YouTubeৰ কাৰণে যিখন নৈৰ ভিডিও বনাইছিল সেইখন নৈতে হেৰাই গ’ল মেধাৱী ছাত্ৰ ৰাজীৱ

News18 Assam | News18-Assam
Updated:August 6, 2020, 9:23 PM IST
YouTubeৰ কাৰণে যিখন নৈৰ ভিডিও বনাইছিল সেইখন নৈতে হেৰাই গ’ল মেধাৱী ছাত্ৰ ৰাজীৱ
আই নৈৰ পাৰত চলিছে নাম-প্ৰসংগ ৷ চলিছে প্ৰাৰ্থনা সভা ৷ তথাপিও ওলোৱা নাই সন্ধান ৰাজীৱৰ ৷

আই নৈৰ পাৰত চলিছে নাম-প্ৰসংগ ৷ চলিছে প্ৰাৰ্থনা সভা ৷ তথাপিও ওলোৱা নাই সন্ধান ৰাজীৱৰ ৷

  • Share this:
কোনে জানে কাৰ কপালত কি লিখা থাকে ? হয়তো ভগৱানৰ বাহিৰে কোনেও নাজানে ৷ আগদিনা আবেলি আই নৈৰ দলঙৰ পৰা বনাইছিল এটা ইউটিউৱ ব্ল’গছ ৷ বৰ্ণনা কৰিছিল আই নৈৰ সৌন্দৰ্য ৷ বৰ্ণনা কৰিছিল আই নৈৰ ভয়াৱহতা ৷ কিন্তু বিধিৰ কি বিপাক !! পিছদিনা পুৱাই ইউটিউৱ ব্ল’গছ বনোৱা দলঙৰ কাষতেই একেখন আই নৈৰ বুকুতেই হেঁৰাই গ’ল ছাত্ৰজন ৷

বঙাইগাঁও জিলাৰ সৃজনগ্ৰামত আই নৈৰ বুকুত সোমবাৰে সন্ধানহীন হৈছিল মেধাৱী আৰু প্ৰতিভাৱান ছাত্ৰ ৰাজীৱ ৰায় ৷ আই নৈৰ বুকুত সন্ধানহীন হোৱা আজি তিনিদিন হ’ল যদিও এতিয়াও সন্ধান উলিওৱাত ব্যৰ্থ SDRF ৷

আই নৈৰ পাৰত চলিছে নাম-প্ৰসংগ ৷ চলিছে প্ৰাৰ্থনা সভা ৷ তথাপিও ওলোৱা নাই সন্ধান ৰাজীৱৰ ৷ সৰুৰে পৰাই মেধাৱী ৰাজীৱ ৰায় ভাল ঢোলবাদনো কৰিছিল ৷ নৃত্য পৰিৱেশন কৰি সকলোৰে মৰম বুটলিবলৈ সক্ষম হৈছিল ৷ কিন্তু নিষ্ঠুৰ নিয়তিৰ ওচৰত হেৰাই গ’ল ৰাজীৱ ৷

আজি শোকস্তব্ধ সৃজনগ্ৰাম ৷ শোকস্তব্ধ অভয়াপুৰী ৷ অভয়াপুৰীৰ এল বি একাডেমীৰ উচ্চতৰ মাধ্যমিৰ দ্বিতীয় বৰ্ষৰ ছাত্ৰ আছিল ৰাজীৱ ৷ আই নৈৰ বিষয়ে ইউটিউৱ ব্ল’গছ বনোৱা ৰাজীৱ হেৰাই গ’ল আই নৈৰ বুকুতেই ৷ ৰাজীৱৰ সন্ধানত অভিযান অব্যাহত ৰাখি যদিও বৰ্তমানলৈ শুংসূত্ৰ উলিয়াবলৈ সক্ষম হোৱা নাই ৷
First published: August 6, 2020, 9:23 PM IST
আৰু চাওক
পৰৱৰ্তী বাতৰি

শেহতীয়া বাতৰি