আজিৰে পৰা ডিব্ৰুগড়ত দুদিনীয়াকৈ G20 RIIG সন্মিলন; আলোচনাৰ বিষয়বস্তু হ'ব বহনক্ষম জৈৱ-অৰ্থনীতি

আজি পৰা ডিব্ৰুগড়ত অনুষ্ঠিত হৈছে G20 গৱেষণা আৰু উদ্ভাৱন উদ্যোগ সংগ্ৰহ (RIIG) সন্মিলন। এই সন্মিলনত G20 সদস্য, অতিথি দেশ আৰু আন্তঃৰাষ্ট্ৰীয় সংগঠনৰ প্ৰতিনিধি আৰু বৈজ্ঞানিক সম্প্ৰদায়ৰ আমন্ত্ৰিত অংশগ্ৰহণকাৰীসকলে এক বহনক্ষম আৰু বৃত্তাকাৰ জৈৱ-অৰ্থনীতি গঢ়ি তোলাৰ উপায়ৰ ওপৰত আলোচনা কৰিব।

ভাৰত চৰকাৰৰ বিজ্ঞান আৰু প্ৰযুক্তি বিভাগৰ (DST) সচিব ড০ এছ চন্দ্ৰশেখৰ আৰু G20 RIIG অধ্যক্ষই সন্মিলনৰ কাৰ্যক্ৰমৰ নেতৃত্ব দিব। উল্লেখ্য যে, G20 RIIG সন্মিলনখন ভাৰত চৰকাৰৰ বিজ্ঞান আৰু প্ৰযুক্তি মন্ত্ৰালয়ৰ জৈৱ প্ৰযুক্তি বিভাগৰ দ্বাৰা সমন্বিত অনুষ্ঠান হ’ব। সন্মিলনখনত প্ৰায় ১০০ জন প্ৰতিনিধি আৰু আমন্ত্ৰণকাৰীয়ে অংশগ্ৰহণ কৰিব বুলি আশা কৰা হৈছে। এই অনুষ্ঠানটোৱে মুখ্য অংশগ্ৰহণকাৰীসকলক একেখন মঞ্চতে সন্মিলিত কৰিব ৷ ইয়াত ৰাষ্ট্ৰীয় কৰ্তৃপক্ষ আৰু G20 সদস্যসকলৰ বিশেষজ্ঞসকল অন্তৰ্ভুক্ত আছে যি এই বিষয়ত বিদ্যমান কাৰ্যসূচীৰ পৰিকল্পনা, নতুন স্থাপন আৰু পৰিচালনাৰ বাবে দায়ৱদ্ধ। আনহাতে, গুৰুত্বপূৰ্ণ ক্ষেত্ৰবোৰত অন্তৰ্ভুক্ত থাকিব কৃষিৰ প্ৰত্যাহ্বান আৰু সুযোগ, উদ্যোগৰ কাৰ্বনমুক্তকৰণ আৰু জৈৱ-শক্তি আৰু জৈৱ সম্পদ ব্যৱস্থাপনা। সন্মিলনখনত ৰাষ্ট্ৰীয় আৰু আঞ্চলিক কাৰ্যসূচী আৰু দেশৰ অভিজ্ঞতা, নিয়ামক পৰিৱেশ আৰু ৰাজহুৱা/ব্যক্তিগত খণ্ডৰ সহযোগিতা, নতুন, সম্পদ-দক্ষ, বহনক্ষম আৰু অধিক বৃত্তাকাৰ জৈৱ-আধাৰিত প্ৰযুক্তি, সামগ্ৰী আৰু সেৱা সৃষ্টিত গৱেষণা, উন্নয়ন আৰু উদ্ভাৱনৰ ভূমিকা আৰু নিৰ্দিষ্ট বিষয়ভিত্তিক ক্ষেত্ৰত G20 সদস্যসকলৰ মাজত সহযোগিতাৰ ওপৰত আলোচনা কৰা হ'ব।

এই আন্তঃক্ৰিয়ামূলক অনুষ্ঠানটোৱে জনসাধাৰণ, নীতি আৰু স্থানসহ সকলো মুখ্য অংশীদাৰৰ মাজত সক্ৰিয় সম্পৰ্ক বৃদ্ধি কৰিব আৰু বিভিন্ন খণ্ডত মূলসুঁতিৰ বৃত্তাকাৰ জৈৱ-অৰ্থনীতি মডেলবোৰক এক ধাৰণামূলক পৰিকাঠামো প্ৰদান কৰি এক সামগ্ৰিক নীতি নিৰ্ধাৰণ পদ্ধতিৰ দিশত নেতৃত্ব প্ৰদান কৰিব। G20 সদস্য আৰু অংশীদাৰসকলৰ মাজত সহযোগিতা আৰু অংশীদাৰীত্বই এক বৃত্তাকাৰ জৈৱ-অৰ্থনীতি গঢ়ি তোলাৰ দিশত বিশ্বব্যাপী প্ৰচেষ্টা সৱলীকৃত কৰি তুলিব।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।