Weather Report: ভাদ মাহৰ শেষৰ সপ্তাহতো উৎকট গৰম, আগন্তুক ২৪ ঘণ্টাৰ ভিতৰত বৰষুণ অহাৰ সম্ভাৱনা

গোলকীয় উত্তাপৰ প্ৰভাৱ  যেন অসমতো আৰম্ভ হৈছে। যাৰ বাবে ভাদ মাহৰ শেষৰ সপ্তাহতো ৰাজ্যবাসীয়ে প্ৰচণ্ড গৰম সহ্য কৰিবলগীয়া হৈছে। বিশেষকৈ বিভিন্ন কাৰণৰ বাবে বৰষুণৰ পৰিমাণ উদ্বেগজনকভাবে কমি যোৱাত শৰৎ কাল অহাৰ পছতো তীব্র গৰমে বিদায় লোৱা নাই। পিছে কেতিয়া ৰাজ্যবাসীয়ে সকাহ পাব এই মহা গৰমৰ পৰা?

বৰঝাৰস্থিত আঞ্চলিক বতৰ বিজ্ঞান কেন্দ্ৰই দিছে বৰষুণৰ সংকেত। বতৰ বিজ্ঞান কেন্দ্ৰৰ ফালৰ পৰা জনোৱা মতে, আগন্তুক ২৪ ঘণ্টাৰ ভিতৰত অসমৰ লগতে উত্তৰ পূৰ্বাঞ্চলৰ কেইখনমান ৰাজ্যৰ বহু ঠাইত বৰষুণৰ সম্ভাৱনা আছে ।

ঠিক তেনেদৰে অসমৰ কিছু কিছু ঠাইত অহা ১৮ ছেপ্টেম্বৰলৈ কিছু পৰিমাণে বৰষুণ হোৱাৰ সম্ভাৱনা আছে বুলি জানিবলৈ দিছে বতৰ বিজ্ঞান কেন্দ্ৰই। আনহাতে অহা ১৬ ছেপ্টেম্বৰ বৃহস্পতিবাৰে এই বৰষুণৰ ফলত গুৱাহাটী হ্ৰাস পাব তাপমান। যাৰ ফলত মহানগৰবাসীয়েও পৰিত্ৰাণ পাব উৎকট গৰমৰ পৰা।