নতুন ৰূপত ULFA-Iৰ মুখ্য সেনাধ্যক্ষ লেঃ জেনেৰেল পৰেশ অসম

সামৰিক সাজত সাধাৰণতে দেখা পোৱা নাযায় পৰেশ বৰুৱাক ৷ সম্পূৰ্ণ সামৰিক আদব-কায়দাত এইবাৰ পৰেশ বৰুৱা ৷ মানে আলফা (স্বাধীন)ৰ মুখ্য সেনাধ্যক্ষ লেফটেনেণ্ট জেনেৰেল ৰূপত আত্মপ্ৰকাশ কৰিলে পৰেশ বৰুৱাই ৷ মেজৰ জেনেৰেল হিচাপে সামৰিক পোছাক পৰিধান কৰি ফ'টোৰ বাবে প'জ দিলে বৰুৱাই ৷ সামৰিক পোছাকত পৰেশ বৰুৱাৰ কান্ধত দেখা গ'ল ছ'লডাৰ বেজ (Paulette) ৷ এজন লেফটেনেণ্ট জেনেৰেল হিচাপে ছ'লডাৰ বেজ পৰিধান কৰা পৰেশ বৰুৱাৰ ফ'টো প্ৰথমবাৰৰ বাবে আজি দেখা গ'ল ৷

ইয়াৰ পূৰ্বে পৰেশ বৰুৱাক সামৰিক পোছাকত ছ'লডাৰ বেজ অবিহনেই দেখা গৈছিল ৷ আনকি মেজৰ জেনেৰেল পদবীলৈও বৰুৱাক সাধাৰণ সৈনিকৰ পোছাকতেই দেখা গৈছিল ৷
উল্লেখযোগ্য যে ১৬ মাৰ্চৰ দিনটোক আলফাই প্ৰতিবছৰে সৈনিক দিৱস হিচাপে পালন কৰি আহিছে ৷

এইবাৰো আলফা(স্বাধীন)য়ে ১৬ মাৰ্চৰ দিনটোত পালন কৰে সৈনিক দিৱস হিচাপে ৷ এই সৈনিক দিৱস উপলক্ষে সংগঠনৰ সভাপতি তথা সৰ্বাধিনায়ক পদৰ  ডাঃ অভিজিৎ অসম, উপ-সভাপতি তথা মুখ্য সেনাধ্যক্ষৰ পৰা লেফটেনেণ্ট জেনেৰেল পদ, সংগঠনৰ প্ৰয়াত নেতা-কেডাৰ সকললৈ শ্ৰদ্ধা জনায় ৷ লগতে সংগঠনৰ লক্ষ্য-সাৰ্বভৌম, স্বাধীন অসম নোপোৱা পৰ্যন্ত সশস্ত্ৰ সংগ্ৰাম চলি যাব বুলি ঘোষণা কৰে ৷