স্কুল বন্ধ, দৰমহাও নাই, পথৰ দাঁতিত মাছ বিক্ৰী কৰি পৰিয়াল পোহপাল দিছে এইগৰাকী শিক্ষকে

News18 Assam | News18-Assam
Updated:July 6, 2020, 6:30 PM IST
স্কুল বন্ধ, দৰমহাও নাই, পথৰ দাঁতিত মাছ বিক্ৰী কৰি পৰিয়াল পোহপাল দিছে এইগৰাকী শিক্ষকে
প্ৰতিদিনে পেঙেৰী ব্ৰহ্মাজান তিনিআলিৰ পথৰ দাঁতিত মাছ- মাংস বিক্ৰী কৰি উঠি অহা যুৱ প্ৰজন্মৰ বাবে এক আদৰ্শ হিচাপে থিয় দিছে অমূল্য গগৈ।

প্ৰতিদিনে পেঙেৰী ব্ৰহ্মাজান তিনিআলিৰ পথৰ দাঁতিত মাছ- মাংস বিক্ৰী কৰি উঠি অহা যুৱ প্ৰজন্মৰ বাবে এক আদৰ্শ হিচাপে থিয় দিছে অমূল্য গগৈ।

  • Share this:
জীৱন যুদ্ধত হাৰ মানিব নোখোজা এজন যুৱক। মাৰ্ঘেৰিটা মহকুমাৰ পেঙেৰী অম্বিকাপুৰ গাঁৱৰ এগৰাকী আদৰ্শবান যুৱক পেছাত এখন ব্যক্তিগত বিদ্যালয়ৰ শিক্ষক। নাম অমূল্য গগৈ। মহামাৰী কোৰোণাৰ বাবে দেশৰ অৰ্থনীতি একপ্ৰকাৰ কোঙা হৈ পৰাত ইতিমধ্যে বহু যুৱক–যুৱতীয়ে কৰ্মসংস্থাপন হেৰুওৱাৰ উপক্ৰম ঘটিছে।

শিক্ষক অমূল্য গগৈও ইয়াৰ ব্যতিক্ৰম নহয়। সমগ্র দেশতে লকডাউন চলি থকাৰ পৰিপ্ৰেক্ষিতত সকলো ধৰণৰ চৰকাৰী আৰু বেচৰকাৰী বিদ্যালয় বন্ধ হৈ পৰাত বহুসংখ্যক ব্যক্তিগত খণ্ডৰ বিদ্যালয়ে শিক্ষক-শিক্ষয়িত্ৰীসকলক দৰমহা দিব পৰা নাই। শিক্ষক অমূল্য গগৈয়ে পাঠদান কৰা বিদ্যালয়খনৰো একেই অৱস্থা।

সেয়েহে অমূল্য গগৈয়ে আৰ্থিক অনাটনৰ বাবে যাতে পৰিয়ালটো সংকটত নপৰে তাৰ বাবে বাছি লৈছে অন্য এক পথ। প্ৰতিদিনে পেঙেৰী ব্ৰহ্মাজান তিনিআলিৰ পথৰ দাঁতিত মাছ- মাংস বিক্ৰী কৰি উঠি অহা যুৱ প্ৰজন্মৰ বাবে এক আদৰ্শ হিচাপে থিয় দিছে অমূল্য গগৈ।প্ৰতিদিনে পুৱাই  ঘৰৰ পৰা আহি ব্ৰহ্মাজান তিনিআলিৰ সমীপত থকা নিৰ্দিষ্ট ঠাইডোখৰত মাছ-মাংস বিক্ৰী আৰম্ভ কৰে জীৱন সংগ্ৰাম।

এইজন শিক্ষিত যুৱকে দুটাকৈ টেট পৰীক্ষাত উত্তীৰ্ণ হৈয়ো আজি পৰ্যন্ত চৰকাৰী চাকৰি পাবলৈ সক্ষম নহ’ল। তথাপি হতাশ নহৈ জীৱন যুদ্ধত নামি পৰিছে তেওঁ। এইজন আদৰ্শবান যুৱকৰ এই প্রচেষ্টা একাংশৰ বাবে হওক প্ৰেৰণা।
Published by: Sanjay Kumar Das
First published: July 6, 2020, 6:30 PM IST
আৰু চাওক
পৰৱৰ্তী বাতৰি

শেহতীয়া বাতৰি