• Home
  • »
  • News
  • »
  • assam
  • »
  • আলফা(স্বা)ৰ যোগদান পক্ৰিয়াত জড়িত থকাৰ সন্দেহ! সোণাৰিত নিশা আৰক্ষীৰ গুলীত আহত সূৰজ গগৈ

আলফা(স্বা)ৰ যোগদান পক্ৰিয়াত জড়িত থকাৰ সন্দেহ! সোণাৰিত নিশা আৰক্ষীৰ গুলীত আহত সূৰজ গগৈ

আছাম ৰাইফলছ আৰু আৰক্ষীৰ অভিযানত সোণাৰি নগৰৰ চেনি গুডাম অঞ্চলৰ এখন চাহ দোকানৰ পৰা আটক কৰে সুৰজ গগৈক।

আছাম ৰাইফলছ আৰু আৰক্ষীৰ অভিযানত সোণাৰি নগৰৰ চেনি গুডাম অঞ্চলৰ এখন চাহ দোকানৰ পৰা আটক কৰে সুৰজ গগৈক।

আছাম ৰাইফলছ আৰু আৰক্ষীৰ অভিযানত সোণাৰি নগৰৰ চেনি গুডাম অঞ্চলৰ এখন চাহ দোকানৰ পৰা আটক কৰে সুৰজ গগৈক।

  • Share this:
সোণাৰিত নিশা আৰক্ষীৰ এনকাউণ্টাৰ। আৰক্ষীৰ গুলীত আহত সূৰজ গগৈ। শিৱসাগৰ জিলাৰ বেতবাৰী তামুলী বজাৰ চাংমাই গাঁৱত ঘৰ সূৰজৰ। আৰক্ষীৰ সূত্ৰে জানিব পৰা মতে, আলফা (স্বা)ত সদস্য ভৰ্তি অভিযানত জড়িত থকাৰ সন্দেহত বৃহস্পতিবাৰে আটক কৰা হৈছিল সূৰজ গগৈক।

আছাম ৰাইফলছ আৰু আৰক্ষীৰ অভিযানত সোণাৰি নগৰৰ চেনি গুডাম অঞ্চলৰ এখন চাহ দোকানৰ পৰা আটক কৰা সুৰজ গগৈ(৩৪)ৰ বিৰুদ্ধে সোণাৰি থানাত ৪৭/২০২২ নম্বৰত এটা গোচৰ ৰুজু কৰি ভাৰতীয় দণ্ডবিধি আইনৰ 120/(B)/371 আৰু R/W section 18B(P)ৰ অধীনত সোধপোছ অব্যাহত ৰাখিছিল আৰক্ষীয়ে।

আনহাতে নিশা সোণাৰি ৰজাপুখুৰীস্থিত চৰাইদেউ অসামৰিক চিকিৎসালয়ত স্বাস্থ্য পৰীক্ষা কৰি ঘূৰি আহোতে আন্ধাৰৰ সুযোগ লৈ আৰক্ষীৰ বেষ্টনীৰ পৰা পলায়ন কৰিবলৈ চেষ্টা কৰে ধৃত সুৰজ গগৈয়ে। আৰু তেতিয়াই আৰক্ষীয়ে সূৰজলৈ লক্ষ্য কৰি গুলীচলায়। আৰক্ষীৰ গুলী লাগে সূৰজৰ বাওঁ ভৰিত।

ইফালে গুলীবিদ্ধ লোকজনক নিশাই ডিব্ৰুগড়স্থিত অসম চিকিৎসা মহাবিদ্যালয়ত চিকিৎসাৰ বাবে ভৰ্তি কৰোৱা হৈছে বুলি আৰক্ষীয়ে জানিবলৈ দিছে।
Published by:Himangshu Bhuyan
First published: