Assam Legislative Assembly : কাইলৈৰ পৰা বিধানসভাৰ শীতকালীন অধিৱেশন, মুঠ ১২খন বিল সদনত উত্থাপন কৰিব চৰকাৰে

কাইলৈৰ পৰা পাঁচদিনীয়া কাৰ্যসূচীৰে আৰম্ভ হ'ব অসম বিধানসভাৰ শীতকালীন অধিৱেশন (Winter Session of Assam Legislative Assembly)। এই অধিৱেশনত চৰকাৰে এখন ৰিপীল বিলকে ধৰি মুঠ ১২খন বিল উত্থাপন কৰিব ৷ শীতকালীন অধিৱেশনৰ বাবে এতিয়া সাজু শাসক-বিৰোধী ৷

৫ দিনীয়া কাৰ্যসূচীৰে কাইলৈৰ পৰা আৰম্ভ হ'ব অসম বিধানসভাৰ শীতকালীন অধিৱেশন। শীতকালীন অধিৱেশনত এইবেলি চৰকাৰে মুঠ ১২খন বিল সদনত উত্থাপন কৰিব৷ ইয়াৰে এখন ৰিপীল বিল আৰু বাকী এঘাৰখন বিল এমেণ্ডমেণ্ট বিল বুলি সোমবাৰে জনালে বিধানসভাৰ প্ৰধান সচিব হেমেন দাসে ৷

শীতকালীন অধিৱেশনৰ বাবে চৰকাৰক শ'লঠেকত পেলাবলৈ সাজু হৈছে বিৰোধী শিবিৰ ৷ চৰকাৰৰ গণবিৰোধী কামৰ বিৰোধিতা সদনত কৰিব বুলি সদৰী কৰিলে বিৰোধী দলপতি দেৱব্ৰত শইকীয়াই ৷

ইপিনে বটদ্ৰৱাত চলা উচ্ছেদ আৰু অৰুণোদয় আঁচনিৰ দ্বিতীয় ধাৰাক লৈ সদনত সৰৱ হ'ব বুলি জনালে AIUDFৰ বিধায়ক কৰিমউদ্দিন বৰভূঞাই ৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।