব্যক্তিগত ক্ৰিপ্টোকাৰেন্সী, বিটকইন ৰখাৰ ক্ষেত্ৰতো নিষেধাজ্ঞাৰ আশংকা

Business News in Assamese | Cryptocurrency : ভাৰতত নিষিদ্ধ হ'ব পাৰে সকলো ব্যক্তিগত ক্ৰিপ্টোকাৰেন্সী, বিটকইন ৰখাৰ ক্ষেত্ৰতো নিষেধাজ্ঞাৰ আশংকা

Cryptocurrency : কোনো চৰকাৰী তথ্য নাই যদিও ভাৰতত 15-20 নিযুত ক্ৰিপ্টো বিনিয়োগকাৰী আছে আৰু  মুঠ ক্ৰিপ্টো হোল্ডিং প্ৰায় 400 বিলিয়ন টকা (€4.77 বিলিয়ন) বুলি অনুমান কৰা হৈছে।

Cryptocurrency : কোনো চৰকাৰী তথ্য নাই যদিও ভাৰতত 15-20 নিযুত ক্ৰিপ্টো বিনিয়োগকাৰী আছে আৰু  মুঠ ক্ৰিপ্টো হোল্ডিং প্ৰায় 400 বিলিয়ন টকা (€4.77 বিলিয়ন) বুলি অনুমান কৰা হৈছে।

Cryptocurrency : কোনো চৰকাৰী তথ্য নাই যদিও ভাৰতত 15-20 নিযুত ক্ৰিপ্টো বিনিয়োগকাৰী আছে আৰু  মুঠ ক্ৰিপ্টো হোল্ডিং প্ৰায় 400 বিলিয়ন টকা (€4.77 বিলিয়ন) বুলি অনুমান কৰা হৈছে।

  • Share this:
ভাৰতে কেইটামান ব্যক্তিগত ক্ৰিপ্টোকাৰেন্সীৰ বাহিৰে সকলোবোৰ ক্ৰিপ্টোকাৰেন্সী (Cryptocurrency )ৰ নিষিদ্ধ কৰাৰ কথা চিন্তা কৰিছে। চৰকাৰে মঙলবাৰে এখন নতুন বিত্তীয় নিয়ন্ত্ৰণ বিধেয়ক উত্থাপন কৰাৰ কথা ঘোষণা কৰাৰ পিছতে এই আশংকা বৃদ্ধি পাইছে ।

'ক্ৰিপ্টোকাৰেন্সী এণ্ড ৰেগুলেশ্যন অফ অফিচিয়েল ডিজিটেল মুদ্ৰা' বিধেয়কে (Cryptocurrency and Regulation of Official Digital Currency Bill ) ভাৰতীয় ৰিজাৰ্ভ বেংক (Reserve Bank of India)ৰ দ্বাৰা জাৰী কৰিবলগা এক অফিচিয়েল ডিজিটেল মুদ্ৰাৰ বাবে এক সুবিধাজনক ফ্ৰেমৱৰ্ক সৃষ্টি কৰিব আৰু বিটকইন (Bitcoin ) আৰু ইথেৰিয়াম (Ethereum)ৰ দৰে সকলো ব্যক্তিগত ক্ৰিপ্টোকাৰেন্সী নিষিদ্ধ কৰিব Business News in Assamese ।

এনে ধৰণৰ প্ৰাক-প্ৰমাণীকৰণ পদ্ধতিয়ে হাজাৰ হাজাৰ সতীৰ্থ মুদ্ৰাৰ বাবে বাধাৰ সৃষ্টি কৰিব যি নিয়ন্ত্ৰক পৰীক্ষাৰ পৰিধিৰ বাহিৰত থাকি বজাৰ বৃদ্ধি কৰে।

