• Home
  • »
  • News
  • »
  • assam
  • »
  • স্বাধীনতাৰ ৭৫ বছৰ পিছত গড়ভাঙ্গাত দুখন উচ্চ প্ৰাথমিক বিদ্যালয় মুকলি, উদ্বোধন কৰিলে শিক্ষামন্ত্ৰীয়ে

স্বাধীনতাৰ ৭৫ বছৰ পিছত গড়ভাঙ্গাত দুখন উচ্চ প্ৰাথমিক বিদ্যালয় মুকলি, উদ্বোধন কৰিলে শিক্ষামন্ত্ৰীয়ে

বিদ্যালয় দুখনৰ অতিৰিক্ত তিনিটাকৈ শ্ৰেণীকোঠা নিৰ্মাণৰ বাবে প্ৰতি খন বিদ্যালয়ক  ১৯ লাখ ৮৫ হাজাৰকৈ টকাৰ অনুমোদন দিয়া হৈছে।

বিদ্যালয় দুখনৰ অতিৰিক্ত তিনিটাকৈ শ্ৰেণীকোঠা নিৰ্মাণৰ বাবে প্ৰতি খন বিদ্যালয়ক ১৯ লাখ ৮৫ হাজাৰকৈ টকাৰ অনুমোদন দিয়া হৈছে।

বিদ্যালয় দুখনৰ অতিৰিক্ত তিনিটাকৈ শ্ৰেণীকোঠা নিৰ্মাণৰ বাবে প্ৰতি খন বিদ্যালয়ক ১৯ লাখ ৮৫ হাজাৰকৈ টকাৰ অনুমোদন দিয়া হৈছে।

  • Share this:
কামৰূপৰ প্ৰশাসনৰ  বিশেষ পদক্ষেপৰ ফলত স্বাধীনতাৰ ৭৫ বছৰ পিছত গুৱাহাটীৰ সমীপৰ তথা কামৰূপ জিলাৰ গড়ভাঙ্গাত আজি দুখন মধ্য ইংৰাজী বিদ্যালয়ৰ শুভ আৰম্ভ হয়। গড়ভাঙ্গা প্ৰাথমিক বিদ্যালয় আৰু ৰংমালী প্ৰাথমিক বিদ্যালয়ক উন্নীত কৰি এই দুখন মধ্য ইংৰাজী বিদ্যালয় স্থাপন কৰা হয়।আজি গড়ভাঙ্গা প্ৰাথমিক বিদ্যালয়ত আয়োজন কৰা এক গাম্ভীৰ্য পূৰ্ণ অনুষ্ঠানত অসমৰ শিক্ষামন্ত্ৰী ডাঃ ৰণোজ পেগুৱে এই বিদ্যালয় দুখন উদ্বোধন কৰে (Two Middle English schools started at Garhbhanga)।

উল্লেখ্য যে ১৬ খন ৰাজহ গাঁও থকা এই গড়ভাঙ্গা অঞ্চলত ইয়াৰ পূৰ্বে এখনো উচ্চ প্ৰাথমিক বিদ্যালয় নাছিল। আজি এই বিদ্যালয় দুখন উদ্বোধন কৰি শিক্ষামন্ত্ৰীগৰাকীয়ে (Education Minister Ranoj Pegu) কয় যে আজিৰ দিনটো গড়ভাঙ্গাবাসীৰ বাবে সঁচাকৈয়ে আনন্দৰ দিন। কামৰূপৰ শিক্ষা বিভাগে লোৱা বিশেষ পদক্ষেপৰ বাবে আজি গড়ভাঙ্গাবাসীয়ে এই সুবিধা লাভ কৰিবলৈ সক্ষম হ'ল।

