உங்கள் மாவட்டத்தைத் தேர்வுசெய்க

    • Home
    • »
    • News
    • »
    • business
    • »
    • Russia-Ukraine War | Gold Price: যুদ্ধৰ বাবে বৃদ্ধি সোণৰ মূল্যও, ১০ গ্ৰামত ৬০,০০০ পাৰ কৰিব পাৰে সোণৰ মূল্যই, আজি কিমান পালে বৃদ্ধি?

    Russia-Ukraine War | Gold Price: যুদ্ধৰ বাবে বৃদ্ধি সোণৰ মূল্যও, ১০ গ্ৰামত ৬০,০০০ পাৰ কৰিব পাৰে সোণৰ মূল্যই, আজি কিমান পালে বৃদ্ধি?

     Gold Price Jumps: আন্তৰ্জাতিক বজাৰতো সোণ প্ৰতি আউন্সত ১৯৫০ ডলাৰ মূল্যত উপনীত হৈছে।

    Gold Price Jumps: আন্তৰ্জাতিক বজাৰতো সোণ প্ৰতি আউন্সত ১৯৫০ ডলাৰ মূল্যত উপনীত হৈছে।

    Gold Price Jumps: আন্তৰ্জাতিক বজাৰতো সোণ প্ৰতি আউন্সত ১৯৫০ ডলাৰ মূল্যত উপনীত হৈছে।

    • Share this:
    ৰাছিয়াই ইউক্ৰেইনৰ বিৰুদ্ধে যুদ্ধ আৰম্ভ কৰাৰ পৰিপ্ৰেক্ষিতত ইয়াৰ প্ৰত্যক্ষ প্ৰভাৱ বিশ্ববজাৰৰ লগতে ঘৰুৱা বজাৰতো পৰা দেখা গৈছে। খাৰুৱা তেলৰ মূল্য বৃদ্ধিৰ লগতে ঘৰুৱা বজাৰত সোণৰ মূল্য বৃদ্ধি হোৱাৰ আশংকা দেখা গৈছে (Russia-Ukraine Crisis)।

    কেডিয়া এডভাইছৰীৰ সঞ্চালক অজয় কেডিয়াই কয় যে সাম্প্ৰতিক পৰিস্থিতিৰ বাবে বিনিয়োগকাৰীসকলৰ মাজত ভয়ৰ পৰিৱেশ আছে। এনে পৰিস্থিতিত সুৰক্ষিত বিনিয়োগৰ ক্ষেত্ৰত সোণ বিনিয়োগত তেওঁলোকৰ আকৰ্ষণ বৃদ্ধি পাব, যাৰ ফলত ঘৰুৱা বজাৰত (Indian Bullion Market) সোণে এই বছৰৰ শেষলৈ প্ৰতি ১০ গ্ৰামত ৫৮,০০০ টকা অতিক্ৰম কৰিব পাৰে। যদি পৰিস্থিতিৰ অৱনতি ঘটে, তেন্তে ইয়াৰ মূল্য ৬০,০০০ টকা অতিক্ৰম কৰিব পাৰে (Gold Price Jumps)।

    অহা মাহৰ ভিতৰত ৫৩,৫০০ৰ ঘৰ স্পৰ্শ কৰিব পাৰে
    অজয় কেডিয়াই কয় যে ৰাছিয়া আৰু ইউক্ৰেইনৰ সংকটৰ বাবে তৃতীয় বিশ্বযুদ্ধৰ (World War 3) আশংকাত আছে বিনিয়োগকাৰীসকল। সমগ্ৰ বিশ্বৰ শ্বেয়াৰ বজাৰত হোৱা বৃহৎ অস্থিৰতা আৰু অন্যান্য কাৰণৰ পৰিপ্ৰেক্ষিতত তেওঁলোক সোণৰ প্ৰতি আকৰ্ষিত হ'ব (Gold Investment)। এনে পৰিস্থিতিত, ঘৰুৱা বজাৰত ৩১ মাৰ্চ, ২০২২ৰ ভিতৰত সোণে প্ৰতি ১০ গ্ৰামত ৫৩,৫০০ টকাৰ পৰিমাণ স্পৰ্শ কৰিব পাৰে।

