ভয়ংকৰ! গুৱাহাটীৰ পৰা কোচবিহাৰ অভিমুখী যাত্ৰীবাহী বাছ আৰু ট্ৰাকৰ মুখামুখী সংঘৰ্ষ, থিতাতে নিহত ৬ জন

গৌৰীপুৰত সংঘটিত হৈছে ভয়ংকৰ পথ দুৰ্ঘটনা। যাত্ৰীবাহী বাছ আৰু ট্ৰাকৰ মাজত মুখামুখী সংঘৰ্ষ। দুৰ্ঘটনাত থিতাতে নিহত হৈছে ৬ জনকৈ লোক। ইতিমধ্যে বহুসংখ্যক যাত্ৰীক সংকটজনক অৱস্থাত উদ্ধাৰ কৰি চিকিত্‍সালয়ত ভৰ্তি কৰোৱা হৈছে। দেওবাৰে দিনৰ ভাগত সংঘটিত হৈছে এই ঘটনা।

জানিব পৰা মতে, গুৱাহাটীৰ পৰা কোচবিহাৰ অভিমুখে গৈ আছিল যাত্ৰীবাহী বাছখন। কিন্তু হঠাত্‍ বিপৰীত দিশৰ পৰা আহি থকা এখন ট্ৰাকৰ সৈতে মুখামুখী সংঘৰ্ষ হয় বাছখনৰ। কোকৰাঝাৰ আৰু ধুবুৰী জিলাৰ মাজত ৰাষ্ট্ৰীয় ঘাইপথত সংঘটিত হৈছে দুৰ্ঘটনাটো। আহত সকলক ধুবুৰী অসামৰিক চিকিত্‍সালয়ত ভৰ্তি কৰোৱা হৈছে। দুৰ্ঘটনা সংঘটিত হোৱাৰ পিছতে ঘটনাস্থলীত উপস্থিত হয় আৰক্ষীসহ প্ৰশাসনৰ লোক।