‘চৰকাৰৰ সদিচ্ছা নাই সেয়েহে গুৱাহাটীৰ মাজমজিয়াত মাটি দিব পৰা নাই’- ক্ষোভ উজাৰিলে বিধায়ক ৰূপজ্যোতি কুৰ্মীয়ে

News18 Assam | News18-Assam
Updated:November 25, 2020, 2:03 PM IST
‘চৰকাৰৰ সদিচ্ছা নাই সেয়েহে গুৱাহাটীৰ মাজমজিয়াত মাটি দিব পৰা নাই’- ক্ষোভ উজাৰিলে বিধায়ক ৰূপজ্যোতি কুৰ্মীয়ে
প্ৰয়াত প্ৰাক্তন মুখ্যমন্ত্ৰী তৰুণ গগৈক শেষকৃত্য ক’ত সম্পন্ন হ’ব?

প্ৰয়াত প্ৰাক্তন মুখ্যমন্ত্ৰী তৰুণ গগৈক শেষকৃত্য ক’ত সম্পন্ন হ’ব?

  • Share this:
প্ৰয়াত প্ৰাক্তন মুখ্যমন্ত্ৰী তৰুণ গগৈক শেষকৃত্য ক’ত সম্পন্ন হ’ব? বহু জল্পনা-কল্পনাৰ অন্তত অৱশেষত নৱগ্ৰহ শ্মশানেই ঠিক কৰা হ’ল। কিন্তু পৰিয়ালৰ লগতে কংগ্ৰেছ দলে বিচাৰিছিল গুৱাহাটীৰ মাজমজিয়াত এডোখৰ মাটি। কিন্তু চৰকাৰে গুৱাহাটীৰ মাজমজিয়াত মাটি প্ৰদান নকৰাত এতিয়া ক্ষোভ উজাৰিছে কংগ্ৰেছী বিধায়ক ৰূপজ্যোতি কুৰ্মীয়ে।

ৰূপজ্যোতি কুৰ্মীয়ে কয় যে, ‘চৰকাৰৰ সদিচ্ছাৰ অভাৱৰ বাবে গুৱাহাটী চহৰৰ মাজমজিয়াত মাটি দিব পৰা নাই। খগেন মহন্ত, ডঃ ভূপেন হাজৰিকাৰ শেষকৃত্য সম্পন্ন কৰাৰ বাবে দিব পাৰিছিল, কিন্তু তৰুণ গগৈৰ ক্ষেত্ৰত দিব পৰা নাই। ইয়াতকৈ লাজৰ কথা একো নাই। এতিয়াও সময় আছে চৰকাৰে কিবা ব্যৱস্থা গ্ৰহণ কৰক।’

বিধায়ক ৰূপজ্যোতিয়ে লগতে কয় যে, ‘ তৰুণ গগৈৰ স্মৃতি সংৰক্ষণৰ বাবে চহৰৰ মাজমজিয়াত আমি মাত্ৰ এক কঠা মাটি আমি বিচাৰিছিলো। মাৰিয়নী আৰু তিতাবৰবাসীয়ে বহু মাটি দিছে। কিন্তু পুত্ৰ গৌৰৱ গগৈৰ আশা মাজমজিয়াত শেষকৃত্য সম্পন্ন কৰাৰ।’
Published by: Himangshu Bhuyan
First published: November 25, 2020, 2:03 PM IST
আৰু চাওক
পৰৱৰ্তী বাতৰি

শেহতীয়া বাতৰি