ধুবুৰীত গৰুৰ চোৰাং ব্যৱসায়ৰ বিৰুদ্ধে হঠাৎ সৰৱ যুৱ কংগ্ৰেছ

News18 Assam | News18-Assam
Updated:July 20, 2020, 10:46 PM IST
ধুবুৰীত গৰুৰ চোৰাং ব্যৱসায়ৰ বিৰুদ্ধে হঠাৎ সৰৱ যুৱ কংগ্ৰেছ
সোমবাৰে ধুবুৰীৰ ৰাজীৱ ভৱনত এক সংবাদ মেল অনুষ্ঠিত কৰি জিলা যুৱ কংগ্ৰেছৰ সভাপতি  আলতাফ হুছেইন মণ্ডলে গৰুৰ চোৰাং ব্যৱসায়ৰ ওপৰত কিছু বিস্ফোৰক তথ্য উত্থাপন কৰে।

সোমবাৰে ধুবুৰীৰ ৰাজীৱ ভৱনত এক সংবাদ মেল অনুষ্ঠিত কৰি জিলা যুৱ কংগ্ৰেছৰ সভাপতি  আলতাফ হুছেইন মণ্ডলে গৰুৰ চোৰাং ব্যৱসায়ৰ ওপৰত কিছু বিস্ফোৰক তথ্য উত্থাপন কৰে।

  • Share this:
ধুবুৰীত গৰুৰ চোৰাং বেহাৰ বিৰুদ্ধে হঠাৎ সক্ৰিয় উঠিল যুৱ কংগ্ৰেছ। বাংলাদেশলৈ গৰুৰ চোৰাং চালান কোনো নতুন কথা নহয়। বছৰ বছৰ ধৰি এনে ঘটনা সংবাদ মাধ্যমত সম্প্ৰচাৰ হৈ আহিছে আৰু সময়ে সময়ে ইয়াৰ বিৰুদ্ধে অভিযানো চলিছে। কিন্তু বিগত এটা সপ্তাহত ধুবুৰীৰ এজন সংবাদকৰ্মীক গ্ৰেপ্তাৰ, তাৰ পিছত তেওঁৰ দেউতাকৰ মৃত্যুৰ পিছত উক্ত চোৰাং ব্যৱসায়ক লৈ চৰ্চা সৰৱ হৈ উঠিছে।

ঘটনাৰ গুৰুত্ব অনুভৱ কৰি ইতিমধ্যে মুখ্যমন্ত্ৰীৰ নিৰ্দেশত ধুবুৰী আৰক্ষীৰ দুবছৰৰ কৰ্মকাণ্ডৰ ওপৰত এছআইটি গঠন কৰি দিয়াৰ কথা সংবাদ মাধ্যমৰ সন্মুখত এডিজিপি জি পি সিঙে ঘোষণা কৰে। কিন্তু ইমান দিনে উক্ত বিষয়ত নীৰৱে থকা ধুবুৰী যুৱ কংগ্ৰেছ হঠাৎ সক্ৰিয় হৈ উঠা পৰিলক্ষিত হৈছে।

সোমবাৰে ধুবুৰীৰ ৰাজীৱ ভৱনত এক সংবাদ মেল অনুষ্ঠিত কৰি জিলা যুৱ কংগ্ৰেছৰ সভাপতি  আলতাফ হুছেইন মণ্ডলে গৰুৰ চোৰাং ব্যৱসায়ৰ ওপৰত কিছু বিস্ফোৰক তথ্য উত্থাপন কৰে। সংবাদমেলত মণ্ডলে ধুবুৰীৰ লগতে দক্ষিণ শালমাৰা-মানকাচৰ জিলাৰ নৈ পথৰে চোৰাংভাৱে বাংলাদেশলৈ লৈ যোৱা গৰুৰ কিছু ভিডিঅ’ প্ৰকাশ কৰে। উক্ত ভিডিঅ’বোৰৰ কথোপকথনত ইয়াত এক বৃহৎ ছিণ্ডিকেট জড়িত থকাৰ কথা উল্লেখ কৰি মণ্ডলে কয় যে কেৱল এজন আৰক্ষী অধীক্ষকক বদলি কৰিয়েই চৰকাৰে ইয়াৰ দায়িত্ব সামৰিলে নহ’ব। চৰকাৰে ইয়াৰ সঠিক তদন্ত কৰিব লাগিব।
Published by: Sanjay Kumar Das
First published: July 20, 2020, 10:46 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading