Sonari Murder : সোণাৰিত স্বামী আৰু শাহুৱে মিলি হত্যা কৰিলে বোৱাৰীক, আত্মহত্যাৰ ৰূপ দিবলৈ কীটনাশক দেহত ছটিয়ালে কীটনাশক!

News18 Assam | News18-Assam
Updated:April 6, 2021, 6:36 AM IST
Sonari Murder : সোণাৰিত স্বামী আৰু শাহুৱে মিলি হত্যা কৰিলে বোৱাৰীক, আত্মহত্যাৰ ৰূপ দিবলৈ কীটনাশক দেহত ছটিয়ালে কীটনাশক!
বিয়াৰ পিছৰে পৰা স্বামী তথা স্বামীৰ পৰিয়ালে অনিতাৰ ওপৰত শাৰীৰিক আৰু মানসিক অত্যাচাৰ চলাই আহিছিল।

বিয়াৰ পিছৰে পৰা স্বামী তথা স্বামীৰ পৰিয়ালে অনিতাৰ ওপৰত শাৰীৰিক আৰু মানসিক অত্যাচাৰ চলাই আহিছিল।

  • Share this:
চৰাইদেউ (Charaideu) জিলাৰ সদৰ সোণাৰি (Sonari) নগৰৰ সমীপৱৰ্তী তথা চফ্রাই আৰক্ষী চকীৰ অন্তৰ্গত ৰঙাপথাৰ গাঁৱৰ এগৰাকী বােৱাৰীক স্বামী আৰু শাহুয়ে মিলি হত্যা কৰি আত্মহত্যাৰ ৰূপ দিবলৈ চেষ্টা কৰাৰ অভিযোগ উত্থাপন হৈছে। প্রাপ্ত তথ্য অনুসৰি, চফ্রাই ৰঙাপথাৰ গাঁৱৰ হতীপোটা লাইনৰ নিৱাসী জয় বাক্তিৰ কন্যা অনিতা বাক্তিক একে গাঁৱৰে শিৱ মন্দিৰ লাইনৰ বিমল সিঙৰ পুত্ৰ ৰণ্টু সিঙে ১১ বছৰ পূর্বে বিয়া কৰাইছিল। বিয়াৰ পিছৰে পৰা স্বামী তথা স্বামীৰ পৰিয়ালে অনিতাৰ ওপৰত শাৰীৰিক আৰু মানসিক অত্যাচাৰ চলাই আহিছিল।

বােৱাৰীগৰাকীৰ পিতৃগৃহই অভিযােগ কৰা মতে, সোমবাৰে পুৱা প্রায় ৭ বজাত স্বামী ৰণ্টুৱে ফোন কৰি জনায় যে তেওঁলােকৰ কন্যা পাগল হৈছে গতিকে তাইক পিতৃগৃহই লৈ আনিব লাগে আৰু তেনেতে অনিতাই কান্দি কান্দি 'মােক গােটেই ৰাতি মাৰিছে' বুলি কোৱা শুনিবলৈ পাই আৰু ফোন কাটি দিয়ে। ইয়াৰ পিছতেই দিনৰ প্রায় ৯ বজাত অনিতাৰ ভাতৃয়ে জানিব পাৰে যে অনিতাৰ মৃত্যু হৈছে।

ইয়াৰ পিছতেই পিতৃ জয় বাক্তিয়ে কন্যাৰ ৰণ্টু সিং আৰু শাহু বীণা সিং ৰাজপুৰ বিৰুদ্ধে সােণাৰি আৰক্ষী থানাত এক এজাহাৰ দাখিল কৰে। উক্ত এজাহাৰৰ ভিত্তিত আৰক্ষীয়ে ভাৰতীয় দণ্ডবিধি আইনৰ ৩০২ আৰু ৩৪ ধাৰাত অধীনত সােণাৰি আৰক্ষী থানাত ৬৭/২০২১ নম্বৰত এটা গােচৰ ৰুজু কৰি চৰাইদেউ আদালতত হাজিৰ কৰাত আদালতে ৰণ্টু সিঙক জে’ল হাজোতলৈ প্ৰেৰণ কৰে।

স্থানীয় ৰাইজে প্রকাশ কৰা মতে, ৰণ্টু আৰু পৰিয়ালে পৰিকল্পিতভাৱে মহিলাগৰাকীক হত্যা কৰি আত্মহত্যাৰ ৰূপ দিবলৈ গাত কীটনাশক ঔষধ চটিয়াই মুৰ্মূষু অৱস্থাত চফ্রাই বাগিচা চিকিৎসালয়লৈ আনে আৰু উক্ত সময়তে মহিলাগৰাকীয়ে তাত উপস্থিত চিকিৎকর্মীক মােৰ স্বামীয়ে বেয়াকৈ মাৰধৰ কৰা আৰু গাত দৰৱ ছটিয়াই দিয়া বুলি কয়। ইয়াৰ পিছতেই চিকিৎসকে মহিলাগৰাকীক উন্নত চিকিৎসাৰ বাবে ৰজাপুখুৰীস্থিত চৰাইদেউ অসামৰিক চিকিৎসালয়লৈ প্ৰেৰণ কৰে যদিও মহিলাগৰাকী আদবাটতে মৃত্যু হয়।
Published by: Sanjay Kumar Das
First published: April 6, 2021, 6:35 AM IST
আৰু চাওক
পৰৱৰ্তী বাতৰি

শেহতীয়া বাতৰি