প্ৰকৃতিৰ সতে সহাৱস্থানেই মানৱ জাতিৰ উত্তম উপায়। বঙাইগাঁৱত সমুহীয়া গছ পুলি ৰোপণ ৷

News18 Assam | News18-Assam
Updated:June 13, 2021, 7:21 PM IST
প্ৰকৃতিৰ সতে সহাৱস্থানেই মানৱ জাতিৰ উত্তম উপায়। বঙাইগাঁৱত সমুহীয়া গছ পুলি ৰোপণ ৷
পুৰণি বঙাইগাঁও চ’কৰ পৰা ৰাজ্যিক পথছোৱাৰ দাতিত শাৰী শাৰীকৈ সোণাৰু, কৃষ্ণচূড়া, ৰাধাচূড়া আদি বিভিন্ন গছৰ পুলি ৰোপণ কৰে ৷

পুৰণি বঙাইগাঁও চ’কৰ পৰা ৰাজ্যিক পথছোৱাৰ দাতিত শাৰী শাৰীকৈ সোণাৰু, কৃষ্ণচূড়া, ৰাধাচূড়া আদি বিভিন্ন গছৰ পুলি ৰোপণ কৰে ৷

  • Share this:
বঙাইগাঁৱত সৌন্দৰ্য্যবৰ্ধন আৰু প্ৰাকৃতিক ভাৰসাম্য ৰক্ষাৰ বাবে সমুহীয়া গছপুলি ৰোপণ ৷ উত্তৰ শালমাৰাৰ পৰা বঙাইগাঁও সংযোগী পথৰ দাতিত উদীয়মান যুৱক- যুৱতী আৰু স্থানীয় ৰাইজে মিলি ৰোপণ কৰে কেইবা শ গছ পুলি ৷

ব্যতিক্ৰম নামৰ হোৱাটছএপ গ্ৰুপ এটাৰ আহ্বান মৰ্মে পুৰণি বঙাইগাঁও চ’কৰ পৰা ৰাজ্যিক পথছোৱাৰ দাতিত শাৰী শাৰীকৈ সোণাৰু, কৃষ্ণচূড়া, ৰাধাচূড়া আদি বিভিন্ন গছৰ পুলি ৰোপণ কৰা হয় ৷ গছপুলি ৰোপণ কাৰ্যসূচীত সাংবাদিক, শিল্পী, সাহিত্যিক, ৰাজনৈতিক নেতাকে আদি কৰি সমাজৰ বিভিন্ন শ্ৰেণীৰ লোকে অংশ গ্ৰহণ কৰে ৷ কাৰ্যসূচীত অংশগ্ৰহণকাৰী প্ৰতিজনে আগন্তক পাঁচ বছৰ গছ পুলিসমুহৰ সংৰক্ষণৰ দায়িত্বও গ্ৰহণ কৰে ৷

ৰাজ্যিক ঘাইপথ সম্প্ৰসাৰণৰ ফলত পথছোৱাৰ দাতিত থকা গছ-গছনিসমুহ কাটি পেলোৱাৰ পিছত যুৱচামে গছ পুলি ৰোপণৰ বাবে লোৱা সিদ্ধান্তৰ সচেতন মহলে শলাগ লৈছে ৷
Published by: Manjumoni Borah
First published: June 13, 2021, 7:21 PM IST
আৰু চাওক
পৰৱৰ্তী বাতৰি

শেহতীয়া বাতৰি