মন্ত্ৰী ৰিহণ দৈমাৰীৰ গৃহজিলাত সাপ–বেং,শেলুৱৈৰে ভৰা পানী খাই জীৱন নিৰ্বাহ ৰাইজৰ

News18-Assam
Updated:August 27, 2019, 2:50 PM IST
মন্ত্ৰী ৰিহণ দৈমাৰীৰ গৃহজিলাত সাপ–বেং,শেলুৱৈৰে ভৰা পানী খাই জীৱন নিৰ্বাহ ৰাইজৰ
ভয়ংকৰ জলসংকটৰ সৈতে যুঁজিছে ওদালগুৰিৰ এই অঞ্চলৰ ৰাইজে।

ভয়ংকৰ জলসংকটৰ সৈতে যুঁজিছে ওদালগুৰিৰ এই অঞ্চলৰ ৰাইজে।

  • Share this:
ৰিপুঞ্জয় নাথঃ মানুহ নিৰোগী হৈ জীয়াই থাকিবলৈ লাগে এটুপি বিশুদ্ধ খোৱা পানী, কিন্তু এতিয়াও বিশুদ্ধ খোৱা পানীৰ অভাৱত দিন কটাবলগীয়া হৈছে অধিকাংশ ঠাইৰ মানুহে। খোৱাপানীৰ এই হাহাকাৰ অৱস্থা স্বয়ং জনস্বাস্থ্য কাৰিকৰী মন্ত্ৰীৰ গৃহজিলাতে দেখিবলৈ পোৱা গৈছে। এতিয়াও আদিম মানৱৰ দৰে নৈৰ বুকুৰ পৰা নিগৰি আহি এটা গাঁতত জমা হোৱা লেতেৰা পানী খাই জীয়াই আছে অঞ্চলটোৰ মানুহ। ওদালগুৰি জিলাৰ ডিমাকুছিৰ সমীপৰ শিমলুগুৰি গাঁৱৰ দৃশ্য দেখিলে বুকু কঁপি উঠিব আপোনাৰ। দেখাত পৰিষ্কাৰ যেন লাগিলেও এই পানীত উপঙি থকা দেখা যায় সাপ, বেং, শেলুৱৈ আদি। একবিংশ শতিকাৰ মানুহ হৈয়ো এতিয়াও এই অঞ্চলৰ মানুহে এটুপি বিশুদ্ধ পানী পাবলৈ সক্ষম নহ'ল। শিমলুগুৰি গাঁৱত আজিলৈ জনস্বাস্থ্য কাৰিকৰী বিভাগৰ কোনো এক আঁচনিয়েই আজিলৈ ঢুকি নাপালে। বহুদূৰ গাঁৱৰ মহিলা সকলে এই লেতেৰা পানী নিবলৈ আহিব লাগে নিতৌ। নৈৰ পানী বাঢ়িলে পানীবোৰ হৈ পৰে সম্পূৰ্ণ লেতেৰা। আৰু সেই লেতেৰা পানীকেই গাঁও বাসীয়ে উতলাই খাব লগীয়া হয়। এই লেতেৰা পানী খাই অঞ্চলটোৰ শিশুসকলৰ গাত দেখা দিছে বিভিন্ন বেমাৰে। মন্ত্ৰী ৰিহন দৈমাৰীৰ গৃহ জিলাতেই এনেদৰে এই খন মানুহে এনেদৰে লেতেৰা পানীকেই সেৱন কৰি আহিব লগা হৈছে বছৰ বছৰ ধৰি। 
আৰু চাওক
পৰৱৰ্তী বাতৰি
corona virus btn
corona virus btn
Loading