চাৰি বছৰে দৰমহা নাই, ৰঙিয়াত কীটনাশক দ্ৰব্য খাই নিজকে শেষ কৰাৰ চেষ্টা এপল মিলৰ কৰ্মচাৰীৰ

News18 Assam | News18-Assam
Updated:November 23, 2020, 8:56 AM IST
চাৰি বছৰে দৰমহা নাই, ৰঙিয়াত কীটনাশক দ্ৰব্য খাই নিজকে শেষ কৰাৰ চেষ্টা এপল মিলৰ কৰ্মচাৰীৰ
মুখ্যমন্ত্ৰী সৰ্বানন্দ সোণোৱালে মিলটো কাৰ্যক্ষম কৰাৰ বাবে এবাৰ এবাৰকৈ তিনিবাৰ প্ৰতিশ্ৰুতি দিছিল।

মুখ্যমন্ত্ৰী সৰ্বানন্দ সোণোৱালে মিলটো কাৰ্যক্ষম কৰাৰ বাবে এবাৰ এবাৰকৈ তিনিবাৰ প্ৰতিশ্ৰুতি দিছিল।

  • Share this:
ৰঙিয়াত এপল মিলৰ কৰ্মচাৰীৰ আত্মহত্যাৰ চেষ্টা। কীটনাশক জাতীয় দ্ৰব্য সেৱন কৰি আত্মহত্যাৰ চেষ্টা বিছেন্নালা গাৱৰ উমেশ হালৈ (৫৫) নামৰ লোকজনৰ। এসময়ৰ অসমৰ ভিতৰতে ৰাজহুৱা খণ্ডৰ বৃহৎ বস্ত্ৰ উদ্যোগ ৰঙিয়াৰ তুলসীবাৰীৰ এপ'ল মিলৰ চৌহদত সংঘটিত হৈছে এই ঘটনা। বিগত চাৰি বছৰে দৰমহা নাপাই আৰ্থিক সংকটত ভুগি আছিল কৰ্মচাৰীজনে। পত্নী আৰু সন্তানৰ পোহপাল দিয়াত অপাৰগ হৈ পৰাৰ বাবেই এনে চৰম সিদ্ধান্ত বাছি লয় লোকজনে।

একাংশ প্ৰত্যক্ষ দৰ্শীৰ সহযোগত শ্ৰমিকজনক উদ্ধাৰ কৰি ৰঙিয়া পলিক্লিনিক হাস্পাতললৈ প্ৰেৰণ কৰা হয়। পিছত তাৰ পৰা সংকটজনক অৱস্থাত জিএমচিএইচলৈ প্ৰেৰণ কৰে। বিগত ২৮ বছৰ ধৰি এপল মিলত কৰ্মৰত উমেশ হালৈয়ে শেহতীয়াভাৱে চাৰি বছৰ দৰমহা নাপায় হতাশ হৈ পৰিছিল। বিশেষকৈ পৰিয়াল পোহপাল দিয়াত অসহায় হৈ পৰে দৰমহাৰ পৰা বঞ্চিত কৰ্মচাৰীজন।

উল্লেখ্য যে মুখ্যমন্ত্ৰী সৰ্বানন্দ সোণোৱালে মিলটো কাৰ্যক্ষম কৰাৰ বাবে এবাৰ এবাৰকৈ তিনিবাৰ প্ৰতিশ্ৰুতি দিছিল। কিন্তু আজিলৈকে কোনো ব্যৱস্থা গ্ৰহণ নকৰিলে, যাৰ বাবে মিলটোৰ প্ৰায় ৭০০ কৰ্মচাৰীৰ অৱস্থা এতিয়া শোচনীয় হৈ পৰিছে। বহু আন্দোলন, প্ৰতিবাদ কৰাৰ পিছতো কাণসাৰ নাই চৰকাৰৰ।
Published by: Sanjay Kumar Das
First published: November 22, 2020, 7:37 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading