নৰবলিৰ দৰে ঘৃণনীয় কাণ্ড সংঘটিত কৰিবলৈ উন্মাদ হোৱা পুলকেশ চহৰীয়া আচলতে কোন?

দেওবাৰে পুৱা GMCHত মৃত্যুক আঁকোৱালি লয় পুলকেশ চহৰীয়াই। এতিয়াও GMCHত চিকিত্সাধীন ভণ্ড বাবাৰ প্ৰৰোচনাত উন্মাদ হোৱা পৰিয়ালটোৰ মুৰব্বী যাদৱ চন্দ্ৰ চহৰীয়া। অন্ধবিশ্বাসৰ কৰাল গ্ৰাসত পৰি কলাইগাঁৱৰ নিজ বাসগৃহতে তাণ্ডৱ চলোৱা যাদৱ চহৰীয়াৰ উন্মাদ পৰিয়ালক আৰক্ষীয়ে গুলীচালনা কৰিবলৈ বাধ্য হৈছিল। আৰক্ষীৰ গুলীত আঘাতপ্ৰাপ্ত হৈছিল মূল অভিযুক্ত যাদৱ চহৰীয়া, পুত্ৰ পুলকেশ চহৰীয়াসহ তিনিজন। পিছত গুলীবিদ্ধ লোককেইজনক ভৰ্তি কৰোৱা হৈছিল গুৱাহাটী চিকিৎসা মহাবিদ্যালয় হাস্পতালত।



নৰবলি দিবলৈ উন্মাদ হোৱা পৰিয়ালটোৰ সদস্য পুলকেশ চহৰীয়াই ইতিমধ্যে চেন্নাইত MBA পাঠ্যক্ৰম সমাপ্ত কৰিছিল। ‘দৰঙ ৰাইডাৰ্ছ’ নামৰ এটা বাইক ৰাইডিং ক্লাবৰো সদস্য অন্ধবিশ্বাসৰ ৰোষত পৰি উলংগ হৈ ঘৰ, বাইক, গাড়ী, জ্বলাই দিয়া পুলকেশ চহৰীয়া।



আৰক্ষী-সাংবাদিক-গাঁওবাসীকো আক্ৰমণ কৰিছিল পৰিয়ালটোৱে। পিছত ভৰিত গুলীয়াই আৰক্ষীয়ে কৰায়ত্ত কৰিবলৈ সক্ষম হৈছিল পুত্ৰসহ চহৰীয়াক। গুলীবিদ্ধ পুলকেশক পিছত চিকিত্‍সাৰ বাবে GMCHত ভৰ্তি কৰোৱা হৈছিল যদিও অৱশেষত মৃত্যুক সাবটি লয়।