உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • World Rhino Day : আজি বিশ্ব গঁড় দিৱস, কিয় জ্বলাই দিয়া হ’ব ২৪৭৯টা গঁড়ৰ খড়্গ?

    World Rhino Day : আজি বিশ্ব গঁড় দিৱস, কিয় জ্বলাই দিয়া হ’ব ২৪৭৯টা গঁড়ৰ খড়্গ?

    বিশ্ব গঁড় দিৱসৰ লগত সংগতি ৰাখি আজি বোকাখাতত ৰাজহুৱাকৈ দাহ কৰা হ'ব গঁড়ৰ খড়্গ।

    বিশ্ব গঁড় দিৱসৰ লগত সংগতি ৰাখি আজি বোকাখাতত ৰাজহুৱাকৈ দাহ কৰা হ'ব গঁড়ৰ খড়্গ।

    বিশ্ব গঁড় দিৱসৰ লগত সংগতি ৰাখি আজি বোকাখাতত ৰাজহুৱাকৈ দাহ কৰা হ'ব গঁড়ৰ খড়্গ।

    • Share this:
    আজি বিশ্ব গঁড় দিৱস। ২০১০ বৰ্ষৰ পৰা গঁড় সুৰক্ষা উদ্দেশ্য আগত ৰাখি বিশ্বই পালন কৰি আহিছে গঁড় দিৱস। ২০১০ বৰ্ষত WWF নামৰ আন্তঃৰাষ্ট্ৰীয় সংস্থাটোৱে প্ৰথমবাৰৰ বাবে পালন কৰিছিল বিশ্ব গঁড় দিৱস। বিশ্ব গঁড় দিৱসৰ লগত সংগতি ৰাখি আজি বোকাখাতত ৰাজহুৱাকৈ দাহ কৰা হ'ব গঁড়ৰ খড়্গ।

    কোটি কোটি টকাত বিক্ৰী হোৱা অথবা আন্তঃৰাষ্ট্ৰীয় চোৰাং বজাৰত বহু বেছি চাহিদা থকা গঁড়ৰ খড়্গ যে প্ৰকৃততে একোচা চুলিৰ সমষ্টি সেই বিষয়টো সম্বন্ধে সজাগতা সৃষ্টি কৰাৰ উদ্দেশ্যে দাহ কৰা হ’ব খড়্গসমূহ৷ ৰাজ্যৰ বিভিন্ন কোষাগাৰত জমা হৈ থকা ৰাজ্যৰ বিভিন্ন ৰাষ্ট্ৰীয় উদ্যানৰ ২৪৭৯টা গঁড়ৰ খড়্গ দাহ কৰাৰ ব্যৱস্থা কৰা হৈছে৷ আজি বিশ্ব গঁড় দিৱসৰ দিনাই ৰাজহুৱাকৈ ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাৰ উপস্থিতিত দাহ কৰা হব গঁড়ৰ খড়্গসমূহ৷

    আফ্ৰিকাৰ পিছত ভাৰতবৰ্ষত প্ৰথমবাৰৰ বাবে চৰকাৰে জ্বলাই দিব গঁড়ৰ খড়্গ৷ বোকাখাতৰ ৰাজহুৱা খেলপথাৰত আজি ৰাজ্যৰ মুখ্যমন্ত্ৰীৰ উপস্থিতিত দাহ কৰা হ’ব বছৰ বছৰ ধৰি জমা কৰি ৰখা ২৪৭৯টা খড়্গ৷

    উল্লেখযোগ্য যে মানুহৰ চুলি আৰু নখৰ দৰেই কেৰটিন নামৰ পদাৰ্থবিধ গঁড়ৰ খড়্গত থকাৰ পিছতো কেৱল অন্ধবিশ্বাসৰ বাবেই বছৰ বছৰ ধৰি গঁড় হত্যাৰ দৰে দৰে ঘৃণনীয় ঘটনা সংঘটিত হৈ আহিছে৷ আনকি, জীৱিত অৱস্থাতো গঁড় হত্যা কৰি খড়্গ কাটি চোৰাং চিকাৰী উধাও হোৱাৰ বহু ঘটনা সংঘটিত হৈছে৷ ইয়াৰ মাজতে বিগত সময়ছোৱাত উদ্ধাৰ হোৱা গঁড়ৰ খড়্গ দাহ কৰাৰ ব্যৱস্থা কৰি সজাগতা সৃষ্টিৰ জৰিয়তে গঁড় সুৰক্ষাৰ অন্যতম পদক্ষেপ গ্ৰহণ কৰা হৈছে৷

    বন বিভাগৰ তৰফৰ পৰা জনোৱা অনুসৰি, কাজিৰঙা ৰাষ্ট্ৰীয় উদ্যানৰ লগতে ৰাজ্যৰ ৰাষ্ট্ৰীয় উদ্যানসমূহত স্বাভাৱিকভাৱে মৃত্যু হোৱা আৰু চোৰাং চিকাৰীয়ে হত্যা কৰাৰ পিছত উদ্ধাৰ কৰি বিভিন্ন কোষাগাৰত জমা ৰখা মুঠ ২৬২৩টা গঁড়ৰ খড়্গ বিশেষজ্ঞ সমিতি আৰু বন বিভাগে ইতিমধ্যে পৰীক্ষা কৰিছে৷ ইয়াৰে ২৪৭৯ খড়্গ বিশ্ব গঁড় দিৱসৰ সংগতি ৰাখি আজি বোকাখাত ৰাজহুৱা খেলপথাৰত মুখ্যমন্ত্ৰীৰ উপস্থিতিত জ্বলোৱা হ'ব৷

    ইয়াৰে, গঁড় হত্যা, সৰবৰাহ সম্বন্ধীয় বিভিন্ন গোচৰ ৰাজ্যৰ বিভিন্ন আদালতত চলি থকাৰ হেতু ৫০টা খড়্গ ৰখাৰ লগতে আন ৯৪টা খড়্গ সংৰক্ষণ কৰি ৰাখিব বন বিভাগে৷ এই কাৰ্যসূচীত ৰাজ্যৰ বন বিভাগৰ উচ্চপদস্থ বিষয়া, জিলা প্ৰশাসনৰ মুৰব্বী উপস্থিত থকাৰ লগতে বনমন্ত্ৰীকে ধৰি বিভিন্নগৰাকী মন্ত্ৰী উপস্থিত থাকিব৷
    Published by:Sanjay Kumar Das
    First published: