নগাঁৱত আৰক্ষীৰ প্ৰহাৰত গাঁওৰক্ষী বাহিনীৰ সম্পাদক ফণীধৰ বৰাৰ মৃত্যু, উত্তপ্ত জাজৰি

News18 Assam | News18-Assam
Updated:June 5, 2020, 1:10 PM IST
নগাঁৱত আৰক্ষীৰ প্ৰহাৰত গাঁওৰক্ষী বাহিনীৰ সম্পাদক ফণীধৰ বৰাৰ মৃত্যু, উত্তপ্ত জাজৰি
আৰক্ষীয়ে ড্ৰাগছ মাফিয়া ইমতিয়াজ আলীৰ লগতে দূৰ্ঘটনা সংঘটিত কৰা ট্ৰাকচালকৰো আজি পৰ্য্যন্ত সন্ধান উলিয়াব নোৱাৰিলে। ইয়াৰ উপৰিও চহৰখনত ক্ৰমাৎ বৃদ্ধি পোৱা ড্ৰাগছৰ ব্যৱসায় ৰোধ কৰাৰ ক্ষেত্ৰতো বিফল হৈছে নগাঁও আৰক্ষী।  অপৰাধীক নাকী লগাব নোৱাৰা নগাঁও আৰক্ষীয়ে নিৰপৰাধী লোকৰ ওপৰত চলোৱা নিৰ্যাতনক কঠোৰ ভাষাৰে গৰিহণা দিছে সকলোৱে।

আৰক্ষীয়ে ড্ৰাগছ মাফিয়া ইমতিয়াজ আলীৰ লগতে দূৰ্ঘটনা সংঘটিত কৰা ট্ৰাকচালকৰো আজি পৰ্য্যন্ত সন্ধান উলিয়াব নোৱাৰিলে। ইয়াৰ উপৰিও চহৰখনত ক্ৰমাৎ বৃদ্ধি পোৱা ড্ৰাগছৰ ব্যৱসায় ৰোধ কৰাৰ ক্ষেত্ৰতো বিফল হৈছে নগাঁও আৰক্ষী।  অপৰাধীক নাকী লগাব নোৱাৰা নগাঁও আৰক্ষীয়ে নিৰপৰাধী লোকৰ ওপৰত চলোৱা নিৰ্যাতনক কঠোৰ ভাষাৰে গৰিহণা দিছে সকলোৱে।

  • Share this:
অপৰাধ নিয়ন্ত্ৰণত চুড়ান্ত ভাৱে ব্যৰ্থ হোৱা নগাঁও আৰক্ষীয়ে সাধাৰণ ৰাইজৰ ওপৰত বীৰত্ব প্ৰদৰ্শন কৰাৰ অভিযোগত ক্ষুব্ধ হৈ পৰিছে নগঞা ৰাইজ।  আৰক্ষীৰ প্ৰহাৰত গুৰুতৰ ভাৱে আহত হৈ গাঁওৰক্ষী বাহিনীৰ সম্পাদক ফণীধৰ বৰাই মৃত্যুক সাৱটি ল'ব লগা হোৱা ঘটনাই উত্তপ্ত কৰি তুলিছে নগাঁৱৰ জাজৰি অঞ্চল।

জাজৰিৰ কোৱাৰণ্টাইন চেণ্টাৰত কৰ্তব্যত নিয়োজিত ফণীধৰ বৰা নামৰ গাঁওৰক্ষী বাহিনীৰ সম্পাদক গৰাকীক বুধবাৰে নিশা জাজৰি আৰক্ষীৰ কণিষ্টবল আতিকুৰ ৰহমান আৰু মহেশ শৰ্মাই সাধাৰণ কথাতে থানালৈ চোচৰাই আনি যধে-মধে প্ৰহাৰ কৰাৰ ফলত গুৰুতৰভাৱে আহত হয় বৰা। মুমূৰ্ষু অৱস্থাত ফণীধৰ বৰাক নগাঁৱৰ এখন ব্যক্তিগত নাৰ্ছিং হোমত ভৰ্তি কৰোৱা হয় যদিও স্বাস্থ্যৰ অৱস্থা অতি জটিল হোৱাৰ বাবে বৃহস্পতিবাৰে বিয়লি গুৱাহাটীলৈ লৈ যোৱা হয়।