এই মাহৰ আৰম্ভণিতে ভাৰতৰ প্ৰধানমন্ত্ৰী নৰেন্দ্ৰ মোদী (PM Narendra Modi)য়ে কৈছিল যে সকলো গণতান্ত্ৰিক ৰাষ্ট্ৰই, ক্ৰিপ্টোকাৰেন্সী যাতে "ভুল হাতত নপৰে, যি আমাৰ যুৱসকলক নষ্ট কৰিব পাৰে", সেয়া নিশ্চিত কৰিবলৈ একেলগে কাম কৰিব লাগিব - এই বিষয়ত এইয়া প্ৰধানমন্ত্ৰীৰ প্ৰথম ৰাজহুৱা মন্তব্য আছিল।

এই বছৰৰ আৰম্ভণিতেই চৰকাৰে ক্ৰিপ্টো-সম্পদ লগত ৰখা, জাৰীকৰা, খনন, ব্যৱসায় আৰু স্থানান্তৰক অপৰাধ হিচাপে গণ্য কৰাৰ কথা বিবেচনা কৰিছিল।

মানী লণ্ডাৰিং আৰু সন্ত্ৰাসবাদীক পুঁজি যোগান?
মোডীয়ে শেহতীয়াকৈ ক্ৰিপ্টোকাৰেন্সীৰ ভৱিষ্যত সম্পৰ্কে আলোচনা কৰিবলৈ এখন বৈঠকত সভাপতিত্ব কৰিছিল, অনিয়ন্ত্ৰিত ক্ৰিপ্টো বজাৰবোৰ মানী লণ্ডাৰিং আৰু সন্ত্ৰাসবাদীক পুঁজি যোগানৰ পথ হ'ব পাৰে বুলি উদ্বেগ  প্ৰকাশ কৰিছিল বুলি এক বিশেষ সূত্ৰই জনাইছিল।

নতুন নিয়মবোৰে ক্ৰিপ্টোকাৰেন্সীৰ বিপণন আৰু বিজ্ঞাপনক নিৰুৎসাহিত কৰাৰ সম্ভাৱনা আছে যাৰ ফলত  খুচুৰা বিনিয়োগকাৰীসকলৰ বাবে ইয়াৰ আকৰ্ষণ হ্ৰাস হোৱাৰ আশংকা আছে। সোমবাৰে অনুষ্ঠিত এক পৃথক সংসদীয় পেনেলৰ আলোচনাত অংশ লোৱা  এক সূত্ৰই এই কথা কয়।

দুটা সূত্ৰই ৰয়টাৰক জনোৱা মতে, চৰকাৰে ক্ৰিপ্টোক মুদ্ৰা হিচাপে নহয়, ক্ৰিপ্টো এক্সচেঞ্জৰ দাবী অনুসৰি এক সম্পদ শ্ৰেণী হিচাপে শ্ৰেণীবদ্ধ কৰিব বিচাৰিছে।

কিন্তু জ্যেষ্ঠ চৰকাৰী বিষয়াই ৰয়টাৰক কৈছিল যে নতুন কেন্দ্ৰীয় বেংক ডিজিটেল মুদ্ৰা (CBDC)ৰ পথ প্ৰশস্ত কৰাৰ বাবেহে ব্যক্তিগত ক্ৰিপ্টো-সম্পদ নিষিদ্ধ কৰাৰ পৰিকল্পনা কৰা হৈছে।

ভাৰতীয় ৰিজাৰ্ভ বেঙ্কে, যি ব্যক্তিগত ক্ৰিপ্টো সম্পৰ্কে "গুৰুতৰ উদ্বেগ" প্ৰকাশ কৰিছে, ডিচেম্বৰৰ ভিতৰত ইয়াৰ চিবিডিচি মুকলি কৰিবলৈ সাজু হৈছে।

কোনো চৰকাৰী তথ্য নাই যদিও ভাৰতত 15-20 নিযুত ক্ৰিপ্টো বিনিয়োগকাৰী আছে আৰু  মুঠ ক্ৰিপ্টো হোল্ডিং প্ৰায় 400 বিলিয়ন টকা (€4.77 বিলিয়ন) বুলি অনুমান কৰা হৈছে।
Published by:Manjumoni Borah
First published: