এঘণ্টাতে মহাত্মা গান্ধীৰ ডেৰশ প্ৰতিমূৰ্তি নিৰ্মাণ, কোনে ৰচিলে এই অভিলেখ

News18 Assam | News18-Assam
Updated:October 2, 2020, 5:02 PM IST
এঘণ্টাতে মহাত্মা গান্ধীৰ ডেৰশ প্ৰতিমূৰ্তি নিৰ্মাণ, কোনে ৰচিলে এই অভিলেখ
ধুবুৰীৰ আশাৰীকান্দি টেৰাকোটা গাঁৱৰ শিল্পীসকলে এই অসাধ্য সাধন কৰিলে মাত্ৰ এঘণ্টাতে।

ধুবুৰীৰ আশাৰীকান্দি টেৰাকোটা গাঁৱৰ শিল্পীসকলে এই অসাধ্য সাধন কৰিলে মাত্ৰ এঘণ্টাতে।

  • Share this:
মহামানৱ মহাত্মা গান্ধীৰ ১৫১সংখ্যক জন্মজয়ন্তী উপলক্ষে এক অভিনৱ প্ৰয়াস। এঘণ্টাৰ ভিতৰতে মহাত্মা গান্ধীৰ ১৫০টা প্ৰতিমূৰ্তি বনাই ইতিহাস ৰচিলে অসমৰ এখন গাঁৱৰ ৰাইজে।

ধুবুৰীৰ আশাৰীকান্দি টেৰাকোটা গাঁৱৰ শিল্পীসকলে এই অসাধ্য সাধন কৰিলে মাত্ৰ এঘণ্টাতে। কেইদিনমান পূৰ্বে প্ৰধানমন্ত্ৰী নৰেন্দ্ৰ মোদীয়ে মন কী বাত অনুষ্ঠানত টেৰাকোটাৰ পুতলা শিল্পৰ বিশ্ব বজাৰ দখল কৰাৰ সম্ভৱনাৰ কথা উল্লেখ কৰিছিল।
উক্ত কথাতে অনুপ্ৰাণিত হৈ  টেৰাকোটা গাঁৱৰ প্ৰতিটো পৰিয়ালৰ আই–মাতৃ, বোৱাৰী–জীয়ৰী, ল’ৰা–ছোৱালী সকলোৱে ৰাজপথত বহি বাপুজীলৈ সন্মান জনালে এইদৰে।

জিলা উদ্যোগ আৰু বাণিজ্য কেন্দ্ৰৰ উদ্যোগত আৰু জিলা প্ৰশাসনৰ লগতে নেকাৰ্ডো নামৰ স্বেচ্ছাসেৱী স‌ংগঠৰ সহযোগত এই অভিনৱ কাৰ্যসূচী ৰূপায়ণ কৰা হয়। জিলা উপায়ুক্ত অনন্ত লাল জ্ঞানীয়ে উক্ত অনুষ্ঠানত বন্তি প্ৰজ্বলন কৰি আশাৰীকান্দি গাঁৱৰ শিল্পী সমাজক অভিনন্দন জনায়।

বাপুজীৰ জন্মদিনত আশাৰীকান্দি গাঁৱৰ শিল্পীসকলে অসম্ভৱকো সম্ভৱ কৰি তুলিছে বুলি মন্তব্য কৰিলে সেচ্ছাসেবী সংগঠন নেকাৰ্ডোৰ সঞ্চালক বিনয় ভট্টাচাৰ্যই। আনহাতে, উক্ত অনুষ্ঠান অনুষ্ঠিত কৰি জিলা উদ্যোগ আৰু বাণিজ্য কেন্দ্ৰৰ জেনেৰেল মেনেজাৰ  নিৰ্মল কুমাৰ দাসে টেৰাকোটা গাঁৱৰ এই শিল্পকৰ্মই আগন্তুক দিনত ৰাজ্যৰ ব্যৱসায় বাণিজ্যৰ ক্ষেত্ৰত উজ্জ্বল নক্ষত্ৰ হোৱাৰ সম্ভৱনা প্ৰৱল বুলি আশা ব্যক্ত কৰে।
Published by: Sanjay Kumar Das
First published: October 2, 2020, 5:02 PM IST
আৰু চাওক
পৰৱৰ্তী বাতৰি

শেহতীয়া বাতৰি