‘সংস্কাৰবিহীন শিক্ষাৰ্থী সূতা চিগা চিলাৰ দৰে’

News18 Assam | News18-Assam
Updated:February 15, 2020, 1:35 PM IST
‘সংস্কাৰবিহীন শিক্ষাৰ্থী সূতা চিগা চিলাৰ দৰে’
শংকৰদেৱ কলাক্ষেত্ৰত কেন্দ্ৰীয় মানৱ সম্পদ দপ্তৰৰ মন্ত্ৰী ৰমেশ পখৰীয়াল নিশংকৰ ভাষণ

শংকৰদেৱ কলাক্ষেত্ৰত কেন্দ্ৰীয় মানৱ সম্পদ দপ্তৰৰ মন্ত্ৰী ৰমেশ পখৰীয়াল নিশংকৰ ভাষণ

  • Share this:
ভাৰতক সমগ্ৰ বিশ্বই 'বিশ্ব গুৰু'ৰ ৰূপত মানে ৷ যুগ যুগ ধৰি ভাৰতক এই ৰূপত মানি আহিছে সমগ্ৰ বিশ্বই ৷ নালন্দা-তক্ষশীলাৰ দৰে বিশ্ববিদ্যালয়ত অধ্যয়ন কৰিছিল সমগ্ৰ বিশ্বৰ শিক্ষাৰ্থীয়ে ৷ সেই সময়ৰ পৰাই ভাৰতে সমগ্ৰ বিশ্বক মাৰ্গদৰ্শন কৰাই আহিছে ৷ শুকুৰবাৰে শ্ৰীমন্ত শংকৰদেৱ আন্তৰ্জাতিক প্ৰেক্ষাগৃহত CBSEৰ শিক্ষাৰ্থীৰে যুৱ সংবাদ অনুষ্ঠানত এই মন্তব্য কেন্দ্ৰীয় মানৱ সম্পদ উন্নয়ন দপ্তৰৰ মন্ত্ৰী ৰমেশ পখৰীয়াল নিশংকৰ ৷

ছাত্ৰ ছাত্ৰী সকলে কৰা প্ৰতিটো প্ৰশ্নৰ উৎসাহজনক উত্তৰ দি পখৰীয়ালে ছাত্ৰ-ছাত্ৰীক উদ্দেশ্যি ক'লে— "যাৰ যি বিষয়ত আগ্ৰহ আছে তাতে মনোনিৱেশ কৰিব লাগে ৷খেল খেলিব বিচৰা সকলে খেলিব লাগে,অধ্যয়ন কৰিব বিচৰা সকলে অধ্যয়ন কৰিব লাগে ৷ সকলো সম্পুৰ্ণ কৰাৰ লক্ষ্য ৰাখিব লাগে শিক্ষাৰ্থীয়ে ৷ অধ্যয়নত সফল হ'বলৈ খেল-ধেমালীৰ খুবেই প্ৰয়োজন ৷ খেলে অধ্যয়নত একাগ্ৰতা আনে ৷ মানুহে নিজৰ মনে কোৱা মতে নিজৰ জীৱন পথ বাচিব লাগে ৷ ইয়াৰ বাবে সংস্কাৰ খুবেই প্ৰয়োজন ৷ সংস্কাৰ বিহীন শিক্ষাৰ্থী সূতা চিগা চিলাৰ দৰে ৷ ক'ত পৰিবগৈ কোনেও নাজানে ৷"

মন্ত্ৰী গৰাকীক বিজেতা নামৰ ছাত্ৰী এগৰাকীয়ে প্ৰশ্ন কৰিছিল— আপুনি ৰাজনৈতিক ব্যস্ততাৰ মাজত কেনেকৈ সাহিত্য চৰ্চা কৰে?

৭৫খন গ্ৰন্থ লিখা অধ্যয়নশীল মন্ত্ৰীগৰাকীৰ উত্তৰ ৷ "যাৰ নাম বিজেতা তেওঁহে এনে প্ৰশ্ন কৰিব পাৰে ৷ এনে প্ৰশ্ন মোক এ পি জে আব্দুল কালামেও কৰিছিল ৷ সকলোৱে এখন টোকাবহী ৰাখিব লাগিব ৷ দিনটোৰ আটাইতকৈ বেয়া মুহূৰ্ত আৰু ভাল মুহূৰ্ত কৰি যাব লাগে লিপিবদ্ধ ৷ পাঁচবছৰৰ পিছত তাতে বহু কথা বিচাৰি পোৱা যায় ৷ যি ক্ষণ গুছি গ'ল সেয়া গ'লেই, কিন্তু তাক ধৰি ৰাখিব পাৰিব লাগে ৷ মোৰ দীঘলীয়া ৰাজনৈতিক পৰিক্ৰমাত মই কলম এৰা নাই ৷ মই ৯১চনৰ পৰাই মন্ত্ৰী হৈছো উত্তৰ প্ৰদেশত ৷ মুখ্যমন্ত্ৰীও হৈছো ৷ এতিয়া কেন্দ্ৰীয় মন্ত্ৰী ৷ যিদিনাই মই কলম এৰিম সেই দিনাই মোৰ জীৱন শেষ ৷"

আন এগৰাকী ছাত্ৰই সুধিলে আপুনি দুষ্টামী কৰিছিল নে? এই প্ৰশ্নৰ উত্তৰো স্বভাৱসুলভ ভাৱে দিলে নিশংকে— "দুষ্টামী কোনে নকৰে? সকলোৱে কৰে ময়ো কৰিছিলো। দুষ্টামী সুন্দৰ হ'ব লাগে ৷ যি সফলতাৰ শিখৰ চোৱাৰ পিছত নিজকে নষ্টালজিক কৰিব ৷ কাকো দুখ দিব নালাগে মাথো দুষ্টামীয়ে ৷"

আন এগৰাকী ছাত্ৰীয়ে সুধিলে, আপোনাৰ কন্যা হেনো আৰ্মীৰ কেপ্টেইন?

‘মোৰ ছোৱালীয়ে MBBS কৰি বিদেশ গৈছিল ৷ উভতি আহি সেনা বাহিনীত যোগ দিলে ৷ দেশ সেৱা কৰিব বিচাৰিলে ৷ হয়তো মই লিখা দেশমূলক গীতে আকৃষ্ট কৰিছিল ৷ বহু ৰাজনীতিকে সন্তানক সেনা আদিত যোৱা নিবিচাৰে ৷ মোৰ সন্তান এতিয়া কেপ্তেইন ৷ মই পিতৃ হিচাপে সুখী’
আৰু চাওক
পৰৱৰ্তী বাতৰি