உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • দক্ষিণ কামৰূপৰ কালাতলীত ড্ৰাগছ আসক্ত দুই ভাতৃৰ কাজিয়াত কুঠাৰৰ ঘাপত আহত মহিলা

    দক্ষিণ কামৰূপৰ কালাতলীত ড্ৰাগছ আসক্ত দুই ভাতৃৰ কাজিয়াত কুঠাৰৰ ঘাপত আহত মহিলা

    ঘটনা সংঘটিত কৰিয়েই ৰক্তাক্ত অৱস্থাত মহিলাগৰাকীক পেলাই থৈ ড্ৰাগছ সেৱনকাৰী দুয়ো ভাই-ককাই ঘটনাস্থলীৰ পৰা পলায়ন কৰে৷

    ঘটনা সংঘটিত কৰিয়েই ৰক্তাক্ত অৱস্থাত মহিলাগৰাকীক পেলাই থৈ ড্ৰাগছ সেৱনকাৰী দুয়ো ভাই-ককাই ঘটনাস্থলীৰ পৰা পলায়ন কৰে৷

    ঘটনা সংঘটিত কৰিয়েই ৰক্তাক্ত অৱস্থাত মহিলাগৰাকীক পেলাই থৈ ড্ৰাগছ সেৱনকাৰী দুয়ো ভাই-ককাই ঘটনাস্থলীৰ পৰা পলায়ন কৰে৷

    • Share this:
    সম্প্ৰতি দক্ষিণ কামৰূপৰ গৰৈমাৰী, সোণতলী, কালাতলী আদি বিভিন্ন অঞ্চলত ব্যাপক হাৰত বৃদ্ধি পাবলৈ ধৰিছে ৰমৰমীয়া ড্ৰাগছৰ বেহা তথা ড্ৰাগছ সেৱনকাৰীৰ সংখ্যা৷ ইয়াক নিয়ন্ত্ৰণৰ বাবে কোনো ব্যৱস্থা গ্ৰহণ কৰা নাই আৰক্ষী নাইবা আবকাৰী বিভাগৰ৷ যাৰ পৰিণতিত কালাতলী পথাৰ গাঁৱত বুধবাৰে নিশা সংঘটিত হয় এক ভয়ংকৰ ঘটনা৷ ছয়গাঁও থানাৰ অন্তৰ্গত কালাতলী পথাৰ গাঁৱৰ ড্ৰাগছ সেৱনকাৰী দুই ভাই-ককাইৰ মাজত তয়াময়া কাজিয়াত কুঠাৰৰ ঘাপত গুৰুতৰভাৱে আহত হয় এগৰাকী মহিলা৷ আহত মহিলাগৰাকী দুই ড্ৰাগছ সেৱনকাৰীৰ খুৰীয়েক মেহেৰা ভানু বুলি জানিব পৰা গৈছে৷

    প্ৰাপ্ত বাতৰি মতে, কালাতলী পথাৰ গাঁৱৰ দুই ভাতৃ তথা ড্ৰাগছ আসক্ত আশ্ৰাফুল হক আৰু আলিবৰ হকে কিছু পৰিমাণৰ ড্ৰাগছ ক্ৰয় কৰি দুয়ো ভাগ-বটৰা কৰি আছিল৷ ভাগ-বটৰা কৰি থাকোতেই দুয়োৰে মাজত দুৰ্বাদল কাজিয়াৰ সুত্ৰপাত ঘটে৷ দুই ভাই-ককাইৰ কাজিয়া প্ৰত্যক্ষ কৰি তেওঁলোকৰে সম্পৰ্কীয় খুৰীয়েক মেহেৰা ভানু নামৰ মহিলাগৰাকীয়ে ঘটনাস্থলীত উপস্থিত হোৱাৰ লগে লগে ড্ৰাগছ আসক্তদ্বয়ৰ কুঠাৰৰ ঘাপত গুৰুতৰভাৱে আহত হয়৷

    ইফালে, ঘটনা সংঘটিত কৰিয়েই ৰক্তাক্ত অৱস্থাত মহিলাগৰাকীক পেলাই থৈ ড্ৰাগছ সেৱনকাৰী দুয়ো ভাই-ককাই ঘটনাস্থলীৰ পৰা পলায়ন কৰে৷ ড্ৰাগছ আসক্তৰ কুঠাৰৰ ঘাপত কপাল, নাক আৰু শৰীৰৰ কেইবা স্থানত আঘাত পোৱা মহিলাগৰাকীৰ উদ্ধাৰ কৰি স্থানীয় ৰাইজে ততাতৈয়াকৈ স্থানীয় সোণতলী প্ৰাথমিক স্বাস্থ্য কেন্দ্ৰলৈ নিয়ে৷

    সোণতলী প্ৰাথমিক স্বাস্থ কেন্দ্ৰত প্ৰাথমিক চিকিৎসা প্ৰদান কৰি সম্প্ৰতি মহিলাগৰাকীক উন্নত চিকিৎসাৰ বাবে GMCHলৈ প্ৰেৰণ কৰা হৈছে৷ ইয়াৰ বিপৰীতে ড্ৰাগছ আসক্ত দুই ভাই-ককাই পলাতক অৱস্থাত আছে৷
    Published by:Sanjay Kumar Das
    First published: