• Home
  • »
  • News
  • »
  • assam
  • »
  • হাগ্ৰামাৰ কোনো নীতি নাই, আজি যদি উত্তৰে যায় কাইলৈ দক্ষিণে যাব – ক’লে UPPLৰ কাৰ্যকৰী সভাপতি ৰণগৌৰা নাৰ্জাৰীয়ে

হাগ্ৰামাৰ কোনো নীতি নাই, আজি যদি উত্তৰে যায় কাইলৈ দক্ষিণে যাব – ক’লে UPPLৰ কাৰ্যকৰী সভাপতি ৰণগৌৰা নাৰ্জাৰীয়ে

ইউপিপিএল দলেও বিভিন্ন সভা–সমিতি পাতি নিৰ্বাচনী প্ৰচাৰ চলাইছে যদিও দলটোৰ শীৰ্ষ নেতাসকলে গাঁৱে গাঁৱে গৈ নিৰ্বাচনী প্ৰচাৰ চলোৱা দেখা গৈছে।

ইউপিপিএল দলেও বিভিন্ন সভা–সমিতি পাতি নিৰ্বাচনী প্ৰচাৰ চলাইছে যদিও দলটোৰ শীৰ্ষ নেতাসকলে গাঁৱে গাঁৱে গৈ নিৰ্বাচনী প্ৰচাৰ চলোৱা দেখা গৈছে।

ইউপিপিএল দলেও বিভিন্ন সভা–সমিতি পাতি নিৰ্বাচনী প্ৰচাৰ চলাইছে যদিও দলটোৰ শীৰ্ষ নেতাসকলে গাঁৱে গাঁৱে গৈ নিৰ্বাচনী প্ৰচাৰ চলোৱা দেখা গৈছে।

  • Share this:
ৰাজ্যত অনুষ্ঠিত হ'বলগীয়া উপ-নিৰ্বাচনৰ প্ৰচাৰ অভিযান তুংগত। নিৰ্বাচন হ’বলগীয়া সমষ্টিসমূহত বিভিন্ন ৰাজনৈতিক দলৰ ৰথী–মহাৰথীসকলে উবুৰি খাই পৰা দেখা গৈছে। সমান্তৰালভাৱে ইউপিপিএল দলেও বিভিন্ন সভা–সমিতি পাতি নিৰ্বাচনী প্ৰচাৰ চলাইছে যদিও দলটোৰ শীৰ্ষ নেতাসকলে গাঁৱে গাঁৱে গৈ নিৰ্বাচনী প্ৰচাৰ চলোৱা দেখা গৈছে।

মঙলবাৰে সন্ধিয়া বাক্সা জিলাৰ শালবাৰী মহকুমাৰ ভৱানীপুৰ বিধানসভা সমষ্টিৰ এলাকাধীন বিভিন্ন গাঁৱত ইউপিপিএল দলৰ কাৰ্যকৰী সভাপতি ৰণগৌৰা নাৰ্জাৰীয়ে নিৰ্বাচনী প্ৰচাৰ চলাই সংবাদ মাধ্যমৰ আগত কয়, ভৱানীপুৰ বিধানসভা সমষ্টিত আমাৰ মিত্ৰজোঁটৰ প্ৰাৰ্থী ফণীধৰ তালুকদাৰ আছে। সেয়ে নিৰ্বাচনী প্ৰচাৰ তুংগত তুলি ধৰা হৈছে। সমষ্টিটোত বিটিচি অঞ্চলৰ ৬টা ভিচিডিচি অন্তৰ্ভুক্ত হৈছে আৰু ইয়াত প্ৰায় ৪৫ হাজাৰ মান ভোট আছে।

মিত্ৰজোঁটৰ প্ৰাৰ্থীক জয়যুক্ত কৰিবলৈ মুখ্যমন্ত্রী ডাঙৰীয়াই প্ৰচাৰত নামি পৰিছে, কাৰণ তেওঁৰ দায়িত্ব আছে বুলি উল্লেখ কৰে নাৰ্জাৰীয়ে। তেওঁ পুনৰ কয়, আমাৰ মিত্ৰজোঁটৰ বিজেপি, অগপ আৰু ইউপিপিএল দল তিনিওটাই পৰস্পৰক সহায় কৰি আছে বাবে তামুলপুৰ, গোসাইগাঁও আৰু ভৱানীপুৰত আমি জয়ী হ'ম।

এতিয়া ৰাইজে শান্তি, প্ৰগতি আৰু উন্নতি বিচাৰিছে বুলি উল্লেখ কৰি নাৰ্জাৰীয়ে পুনৰ কয়, ৰাইজে কাৰোবাৰ অপপ্ৰচাৰত ভোল নাযায়। ৰাইজে প্ৰমোদ বড়োৰ নেতৃত্বত এটা ভাল পৰিৱেশ পাবলৈ সক্ষম হৈছে আৰু ড০ হিমন্ত বিশ্ব শৰ্মাৰ নেতৃত্বত এটা ভাল পৰিৱেশ পাবলৈ সক্ষম হৈছে।

হাগ্ৰামা মহিলাৰীৰ কোনো নীতি নাই বুলি উল্লেখ কৰি নাৰ্জাৰীয়ে পুনৰ কয়, হাগ্ৰামাই আজি যদি উত্তৰে যায় কালি দক্ষিণে যাব। গতিকে নীতিহীনভাৱে তেখেতে কথাবোৰ কৈ আছে আৰু নীতিহীনভাৱে কাম কৰি আছে। গতিকে ৰাইজৰ ওচৰত তেখেতৰ কোনো গুৰুত্ব নাই।
Published by:Sanjay Kumar Das
First published: