உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • গজনি আৰু ধেমাজিক লৈ বিপাঙত বন বিভাগ, থৈ আহিলেও পুনৰ উপস্থিত হয় মানুহৰ মাজত

    গজনি আৰু ধেমাজিক লৈ বিপাঙত বন বিভাগ, থৈ আহিলেও পুনৰ উপস্থিত হয় মানুহৰ মাজত

    বিগত দুবছৰ পূৰ্বে কাজিৰঙাৰ পৰা মানাহলৈ আনিছিল মাতৃহাৰা হাতী পোৱালি দুটা৷

    বিগত দুবছৰ পূৰ্বে কাজিৰঙাৰ পৰা মানাহলৈ আনিছিল মাতৃহাৰা হাতী পোৱালি দুটা৷

    বিগত দুবছৰ পূৰ্বে কাজিৰঙাৰ পৰা মানাহলৈ আনিছিল মাতৃহাৰা হাতী পোৱালি দুটা৷

    • Share this:
    বাক্সাত দুটা হাতী পোৱালিক লৈ উৎসুকতা ৰাইজৰ মাজত। কোনোৱে উঠিছে চেল্ফী, কোনোৱে দিছে খাদ্য। এফালে ভাৰত- ভূটান সীমান্তত বনৰীয়া হাতীৰ সন্ত্ৰাসত ৰাইজে বিনিদ্ৰ ৰজনী পাৰ কৰিছে, আনফালে দুটা  হাতী পোৱালিয়ে ৰাইজক দিছে আমোদ৷ ৰাইজৰ মৰমত হাতী পোৱালি দুটাই যেন এৰিব বিচৰা নাই জনঅৰণ্য৷

    বিগত দুবছৰ পূৰ্বে কাজিৰঙাৰ পৰা মানাহলৈ আনিছিল মাতৃহাৰা হাতী পোৱালি দুটা৷ বন বিভাগৰ তত্বাৱধানত হাতী পোৱালি দুটা কিছু ডাঙৰ হোৱাত এৰি দিছিল মানাহৰ ঘন জংগলত৷ পিছে বন এৰি হাতী পোৱালি দুটা ঘূৰি আহে জনঅৰণ্যলৈহে৷

    পোৱালি দুটাক বন বিভাগৰ লোকে বাৰম্বাৰ জংগলত এৰি আহিলেও পুনৰ উপস্থিত হয় জনাঞ্চলত৷ আজি পুনৰ উপস্থিত হয় বাক্সা জিলাৰ পাহাৰপুৰ অঞ্চলত৷ প্ৰথম অৱস্থাত হাতী দেখি অঞ্চলটোৰ ৰাইজ শংকিত হৈ পৰিছিল যদিও বন বিভাগৰ লোক উপস্থিত হোৱাৰ পিছতে ৰাইজৰ মাজৰ পৰা আঁতৰি যায় ভয়–শংকা৷

    কোনোৱে উঠিছে যদি চেল্ফী আৰু আন কোনোৱে হাতী দুটালৈ আগবঢ়াইছে খাদ্য৷ সৰু, বৰ সকলোৱে ওলাই আহিছে হাতী চাবলৈ৷ গজনি আৰু ধেমাজি  নামেৰে নামকৰণ কৰা হাতী পোৱালি দুটাক চিনাকী মাতেৰে মাতিলেই লৱৰি যায়৷ পিছে এতিয়া হাতী পোৱালি দুটাক লৈ সমস্যাত পৰিছে বন বিভাগ৷ কিয়নো গ্ৰামাঞ্চলত সোমাই খেতি বাতি অনিষ্ট কৰে হাতী দুটাই৷ সেয়ে হাতী দুটাক পুনৰ মানাহৰ ঘন জংগলত এৰি দিব বন বিভাগে৷
    Published by:Sanjay Kumar Das
    First published: