অভয়াপুৰীত নেৰানেপেৰা বৰষুণৰ সুযোগ লৈ শিৱ মন্দিৰত চোৰৰ লুটপাত, লুটি নিলে সোণ–ৰূপৰ সামগ্ৰী

অভয়াপুৰীত চুৰিকাণ্ড। নিশা চোৰে অভয়াপুৰী শিৱপুৰৰ শিৱ মন্দিৰত প্ৰৱেশ কৰি চলালে চাফাই অভিযান। নেৰানেপেৰা বৰষুণৰ মাজতে চোৰে মন্দিৰৰ পৰা লুটি নিলে প্ৰায়  ডেৰ লাখ টকাৰ মূল্যৰ সোণ-ৰূপৰ সা–সামগ্ৰী। মন্দিৰৰ তলা ভাঙি ভিতৰত প্ৰৱেশ কৰি বাকচৰ পৰা সোণ-ৰূপৰ আ–অলংকাৰ আৰু নগদ ধন লুটি নিয়ে চোৰে৷

আনহাতে চোৰে মন্দিৰৰ মাইক ছেট-বক্স আদিও লুটি নিবলৈ সক্ষম হয়। ইয়াৰ পূৰ্বেও মন্দিৰটোত চুৰিকাণ্ড সংঘটিত হৈছিল। সঘনাই উক্ত মন্দিৰত চুৰিকাণ্ড সংঘটিত হৈ থকাৰ পিছতো আৰক্ষীয়ে নিৰ্লিপ্ত ভূমিকা গ্ৰহণ কৰাৰ অভিযোগ স্থানীয় ৰাইজৰ।