Elephant Dead: জাগীৰোডত দুটাকৈ হাতী পোৱালীৰ কৰুণ মৃত্যু, কেইবাদিন পূৰ্বে মৃত্যুৰ সন্দেহ

জাগীৰোডত দুটাকৈ হাতী পোৱালীৰ মৃত্যুৰ (Elephant Calf Dead) বাতৰিয়ে সকলোকে মৰ্মাহত কৰি তুলিছে। সোণাইকুছি পাহাৰৰ এটা টিলাত মৃত্যু হয় দুটাকৈ হাতী পোৱালীৰ ৷ ইতিমধ্যে উৱলি গৈছে বনৰীয়া হাতী দুটাৰ মৃতদেহ ৷

এই দৃশ্য প্ৰথমে প্ৰত্যক্ষ কৰে স্থানীয় লোকে ৷ প্ৰায় এসপ্তাহ পূৰ্বে হাতী পোৱালী দুটাৰ মৃত্যু হোৱাৰ সন্দেহ স্থানীয় লোকৰ ৷ ঘটনাস্থলীত বন বিভাগৰ লোক আৰু চিকিৎসক উপস্থিত হৈ মৰণোত্তৰ পৰীক্ষাৰ ব্যৱস্থা কৰিছে ৷

হাতী পোৱালী দুটাৰ মৃত্যুৰ কাৰণ কেইবাটাও হ'ব পাৰে যদিও মৰণোত্তৰ পৰীক্ষাৰ পিছতহে প্ৰকৃত কাৰণ পোহৰলৈ আহিব বুলি জনাইছে চিকিৎসকে ৷ পিছত হাতী পোৱালী দুটাৰ মৃতদেহ পুতি থয় বন বিভাগৰ লোকে ৷

বন্যহস্তিৰ বিচৰণথলী জাগীৰোডৰ সোণাইকুছি বনাঞ্চলত দুটাকৈ হাতী পোৱালীৰ কৰুণ মৃত্যুৰ খবৰে মৰ্মাহত কৰি তুলিছে সচেতন মহলৰ লগতে প্ৰকৃতিপ্ৰেমী সকলক ৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।