পাকিস্তানৰ বিৰুদ্ধে কোনো কঠোৰ পদক্ষেপ নলয় আমেৰিকাই

কোনো কাৰণতে পাকিস্তানৰ বিৰুদ্ধে কঠোৰ পদক্ষেপ গ্ৰহণ নকৰে আমেৰিকা যুক্তৰাষ্ট্ৰই, এইক্ষেত্ৰত কৌশলগত স্থিতিহে গ্ৰহণ কৰিব : পৰেশ বৰুৱা

news18assam
Updated:April 16, 2019, 2:28 PM IST
পাকিস্তানৰ বিৰুদ্ধে কোনো কঠোৰ পদক্ষেপ নলয় আমেৰিকাই
কোনো কাৰণতে পাকিস্তানৰ বিৰুদ্ধে কঠোৰ পদক্ষেপ গ্ৰহণ নকৰে আমেৰিকা যুক্তৰাষ্ট্ৰই, এইক্ষেত্ৰত কৌশলগত স্থিতিহে গ্ৰহণ কৰিব : পৰেশ বৰুৱা
news18assam
Updated: April 16, 2019, 2:28 PM IST
কোনো কাৰণতে পাকিস্তানৰ বিৰুদ্ধে কঠোৰ পদক্ষেপ গ্ৰহণ নকৰে আমেৰিকা যুক্তৰাষ্ট্ৰই ৷ এইক্ষেত্ৰত কৌশলগত স্থিতিহে গ্ৰহণ কৰিব আমেৰিকাই ৷ এই সম্ভাৱনীয়তা প্ৰকাশ কৰিছে পশ্চিম দক্ষিণ-পূব এছিয়াৰ আটাইতকৈ বেছি চৰ্চিত তথা ভাৰত চৰকাৰৰ বাবে মূৰৰ কামোৰণি স্বৰূপ পৰেশ বৰুৱাই ৷

News18ৰ সৈতে হোৱা এক টেলিফোনিক সাক্ষাৎকাৰত আলফা (স্বাধীন)ৰ মুখ্য সেনাধ্যক্ষ তথা সংগঠনৰ উপ-সভাপতি পৰেশ বৰুৱাই ক'লে, "দোহাত সম্প্ৰতি এক বিশেষ আলোচনা চলি আছে ৷ পাকিস্তানৰ মধ্যস্থতাত আৰম্ভ হোৱা এই শান্তি আলোচনা কোনো কাৰণে ব্যাঘাত হ'বলৈ নিদিয়ে আমেৰিকাই ৷"

বিগত ১৪ ফেব্ৰুৱাৰীৰ পুলৱামা আক্ৰমণ আৰু জইছ -ই-মহম্মদৰ দায়িত্ব স্বীকাৰৰ পিছৰ পৰা আৰম্ভ হোৱা ভাৰত-পাকিস্তানৰ সংঘাত এতিয়া তুংগত ৷ প্ৰতিশোধকল্পে ২৬ ফেব্ৰুৱাৰীত ভাৰতীয় বায়ুসেনাই পাক অধিকৃত জম্মু-কাশ্মীৰৰ বালাকোটত থকা জইছ-ই-মহম্মদৰ প্ৰধান ঘাটিত আক্ৰমণ কৰে ৷ যাক লৈ এতিয়া সমগ্ৰ বিশ্বই চিন্তিত ৷ গৰিষ্ঠসংখ্যক দেশেই পৰমাণু শক্তিৰে শক্তিমান ভাৰত-পাকিস্তানৰ মাজত যুদ্ধ হোৱাতো কামনা কৰা নাই৷ সকলোৱে সংঘাত মৰিষণৰ বাবে দিহা-পৰামৰ্শ দিছে ৷ বিশেষকৈ আমেৰিকা যুক্তৰাষ্ট্ৰৰ ভূমিকা সকলোৰে নজৰত ৷ পাকিস্তানক সন্ত্ৰাসবাদীৰ বিৰুদ্ধে ব্যৱস্থা গ্ৰহণ কৰিবলৈ পৰামৰ্শ দিছে ৰাষ্ট্ৰপতি ডণাল্ড ট্ৰাম্পৰ প্ৰশাসনে ৷

এনে সন্ধিক্ষণতে ভাৰত চৰকাৰে নিষিদ্ধ কৰা আলফা (স্বাধীন)ৰ মূৰব্বী পৰেশ বৰুৱাৰ দাবী - আমেৰিকাই তেনে কোনো কাম নকৰে, যি পাকিস্তানক বিপদত পেলাব ৷ কিয়নো দোহাত আৰম্ভ হৈছে তালিবানৰ সৈতে আমেৰিকাৰ আলোচনা ৷ এই আলোচনাৰ মুখ্য মধ্যস্থতাকাৰী হৈছে পাকিস্তান ৷

"দীৰ্ঘদিনীয়া ৰক্তক্ষয়ী সংঘাতৰ পিছত তালিবানৰ সৈতে আৰম্ভ হোৱা এই আলোচনা এতিয়া আমেৰিকাৰ বাবে মুখ্য ৷ বাকী ভাৰতক শান্তনা দিবলৈ দুই-এক বিবৃত্তি আমেৰিকাই দিব মাথো ৷" - পৰেশ বৰুৱা ৷
আৰু চাওক পৰৱৰ্তী বাতৰি