কাইলৈ জুবিনৰ ওপজা দিনৰ, জন্মদিনৰ এদিন পূৰ্বে ডাঙৰ ঘোষণা হাৰ্টথ্ৰব জুবিনৰ!

News18 Assam | News18-Assam
Updated:November 17, 2020, 7:55 PM IST
কাইলৈ জুবিনৰ ওপজা দিনৰ, জন্মদিনৰ এদিন পূৰ্বে ডাঙৰ ঘোষণা হাৰ্টথ্ৰব জুবিনৰ!
আয়ুৰচুন্দ্ৰা হাস্পতালত মঙলবাৰে আবেলি আগতীয়াকৈ জন্মদিনৰ কেক কাটিলে জুবিনে৷

আয়ুৰচুন্দ্ৰা হাস্পতালত মঙলবাৰে আবেলি আগতীয়াকৈ জন্মদিনৰ কেক কাটিলে জুবিনে৷

  • Share this:
কাইলৈ ১৮ নবেম্বৰ৷ জনপ্ৰিয় শিল্পী জুৱিন গাৰ্গৰ জন্মদিন৷ জুবিনৰ ৪৮সংখ্যক জন্মদিন উদযাপন কৰিবলৈ সাজু জুবিন অনুৰাগীসকল৷ আৰু তাৰ প্ৰাকক্ষণত শিল্পীগৰাকীয়ে কাটিলে জন্মদিনৰ কেক। আয়ুৰচুন্দ্ৰা হাস্পতালত মঙলবাৰে আবেলি আগতীয়াকৈ জন্মদিনৰ কেক কাটিলে জুবিনে৷

উল্লেখ্য যে জুবিনে কেক কটাৰ পূৰ্বে হাস্পতালত চিকিৎসাধীন ৰোগীৰ হাতত তুলি দিলে ফল–মূল–বিস্কুটৰ টোপোলা৷ এই অনুষ্ঠানতে জুবিনে ক’লে যে আগন্তক দিনত সংগীতৰ জগতখনত আৰু অধিক কাম কৰি যাব৷ নতুন বছৰত জুবিনে হাতত ল’ব এখন নতুন ছবি৷ হিন্দী ভাষাত নিৰ্মাণ হ’বলগীয়া ছবিখন হ’ব সম্পূৰ্ণ পৃথক৷ ফেব্ৰুৱাৰীত ছবিখনৰ কাম আৰম্ভ কৰাৰ ইংগিত জুবিনৰ৷

একেদৰে থলুৱা খাদ্য সম্ভাৰেৰে আৰম্ভ কৰিবলগীয়া বৃন্দাবন ছুপাৰমাৰ্টৰ কাম পূৰ্ণগতিত আৰম্ভ হৈছে বুলি কয় জুবিনে৷ নতুন বছৰত বজাৰ দখল কৰাৰ টাৰ্গেট৷ অনুষ্ঠানতে জুবিনৰ পত্নী গৰিমা গাৰ্গে তেওঁলোকৰ পৰিকল্পনাবোৰ বাস্তৱায়িত কৰাৰ বাবে অসমবাসী ৰাইজে পৰা সাহস আৰু মৰম দি যাব বুলি মন্তব্য কৰে৷

গৰিমা গাৰ্গে কয় – ‘‘ৰাইজৰ আশীৰ্বাদত জুবিন সুস্বাস্থ্য লাভ কৰিছে আৰু অনাগত দিনত সৃষ্টিশীল কাম কৰি যাবলৈ প্ৰেৰণা লাভ কৰিব৷’’

উল্লেখ্য যে কাইলৈ ৪৮সংখ্যক জন্মদিনত কোনো কাৰ্যসূচী ৰখা নাই জুবিনে৷ যদিওৱা বিভিন্ন স্থানৰ পৰা অনুৰাগীসকলে কাৰ্যসূচী অনুষ্ঠিত কৰাৰ কথা জানিব পাৰিছে৷ কোভিডসৃষ্ট পৰিস্থিতিৰ বাবে এইবাৰ কোনো কাৰ্যসূচী ৰখা নাই বুলি মন্তব্য জুৱিনৰ।
Published by: Sanjay Kumar Das
First published: November 17, 2020, 7:55 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading