মহানগৰীৰ আমবাৰীত বনৰীয়া গাহৰিৰ ত্ৰাস! গাহৰিৰ আক্ৰমণত আহত চাৰি জন, প্ৰেছ ক্লাৱৰ চিচিটিভিত বন্দী আক্ৰমণৰ দৃশ্য

মহানগৰীৰ আমবাৰীত বনৰীয়া গাহৰিৰ তাণ্ডৱ ৷ আমবাৰীৰ স্থিত পুৰাতত্ব বিভাগৰ সন্মুখত এটা গাহৰিয়ে চলাই আক্ৰমণ ৷ গাহৰিৰ আক্ৰমণত গুৰুতৰভাৱে আঘাটপ্ৰাপ্ত চাৰিলোক ৷ ইযাৰে পুৰাতত্ব বিভাগৰ দুই নৈশ কৰ্মচাৰী, এগৰাকী গুৱাহাটী প্ৰেছক্লাৱৰ ছাফাই কৰ্মীকে ধৰি, এগৰাকী টেক্সটাইলৰ প্ৰতিষ্ঠানৰ কৰ্মচাৰী ৷

গুৱাহাটী প্ৰেছক্লাৱৰ ছাফাই কৰ্মী ৰাজেন্দ্ৰ বাসৱ আৰু পুৰাতত্ব বিভাগৰ কৰ্মচাৰী মুকলেশ আলি গুৰুতৰ ভাবে আঘাটপ্ৰাপ্ত ৷ পিছে, মহানগৰীৰ মাজমজিয়াত কিদৰে প্ৰৱেশ কৰিলে বনৰীয়া গাহৰিটো ৷ তাকে লৈ সৃষ্টি হৈছে ৰহস্যৰ ৷ একাংশৰ সন্দেহ ব্ৰহ্মপুত্ৰত উঠি আহিছিল বনৰীয়া জন্তুটো ৷ 

ৰাতিপুৱা প্ৰায় ৯ মান বজাত প্ৰথমে পুৰাতত্ব বিভাগৰ নৈশ চকীদাৰ মুকলেশ আলিয়ে প্ৰত্যক্ষ কৰিছিল গাহৰিটো ৷ গাহৰিটো চৌহদৰ পৰা বাহিৰ কৰিব লওতে চোঁচা মাৰি আহে লোকজনক ৷ তাৰপাচতে সংঘটিত হয় এই অঘটন ৷ আৰু এই অঘটন সংঘটিত হোৱাৰ পাচতে টেক্সটাইল প্ৰতিষ্ঠানত প্ৰৱেশ কৰে গাহৰিটো ৷ অঘটন সংঘটিত কৰা গাহৰিটো বহু সময় ধৰি উদ্ধাৰৰ চেষ্টা চলাই বন বিভাগে ৷

যদিওবা বহু চেষ্টা কৰাৰ পাছতো বৰ্তমান সময়লৈ উদ্ধাৰ কৰিবলৈ সক্ষম নহল বনৰীয়া গাহৰিটো ৷ গুৰুতৰ ভাৱে আঘাটপ্ৰায় দুইগৰাকীকে এজনক গুৱাহাটী চিকিৎসা মহাবিদ্যালয়ত আৰু এগৰাকী মহেন্দ্ৰ মোহন চিকিৎসালয়ত ভৰ্তি কৰা হয় ৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।