শিক্ষামন্ত্ৰীগৰাকীয়ে এই বিদ্যালয় দুখনত  ছাত্ৰ–ছাত্ৰী থাকিলে এই বছৰেই অষ্টম শ্ৰেণীলৈকে নামভৰ্তি কৰাবলৈ সংশ্লিষ্ট বিদ্যালয় দুখনৰ প্ৰধান শিক্ষকক পৰামৰ্শ দিয়ে। তেওঁ কয় যে চৰকাৰে গড়ভাঙ্গা অঞ্চলত অচিৰেই হাইস্কুল স্থাপনৰ ব্যৱস্থা কৰি আছে। উল্লেখযোগ্য যে বৰ্তমানৰ কামৰূপৰ জিলা প্ৰাথমিক শিক্ষা বিষয়া তথা কামৰূপৰ বিদ্যালয় সমূহৰ পৰিদৰ্শক অপূৰ্ব ঠাকুৰীয়াই ২০১৯ চনত এক শিক্ষা সংযোগ কাৰ্যসূচী লৈ গড়ভাঙ্গা অঞ্চলৰ শৈক্ষিক জৰীপ কৰি ২০২০ চনৰ জানুৱাৰী মাহত  চৰকাৰক এক প্ৰতিবেদন দাখিল কৰি গড়ভাঙ্গা অঞ্চলত কমেও দুখন উচ্চ প্ৰাথমিক স্কুল স্থাপনৰ প্ৰস্তাৱ দিছিল।

ইয়াৰ পিছত শিক্ষা বিষয়াগৰাকীয়ে সমগ্ৰ শিক্ষা,অসমৰ মিছন সঞ্চালক আৰু কামৰূপৰ উপায়ুক্তক  গড়ভাঙ্গা অঞ্চললৈ নি অঞ্চলটোৰ শৈক্ষিক পৰিৱেশৰ বিষয়ে অৱগত কৰে। বিষয়াগৰাকীৰ এনে নিৰলস প্ৰয়াসৰ ফলত গড়ভাঙ্গাই দুখনকৈ উচ্চ প্ৰাথমিক বিদ্যালয় পাবলৈ সক্ষম হয়।

ইতিমধ্যে বিদ্যালয় দুখনৰ অতিৰিক্ত তিনিটাকৈ শ্ৰেণীকোঠা নিৰ্মাণৰ বাবে প্ৰতি খন বিদ্যালয়ক সমগ্ৰ শিক্ষা ,অসমৰ পৰা ১৯ লাখ ৮৫ হাজাৰকৈ টকাৰ অনুমোদন দিয়া হৈছে। আজি শিক্ষা মন্ত্ৰীগৰাকীয়ে নতুনকৈ নিৰ্মাণ কৰিবলৈ লোৱা শ্ৰেণীকোঠাৰো লাইখুঁটা স্থাপন কৰে। সভাত পশ্চিম গুৱাহাটী সমষ্টিৰ বিধায়ক ৰমেন্দ্ৰ নাৰায়ণ কলিতাই বিশিষ্ট অতিথি হিচাপে ভাষণ দি গড়ভাঙ্গা অঞ্চলৰ উন্নয়নৰ বাবে তেওঁ লোৱা বিভিন্ন পদক্ষেপৰ কথা উল্লেখ কৰে।

সভাত অসম চৰকাৰৰ প্ৰাথমিক শিক্ষাৰ অতিৰিক্ত সঞ্চালক নৃপেন দাস, কামৰূপৰ উপায়ুক্ত কৈলাস কাৰ্তিক এন, কামৰূপৰ অতিৰিক্ত উপায়ুক্ত কমল বৰুৱা, ৰাণীৰ খণ্ড প্ৰাথমিক শিক্ষা বিষয়া লাচিত বসুমতাৰী, বিশিষ্ট শিক্ষাবিদ পৰেশ বৈশ্য উপস্থিত থাকে। সভাত ভাষণ দি কামৰূপৰ উপায়ুক্ত কৈলাস কাৰ্তিকে কয় যে গড়ভাঙ্গা অঞ্চলত পৰ্যটনৰ বাবে ভাল আঁচনি ল'ব পাৰি।
Published by:Gautam Barman
First published:

শেহতীয়া বাতৰি