কাইলৈ সুধাকণ্ঠৰ ৯৩ সংখ্যক জন্মদিন,সমাধিক্ষেত্ৰত চৰকাৰীভাৱে উদযাপন কৰিব জন্মদিন

উপস্থিত থাকিব মুখ্যমন্ত্ৰী সৰ্বানন্দ সোণোৱাল, সাংস্কৃতিক মন্ত্ৰী নৱ দলেকে ধৰি বহু বিশিষ্ট ব্যক্তি

News18-Assam
Updated:September 7, 2019, 3:04 PM IST
কাইলৈ সুধাকণ্ঠৰ ৯৩ সংখ্যক জন্মদিন,সমাধিক্ষেত্ৰত চৰকাৰীভাৱে উদযাপন কৰিব জন্মদিন
উপস্থিত থাকিব মুখ্যমন্ত্ৰী সৰ্বানন্দ সোণোৱাল, সাংস্কৃতিক মন্ত্ৰী নৱ দলেকে ধৰি বহু বিশিষ্ট ব্যক্তি
News18-Assam
Updated: September 7, 2019, 3:04 PM IST
দেওবাৰে ভাৰতৰত্ন ড৹ ভূপেন হাজৰিকাৰ ৯৩ সংখ্যক জন্মদিন ৷ অসমীয়াৰ হিয়াৰ আমঠুগৰাকীৰ জন্ম জয়ন্তী চৰকাৰীভাৱে উদযাপন কৰা হ'ব জালুকবাৰীস্থিত ড৹ ভূপেন হাজৰিকাৰ সমাধিক্ষেত্ৰত ৷ দেওবাৰে পুৱা ৯.৩০ বজাৰ পৰা অনুষ্ঠিত হ'বলগীয়া স্মৃতি তৰ্পণ অনুষ্ঠানত উপস্থিত থাকিব মুখ্যমন্ত্ৰী সৰ্বানন্দ সোণোৱাল, সাংস্কৃতিক মন্ত্ৰী নৱ দলেকে ধৰি বহু বিশিষ্ট ব্যক্তি ৷



সুধাকন্ঠৰ জন্মদিনৰ লগত সংগতি ৰাখি শনিবাৰৰ পৰাই অনুষ্ঠিত হৈছে স্কুলীয়া ছাত্ৰ-ছাত্ৰীৰ চিত্ৰাংকন প্ৰতিযোগিতা ৷ অসম চৰকাৰৰ সাংস্কৃতিক পৰিক্ৰমা বিভাগে অনুষ্ঠিত কৰা এই প্ৰতিযোগিতাৰ পুৰস্কাৰ দেওবাৰে বিতৰণ কৰিব মুখ্যমন্ত্ৰী সৰ্বানন্দ সোণোৱালে ৷ দেওবাৰে ৯.৩০ বজাৰ পৰা অনুষ্ঠিত হ'বলগীয়া স্মৃতি তৰ্পন অনুষ্ঠানত শিল্পী নৰবাহাদুৰ দৰ্জীয়ে নেপালী আৰু অসমীয়া ভাষাত পৰিৱেশন কৰিব 'মানুহে মানুহৰ বাবে' ৷



চৰকাৰী অনুষ্ঠানৰ সমাপ্তিৰ লগে লগে বিশ্বৰত্ন ড৹ ভূপেন হাজৰিকা শাখা সাহিত্য সভাৰ তৰফৰ পৰা অনুষ্ঠিত কৰা হ'ব ভূপেনদাৰ ওপৰত স্বৰচিত কবিতাৰ অনুষ্ঠান ৷ বিশ্বৰত্ন ড৹ ভূপেন হাজৰিকা সমন্বয় সত্ৰৰ দ্বাৰা দিনৰ ২ বজাৰ পৰা অনুষ্ঠিত হ'ব সাংস্কৃতিক অনুষ্ঠানৰ ৷ সন্ধিয়া ৭.৩০ বজাৰ লগে লগে সামৰণি পৰিব এই অনুষ্ঠানৰ ৷
আৰু চাওক পৰৱৰ্তী বাতৰি