Weather Alert : নিৰ্বাচনত আউল লগাব নেকি বতৰে? ২ এপ্ৰিললৈ অসমত বৰষুণ–ধুমুহাৰ আগজাননী!

অসম বিধানসভা নিৰ্বাচনৰ প্ৰথম আৰু  দ্বিতীয় পৰ্যায়ৰ নিৰ্বাচনত বিধি–পঠালি দিব পাৰে বৰুণ দেৱতাই। আঞ্চলিক বতৰ বিজ্ঞান কেন্দ্ৰই জনোৱা মতে, আজিৰে পৰা অসম তথা মেঘালয়ৰ কিছু কিছু ঠাইত বৰষুণ অহাৰ সম্ভাৱনা আছে।

তদুপৰি ২৮ মাৰ্চ অসম, মেঘালয়ৰ কিছু ঠাইত পাতলীয়া বৰষুণৰ লগতে ধেৰেকনি অহাৰ সম্ভাৱনাৰ লগতে অসমৰ বিভিন্ন স্থানত ২৯ মাৰ্চত ৩০–৪০ কিলোমিটাৰ গতিবেগত ধূলি বতাহ অহাৰ লগতে সামান্য পৰিমাণৰ বৰষুণ অহাৰ সম্ভাৱনা আছে।

৩০ মাৰ্চত অসমৰ বিভিন্ন স্থানত ৪০–৫০ কিলোমিটাৰ গতিবেগত ধূলি ধুমুহাৰ লগতে ধাৰাসাৰ বৰষুণ সম্ভাৱনা আছে। ৩১ মাৰ্চত দক্ষিণ অসমত ৪০–৫০ কিলোমিটাৰ গতিবেগত ধুমুহা অহাৰ লগতে ধাৰাসাৰ বৰষুণৰ আগজাননী সদৰি কৰিছে বতৰ বিজ্ঞান কেন্দ্ৰই।

আনহাতে, ১ এপ্ৰিলত অসমৰ বিভিন্ন ঠাইত বৰষুণৰ উপৰিও ধেৰেকনি অহাৰ লগতে ২ এপ্ৰিলত বিভিন্ন স্থানত বৰষুণ অহাৰ আগজাননী সদৰী কৰে বৰঝাৰস্থিত আঞ্চলিক বতৰ বিজ্ঞান কেন্দ্ৰই।