কিন্তু দুৰ্ভাগ্যজনক ভাৱে চিকিৎসালয়লৈ নিয়াৰ পথতে শেষ নিশ্বাস ত্যাগ কৰে ফণীধৰ বৰাই। ইয়াৰ পিছতে স্থানীয় ৰাইজৰ প্ৰতিবাদত উত্তপ্ত হৈ পৰে জাজৰি আৰক্ষী থানাৰ চৌহদ। উত্তেজিত ৰাইজে দোষী আৰক্ষীৰ উচিত শাস্তি বিচৰাৰ লগতে ফণীধৰ বৰাৰ পৰিয়ালক ক্ষতিপূৰণ দিয়াৰ দাবী জনায়। মৃত্যুৰ পূৰ্বলৈকে জাজৰি আৰক্ষী থানাত কেণ্টিন দি জীৱন নিৰ্বাহ কৰিছিল ফণীধৰে। দিনে-নিশাই থানাখনৰ আৰক্ষীক চাহ-ৰুটিৰ যোগান ধৰিছিল। সেইজন ব্যক্তিকে জাজৰি আৰক্ষীয়ে কৰা অমানুসিক অত্যাচাৰৰ ঘটনাক সহজ ভাৱে ল'ব পৰা নাই ৰাইজে।

শেহতীয়া ভাৱে নগাঁৱত ক্ৰমাৎ বৃদ্ধি পোৱা অপৰাধজনিত ঘটনা সমূহ নিয়ন্ত্ৰণতো একপ্ৰকাৰ ব্যৰ্থ হৈছে আৰক্ষী, এই অভিযোগ ৰাইজৰ। যোৱা ১৭ মাৰ্চত নগাঁও চহৰৰ ম'হখুলিত ফুটগধুলিতে আৰক্ষীক আক্ৰমণ কৰি পিষ্টল কাঢ়ি নিছিল ড্ৰাগছ মাফিয়া ইমতিয়াজ আলীয়ে। তাৰ পিছতে ১৮ মাৰ্চত বৰঘাট আৰক্ষীৰ ৮জন জোৱানক কঢ়িয়াই নিয়া এখন বাহনক খুন্দিয়াই পলায়ন কৰিছিল উদণ্ড ট্ৰাকচালকে। সেই ঘটনাত আৰক্ষীৰ এজন জোৱানৰ মৃত্যু হোৱাৰ লগতে গুৰুতৰ ভাৱে আহত হৈছিল ৭জন জোৱান।

আৰক্ষীয়ে ড্ৰাগছ মাফিয়া ইমতিয়াজ আলীৰ লগতে দূৰ্ঘটনা সংঘটিত কৰা ট্ৰাকচালকৰো আজি পৰ্য্যন্ত সন্ধান উলিয়াব নোৱাৰিলে। ইয়াৰ উপৰিও চহৰখনত ক্ৰমাৎ বৃদ্ধি পোৱা ড্ৰাগছৰ ব্যৱসায় ৰোধ কৰাৰ ক্ষেত্ৰতো বিফল হৈছে নগাঁও আৰক্ষী।  অপৰাধীক নাকী লগাব নোৱাৰা নগাঁও আৰক্ষীয়ে নিৰপৰাধী লোকৰ ওপৰত চলোৱা নিৰ্যাতনক কঠোৰ ভাষাৰে গৰিহণা দিছে সকলোৱে।

শুকুৰবাৰে অসম আৰক্ষীৰ সঞ্চালক প্ৰধান ভাস্কৰজ্যোতি মহন্তই নগাঁও ভ্ৰমণ কৰি আইন-শৃংখলা উন্নত হৈছে বুলি কোৱাৰ সময়তে আৰক্ষীৰ বৰ্বৰতাৰ বাবে এজন নিৰপৰাধী অসমীয়াই প্ৰাণ বিসৰ্জন দিব লগা কাৰ্যই অসম আৰক্ষীত পুনৰ কালিমা সানিলে। ক্ষুদ্ধ ৰাইজে আনকি নগাঁৱৰ আইন-শৃংখলাৰ দায়িত্ব গৃহবিভাগৰ দায়িত্বত থকা মুখ্যমন্ত্ৰী গৰাকীক পুনৰ পৰ্যালোচনা কৰাৰ বাবেও আহ্বান জনাইছে। উল্লেখযোগ্য যে প্ৰয়াত ফণীধৰ বৰাই হাতীচোং আঞ্চলিক ছাত্ৰ সন্থাৰ প্ৰাক্তন সভাপতি ৰূপে কাৰ্যনিৰ্বাহ কৰাৰ লগতে জাজৰি ব্যৱসায়ী সন্থাৰ সভাপতি আৰু বিভিন্ন সাংস্কৃতিক অনুষ্ঠানৰ লগতো মৃত্যুৰ সময়লৈকে জড়িত আছিল।
First published: June 5, 2020, 9:28 AM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading