‘গণতান্ত্ৰিক ভাবে আন্দোলন কৰা সকলক দমন কৰিলে পৰিস্থিতি ভয়ানক হ’ব’

ৰাজ্যত অব্য়াহত থকা নাগৰিকত্ব সংশোধনী আইনৰ বিৰুদ্ধে তীব্ৰ প্ৰতবাদ অব্যাহত আছে। প্ৰতিবাদকাৰীক এতিয়া কঠোৰ হাতেৰে দমন কৰাৰ চেষ্টা কৰিছে আৰক্ষীয়ে। ইতিমধ্যে ৬ জন লোক কেব বিৰোধী আন্দোলনত নিহত হৈছে। এনেদৰে আন্দোলনটোক চৰকাৰে কঠোৰ ভাবে দমন কৰাত ক্ষোভ প্ৰকাশ কৰিছে আলফা স্বাধীনৰ মুখ্য সেনাধ্যক্ষ পৰেশ বৰুৱাই।

পৰেশ বৰুৱাই কয় যে, ‘CAAৰ বিৰুদ্ধে আন্দোলন কৰা সকলক দমন কৰিবলৈ বিচৰাতো মুখ্যমন্ত্ৰী সৰ্বানন্দ সোণোৱালৰ এটা ভুল সিদ্ধান্ত ৷ আন্দোলনকাৰী ছয় জনক গুলীয়াই মাৰিলে আৰক্ষীয়ে ৷ কথাবোৰ ভালকৈ এবাৰ মুখ্যমন্ত্ৰীয়ে ভাবক ৷ দ্বিতীয়বাৰ যাতে আৰু ভুল নকৰে মুখ্যমন্ত্ৰীয়ে ৷

বৰুৱাই NEWS18ক টেলিফোন কৰি কয় যে,‘গণতান্ত্ৰীকভাৱে আন্দোলন কৰা ৰাইজৰ ওপৰত অত্যাচাৰ কোনোৱে ক্ষমা নকৰে ৷ যদি দ্বিতীয়বাৰ মুখ্যমন্ত্ৰীয়ে ভুল কৰে তেন্তে ৰাইজে ক্ষমা নকৰিব ৷ এইবাৰ ভুল কৰিলে পৰিস্থিতি অধিক ভয়াৱহ হ'ব ৷’

কৃষক মুক্তি সংগ্ৰাম সমিতিৰ মুখ্য উপদেষ্টা অখিল গগৈক মাওবাদীৰে সম্পৰ্ক ৰক্ষা কৰাৰ অপৰাধত গ্ৰেপ্তাৰ কৰাত ক্ষোভ প্ৰকাশ কৰে পৰেশ বৰুৱাই ৷ ‘অখিলক বিনা চৰ্তে অতি সোনকালে মুক্তি দিয়ক ৷ অখিলে কি কৰিছে ৰাইজে দেখিছে ৷ ৰাইজৰ স্বাৰ্থত মাত মতাৰ বাবেই অখিলক মাওবাদী সজাই গ্ৰেপ্তাৰ কৰাৰ কথাটোক আমি সহজভাৱে নলও৷’

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।