• Home
  • »
  • News
  • »
  • assam
  • »
  • National Kickboxing Championship : ৰাষ্ট্ৰীয় কিক্ বক্সিং চেম্পিয়নশ্বিপত অসমৰ খেলুৱৈৰ জয়যাত্ৰা, অসমৰ হৈ একমাত্ৰ সোণৰ পদক অৰ্জন

National Kickboxing Championship : ৰাষ্ট্ৰীয় কিক্ বক্সিং চেম্পিয়নশ্বিপত অসমৰ খেলুৱৈৰ জয়যাত্ৰা, অসমৰ হৈ একমাত্ৰ সোণৰ পদক অৰ্জন

শৰীৰ চৰ্চা আৰু উশ্বু খেলতো পাৰদৰ্শিতা আছে নূপুৰ ৰাজবংশীৰ

শৰীৰ চৰ্চা আৰু উশ্বু খেলতো পাৰদৰ্শিতা আছে নূপুৰ ৰাজবংশীৰ

শৰীৰ চৰ্চা আৰু উশ্বু খেলতো পাৰদৰ্শিতা আছে নূপুৰ ৰাজবংশীৰ

  • Share this:

ৰাষ্ট্ৰীয় কিক্ বক্সিং চেম্পিয়নশ্বীপত অসমৰ খেলুৱৈৰ জয়যাত্ৰা ৷ চণ্ডীগড়ত অনুষ্ঠিত ৰাষ্ট্ৰীয় কিক্ বক্সিঙত সোণৰ পদক অৰ্জনৰে গোৱালপাৰাৰ যুৱতী খেলুৱৈৰ সাফল্য ৷ ৰাষ্ট্ৰীয় কিক্ বক্সিঙৰ ৬০ কিলোগ্ৰাম অনুৰ্দ্ধৰ চিনিয়ৰ মহিলা শাখাত অসমৰ হৈ একমাত্ৰ সোণৰ পদক আনিবলৈ সক্ষম হৈছে গোৱালপাৰাৰ মাটিয়াৰ নূপুৰ ৰাজবংশীয়ে ৷


প্ৰথমবাৰৰ বাবে ৰাষ্ট্ৰীয় পৰ্যায়ৰ প্ৰতিযোগিতাত অংশগ্ৰহণ কৰি সোণৰ পদক লাভ কৰিবলৈ সক্ষম হোৱাত উৎফুল্লিত খেলুৱৈগৰাকী ৷ নূপুৰ ৰাজবংশীয়ে ৬০ কিঃগ্ৰাঃৰ চিনিয়ৰ শাখাত অসমৰ হৈ প্ৰতিনিধিত্ব কৰি অসমৰ ভিতৰত একমাত্ৰ সোণৰ পদকটো লাভ কৰিবলৈ সক্ষম হয় ৷


আনহাতে উক্ত প্ৰতিযোগিতাত অংশগ্ৰহণ কৰা গোৱালপাৰা জিলাৰ ২২ গৰাকী খেলুৱৈৰ ভিতৰত ২১ গৰাকীয়ে বিভিন্ন শাখাত সোণকে ধৰি বিভিন্ন পদক লাভ কৰিবলৈ সক্ষম হৈছে ৷


উল্লেখ্য যে পঞ্জাৱৰ চণ্ডীগড় বিশ্ববিদ্যালয়ত যোৱা ২৭ নবেম্বৰৰ পৰা ৩০ নবেম্বৰলৈ অনুষ্ঠিত হৈছিল ৰাষ্ট্ৰীয় পৰ্যায়ৰ কিক্ বক্সিং চেম্পিয়নশ্বীপ ৷ উক্ত প্ৰতিযোগিতাত অসমৰ কেইবাগৰাকীও প্ৰতিযোগীয়ে বিভিন্ন শাখাত অংশগ্ৰহণ কৰি সোণৰ পদকসহ কেইবাটাও পদক লাভ কৰিবলৈ সক্ষম হয় ৷


সোণৰ পদক লাভ কৰি নূপুৰ ৰাজবংশীৰ প্ৰতিক্ৰিয়া- মা, দেউতা আৰু প্ৰশিক্ষকৰ প্ৰেৰণাৰ বাবে এই সফলতা লাভ কৰিবলৈ সক্ষম হৈছোঁ ৷ সফলতাৰ বাবে কঠোৰ অনুশীলন কৰিছিলোঁ ৷ সফলতাৰ বাবে প্ৰতিগৰাকী প্ৰশিক্ষকক কৃতিত্বসহকাৰে শলাগ জনায় খেলুৱৈগৰাকীয়ে ৷ লগতে অনাগত দিনত আন্তঃৰাষ্ট্ৰীয় তথা অলিম্পিক পৰ্যায়ৰ খেলত অংশগ্ৰহণ কৰাৰ সপোনৰ কথা উল্লেখ কৰে খেলুৱৈ গৰাকীয়ে ৷


তদুপৰি শৰীৰ চৰ্চা আৰু উশ্বু খেলতো পাৰদৰ্শিতা আছে নূপুৰ ৰাজবংশীৰ ৷ ইতিমধ্যে ২০২১ বৰ্ষত বডী বিল্ডিংত মিছ ফিটনেছ গোৱালপাৰা, মিছ ফিটনেছ অসম ৰানাৰ্চআপ খিতাপকে ধৰি ৰাজ্যিক- আন্তঃৰাজ্যিক পৰ্যায়ত সোণৰ পদকসহ কেইবাটাও পদক লাভ কৰিছে নূপুৰে ৷

Published by:Gautam Barman
First published:

শেহতীয়া বাতৰি