உங்கள் மாவட்டத்தைத் தேர்வுசெய்க

    • Home
    • »
    • News
    • »
    • business
    • »
    • Government Pensioner : লাখ লাখ পেঞ্চনাৰে পাব পাৰে পেঞ্চন বৃদ্ধিৰ সু-খবৰ, কেন্দ্ৰীয় চৰকাৰে চলাই আছে প্ৰস্তুতি, কিমান শতাংশ বাঢ়িব?

    Government Pensioner : লাখ লাখ পেঞ্চনাৰে পাব পাৰে পেঞ্চন বৃদ্ধিৰ সু-খবৰ, কেন্দ্ৰীয় চৰকাৰে চলাই আছে প্ৰস্তুতি, কিমান শতাংশ বাঢ়িব?

    ইয়াৰ লগতে কেন্দ্ৰীয় চৰকাৰে অৱসৰপ্ৰাপ্তসকলৰ বাবে স্থিৰ চিকিৎসা ভাট্টাও বৃদ্ধি কৰিব পাৰে।

    ইয়াৰ লগতে কেন্দ্ৰীয় চৰকাৰে অৱসৰপ্ৰাপ্তসকলৰ বাবে স্থিৰ চিকিৎসা ভাট্টাও বৃদ্ধি কৰিব পাৰে।

    ইয়াৰ লগতে কেন্দ্ৰীয় চৰকাৰে অৱসৰপ্ৰাপ্তসকলৰ বাবে স্থিৰ চিকিৎসা ভাট্টাও বৃদ্ধি কৰিব পাৰে।

    • Share this:
    কেন্দ্ৰীয় চৰকাৰে (modi government) পেঞ্চনাৰসকলৰ বাবে এক ডাঙৰ প্ৰস্তুতি চলাই আছে। অৱসৰপ্ৰাপ্ত কৰ্মচাৰীসকলৰ পেঞ্চন প্ৰতিবছৰে ১ শতাংশ বৃদ্ধি কৰাৰ বাবে বিবেচনা কৰি থকা হৈছে। বিত্ত মন্ত্ৰালয়ে (finance ministry) এই বিষয়ে আলোচনা কৰিছে। পূৰ্বে মন্ত্ৰী জিতেন্দ্ৰ সিং আৰু পেঞ্চনাৰ সংগঠনৰ মাজত এই বিষয়ত আলোচনা হৈছিল। সংসদীয় স্থায়ী সমিতিৰ পৰামৰ্শও এইক্ষেত্ৰত বিবেচনা কৰি থকা হৈছে।

    সংসদীয় স্থায়ী সমিতিৰ পৰামৰ্শ আছিল যে অৱসৰপ্ৰাপ্ত কৰ্মচাৰীসকলৰ (pensioners) বৰ্তমানৰ ৮০ বছৰ বয়সৰ পৰিৱৰ্তে ৬৫ বছৰৰ পৰা আৰম্ভ কৰি বয়সৰ অনুপাতত পেঞ্চন বৃদ্ধি আৰম্ভ কৰিব লাগে। অৱশ্যে, সংসদীয় স্থায়ী সমিতিৰ প্ৰস্তাৱ বৰ্তমানো বিবেচনাধীন হৈ আছে। যদি এই প্ৰস্তাৱটোত বিত্ত মন্ত্ৰালয়ে অনুমতি দিয়ে, তেন্তে নিশ্চিতভাৱে লাখ লাখ পেঞ্চনাৰে ইয়াৰ সুবিধা লাভ কৰিব।

    সেই অনুযায়ী কেন্দ্ৰীয় চৰকাৰে ৬৫ বছৰৰ অধিক বয়সৰ জ্যেষ্ঠ নাগৰিকৰ বাবে ৫% বৃদ্ধি কৰাৰ ওপৰত বিবেচনা কৰি আছে। এই মুহূৰ্তত, ৮০ বছৰ বয়সত উপনীত হোৱা অৱসৰপ্ৰাপ্ত কৰ্মচাৰীসকলে তেওঁলোকৰ পেঞ্চনত ২০% বৃদ্ধি পায়। মন্ত্ৰী জিতেন্দ্ৰ সিং আৰু পেঞ্চনাৰ সংগঠনসমূহৰ মাজত হোৱা শেহতীয়া আলোচনাৰ পিছত চৰকাৰে ১% বাৰ্ষিক বৃদ্ধি যোগ কৰে। এই মৰ্মে বাৰ্ষিক ১% বৃদ্ধি হ'লে অৱসৰপ্ৰাপ্ত ব্যক্তিয়ে ৮০ বছৰ বয়সত উপনীত হ'লে ২০% বৃদ্ধিৰ সামঞ্জস্যপূৰ্ণ হ'ব।

    চিকিৎসাৰ লাভালাভ দুগুণ হোৱাৰ সম্ভাৱনা আছে

    কেন্দ্ৰীয় চৰকাৰে অৱসৰপ্ৰাপ্তসকলৰ বাবে স্থিৰ চিকিৎসা ভাট্টা (FMA) ১,০০০ টকাৰ পৰা ২,০০০ টকালৈ বৃদ্ধি কৰিব পাৰে। শেহতীয়াকৈ ঔষধৰ মূল্য বৃদ্ধিৰ পৰিপ্ৰেক্ষিতত পেঞ্চনাৰ সংগঠনবোৰে এফ.এম.এ. বৃদ্ধিৰ বাবে আহ্বান জনাইছে। লগতে দাবী কৰা হৈছিল যে চৰকাৰে প্ৰতি ছমাহ বা এবছৰত পেঞ্চনাৰসকলৰ স্বাস্থ্য পৰীক্ষা কৰিব লাগে।

    ষষ্ঠ কেন্দ্ৰীয় দৰমহা সংশোধন আয়োগৰ পৰামৰ্শ অনুসৰি, বৃদ্ধিৰ বাবে ঊৰ্ধ্বতম বয়সৰ সীমা ৮০ প্লাছ নিৰ্ধাৰণ কৰা হৈছিল। সংসদীয় স্থায়ী সমিতিয়ে লক্ষ্য কৰিছে যে পেঞ্চনাৰসকলক এনে চৰ্ত প্ৰদান কৰিব লাগে য'ত তেওঁলোকে কাকো বোজা নিদিয়াকৈ নিজে থাকিব পাৰে।

    বয়সৰ ক্ৰমত পেঞ্চনৰ বৰ্তমান বৃদ্ধি

    ৮০ বছৰ – ২০ শতাংশ
    ৮৫ বছৰ – ৩০ শতাংশ
    ৯০-৯৫ বছৰ – ৪০ শতাংশ
    ১০০ বছৰ – ৫০ শতাংশ

    সংসদৰ স্থায়ী সমিতিৰ পৰামৰ্শ

    ৬৫ বছৰ – ৫ শতাংশ
    ৭০ বছৰ -১০ শতাংশ
    ৭৫ বছৰ – ১৫ শতাংশ
    Published by:Gautam Barman
    First published: