'অখিল গগৈ দুতলীয়া মানুহ, একেবাৰে বিশ্বাস কৰিব নোৱাৰি'- কটাক্ষ ৰকিবুল হুছেইনৰ

'অখিল গগৈৰ দিনত এটা ৰাতি এটা ৷ অখিলক বিশ্বাস কৰিব নোৱাৰি ৷'- দিল্লীত কংগ্ৰেছ যুৱৰাজ ৰাহুল গান্ধীক সাক্ষাতৰ প্ৰাকক্ষণত এই ক্ষোভ ব্যক্ত কৰে বিৰোধী দলপতি ৰকিবুল হুছেইনে৷

ৰকিবুল হুছেইনে কোৱা মতে, অখিল গগৈৰ সমানে সমানে মহাজোঁটত থকা AIUDFকো সহজ ভাৱে নলয় কংগ্ৰেছে ৷ নিৰ্বাচনৰ পাছতে পাভলুটি মাৰিছে AIUDFয়ে ৷ সেয়েহে AIUDFৰ পৰা আঁতৰি অহাৰ এয়া এক সুবৰ্ণসুযোগ আখ্যা ৰকিবুল হুছেইনৰ ৷

বিৰোধী AIUDFয়ে শাসক পক্ষক সমালোচনাৰ পৰিৱৰ্তে সময়ে সময়ে সমৰ্থনহে আগবঢ়াই আহিছে ৷ গতিকে এতিয়া AIUDF-বিজেপিৰ গোপন মিত্ৰতাৰ গোন্ধ পাইছে  ৰকিবুল হছেইনে। ৰকিবুল হুছেইনে লগতে কয় যে, 'AIUDF মহাজোঁটত থকাৰ বাবে কংগ্ৰেছৰ বৃদ্ধি হোৱা নাই আসন ৷ বিপৰীতে কংগ্ৰেছৰ বাবে AIUDF লাভান্বিত হৈছে ৷'

উল্লেখ্য যে, কংগ্ৰেছ হাইকামাণ্ডেই এতিয় নিৰ্ণয় কৰিব কংগ্ৰেছ মহাজোঁটৰ ভৱিষ্যত। অৱশ্যে অহা ৩০ আগষ্টত কংগ্ৰেছৰ ক'ৰ কমিটীৰ বৈঠকৰ পিছতে স্পষ্ট হ'ব কংগ্ৰেছ  AIUDFৰ লগত থাকিব নে আঁতৰিব।