    MCXত সোণ ৫১,৭৫০ত উপনীত হৈছে
    বৰ্ধিত ভূ-ৰাজনৈতিক বিপদাশংকাৰ বাবে MCXত সোণ প্ৰতি ১০ গ্ৰামত ৫১,৭৫০ টকালৈ উঠিছে। আজিৰ ব্যৱসায়ত সোণে প্ৰায় ১৩০০ টকা লাভ কৰিছে। আন্তৰ্জাতিক বজাৰতো সোণ প্ৰতি আউন্সত ১৯৫০ ডলাৰ মূল্যত উপনীত হৈছে। বিনিয়োগকাৰীসকলে সুৰক্ষিত বিনিয়োগৰ বাবে ইকুইটিৰ পৰা ওলাই সোণত ক্ৰয় আৰম্ভ কৰা দেখা গৈছে।

    অজয় কেডিয়াই সোণৰ মূল্যবৃদ্ধিৰ বাবে ব্যাখ্যা কৰে এই কাৰণ -

    -ইউৰোপীয় দেশ আৰু নাটোৱে এতিয়াও ৰাছিয়া-ইউক্ৰেইন সংকটৰ বিষয়ে শেষ সিদ্ধান্ত জনোৱা নাই।

    -আমেৰিকা যুক্তৰাষ্ট্ৰৰ কেন্দ্ৰীয় বেঙ্ক, ফেডাৰেল ৰিজাৰ্ভে অহা মাহত সূতৰ হাৰ বৃদ্ধি কৰিবলৈ সাজু হৈছে। অৱশ্যে, সাম্প্ৰতিক পৰিস্থিতিৰ পৰিপ্ৰেক্ষিতত, ই সূতৰ হাৰ বৃদ্ধি কৰাৰ সিদ্ধান্ত স্থগিত ৰাখিব পাৰে।
    - মুদ্ৰাস্ফীতি নিৰন্তৰ বৃদ্ধি হৈ আছে। আমেৰিকা যুক্তৰাষ্ট্ৰত মুদ্ৰাস্ফীতি ৪০ বছৰৰ সৰ্বোচ্চ, ইউকেও ইয়াৰ দ্বাৰা ভুগি আছে।
    ডলাৰৰ বিপৰীতে টকাৰ মূল্য হ্ৰাস হৈ আছে।
    -আন্তৰ্জাতিক বজাৰত খাৰুৱা তেলৰ মূ্ল্য প্ৰতি বেৰেলত ১০০ ডলাৰৰ ওপৰলৈ গৈছে।
    -ৰাছিয়া আৰু ইউক্ৰেইনৰ উত্তেজনাৰ পিছত বিশ্বজুৰি মুদ্ৰাস্ফীতি বৃদ্ধি হয়।
    - সাম্প্ৰতিক পৰিস্থিতিৰ ওপৰত বিনিয়োগকাৰীসকলে নজৰ ৰাখিব, যদি পৰিস্থিতি একে থাকে, সোণৰ মূল্য বৃদ্ধি পাব।

    এই সামগ্ৰীৰো মূল্যবৃদ্ধি
    সোণৰ উপৰি ৰূপো ২ শতাংশলৈ মজবুত হৈছে। অশোধিত তেলৰ মূল্য ৫ শতাংশতকৈও অধিক বৃদ্ধি পাইছে আৰু প্ৰতি বেৰেলত ১০১ ডলাৰ অতিক্ৰম কৰিছে। ডলাৰৰ বিপৰীতে টকাৰ মূল্য ০.৫৯ শতাংশ দুৰ্বল হৈছিল। প্ৰাকৃতিক গেছৰ মূল্য ৬ শতাংশতকৈও অধিক বৃদ্ধি পাইছে। নিকেল ২% আৰু এলুমিনিয়াম ২% বৃদ্ধি পাইছে।
    Published by:Gautam Barman
    First published: