কোটি টকাৰ সম্পত্তিৰ মালিক হ’ল এটা বান্দৰ, বিয়াত পাব প্ৰসাদোপম অট্টালিকা

News18-Assam
Updated:July 19, 2019, 5:28 PM IST
কোটি টকাৰ সম্পত্তিৰ মালিক হ’ল এটা বান্দৰ, বিয়াত পাব প্ৰসাদোপম অট্টালিকা
শিলচৰৰ বাসিন্দা শুভ্ৰাংশু শেখৰ নাথে এটা মিণ্টু নামৰ বান্দৰৰ বাবে অট্টালিকা তৈয়াৰ কৰিব। এই অট্টালিকাটো বিয়াত তাক উপহাৰ হিচাপে প্ৰদান কৰা হ’ব।

শিলচৰৰ বাসিন্দা শুভ্ৰাংশু শেখৰ নাথে এটা মিণ্টু নামৰ বান্দৰৰ বাবে অট্টালিকা তৈয়াৰ কৰিব। এই অট্টালিকাটো বিয়াত তাক উপহাৰ হিচাপে প্ৰদান কৰা হ’ব।

  • Share this:
আপুনি অক্ষয় কুমাৰৰ ছবি ‘এণ্টাৰটেনমেণ্ট’ নিশ্চয় চাইছে। এই ছবিখনত এটা কুকুৰক মালিকে ‘এণ্টাৰটেনমেণ্ট’ নাম দিয়ে আৰু সন্তানতকৈও অধিক মৰম কৰা কুকুৰটো গৈ মালিকৰ কোটি টকাৰ সম্পত্তিৰ মালিক হয়। কিন্তু ৰীল লাইফৰ এই ঘটনা এইবাৰ ৰিয়েল লাইফত সংঘটিত হৈছে শিলচৰত। অসমত  এটা বান্দৰ কোটি টকাৰ সম্পত্তিৰ মালিক হ’বলৈ ওলাইছে। শিলচৰত ‘জমিদাৰ’ মিণ্টু বাবুৰ বিশাল নিৰ্মিয়মান অট্টালিকাক লৈ এতিয়া ৰাইজৰ মাজত প্ৰচণ্ড কৌতুহল। এই ‘জমিদাৰ’  মিণ্টু বাবু মানুহ নহয় বৰঞ্চ এটা বান্দৰহে।



 

মিণ্টু বাবুৰ বাবে এই অট্টালিকা তৈয়াৰ কৰিবলৈ এজন লোকে তেওঁৰ সমগ্ৰ জীৱনৰ আৰ্জিত সম্পত্তি উজাৰি দিছে। শিলচৰৰ বাসিন্দা শুভ্ৰাংশু শেখৰ নাথে তেওঁৰ মৰমৰ মিণ্টু নামৰ বান্দৰটোৰ তৈয়াৰ কৰিছে এই অট্টালিকা। ইয়াৰ আঁৰত আছে এটা আমোদজনক ঘটনা। শুভ্ৰাংশুৱে ক’লে যে যেতিয়া তেওঁ বিদেশৰ পৰা ভাৰতলৈ আহিছিল তেতিয়া তেওঁৰ অকলশৰীয়া জীৱনৰ একমাত্ৰ সংগী আছিল এই বান্দৰটো। এই বান্দৰটোৰ মৰমত আৱদ্ধ হৈয়ে তেওঁ দ্বিতীয়বাৰ কানাডা নগ’ল।

বান্দৰটোৱে আঁতৰালে বিদেশলৈ যোৱাৰ হেঁপাহ
আচলতে, কানাডাত বাস কৰে শুভ্ৰাংশু শেখৰৰ পৰিয়াল। তেওঁ ২৪ বছৰ পূৰ্বে ইঞ্জিনিয়াৰ হিচাপে কানাডাত কাম কৰিছিল। কিন্তু যেতিয়া তেওঁৰ মন নবহা হয় তেওঁ ভাৰতলৈ ঘূৰি অহাৰ সিদ্ধান্ত গ্ৰহণ কৰে। ইয়াত শিলচৰৰ স্থায়ী ঘৰত তেওঁৰ চিনাকী হ’ল মিণ্টু বাবু নামৰ বান্দৰটোৰ সৈতে। মিণ্টুক লগ পোৱাৰ পিছৰে পৰা তেওঁৰ বিদেশ যোৱা হেঁপাহো আঁতৰিল। শুভ্ৰাংশুই এই বান্দৰটোক নিজৰ পুত্ৰ আৰু ভাতৃৰ দৰে মৰম কৰিছিল।



 

বিয়াত উপহাৰ হিচাপে দিয়া হ’ব অট্টালিকা
মিণ্টু বাবুৰ জন্ম হৈছিল ২০১৭ৰ ২৮ ফেব্ৰুৱাৰীত। বিগত ২ বছৰত মৰম আৰু সমমৰ্মিতাৰ বান্ধোনেৰে বান্ধ খাই মিন্টু আৰু শুভ্ৰাংশু দুয়োৰে জীৱন সলনি হৈছে। শুভ্ৰাংশু শেখৰে মিণ্টুৰ বাবে কিছু কৰিব বিচাৰিছিল। ইয়াৰ বাবে তেওঁ মিণ্টুৰ বাবে এটা অট্টালিকা সাজিবলৈ প্ৰস্তুতি চলায়। ইমানেই নহয় শুভ্ৰাংসুয়ে বান্দৰটোৰ বিয়াৰ বাবে মেকী নামৰ এজনী মাইকী বান্দৰো বিচাৰি উলিয়াইছে। কানাডাৰ পৰা শুভ্ৰাংশুৰ পৰিয়াল উভতাৰ পিছতে মিণ্টুৰ বিয়াখন ধুমধামেৰে আয়োজন কৰা হ’ব। বিয়াৰ পিছত মিণ্টু আৰু মেকীৰ বিয়াৰ উপহাৰ হিচাপে দিয়া হ’ব এই অট্টালিকা।

 
First published: July 19, 2019, 5:08 PM IST
আৰু চাওক
পৰৱৰ্তী বাতৰি

শেহতীয়া বাতৰি