১৪ দিনৰ কোৱাৰেণ্টাইনৰ পিছতো মুকলি কৰা নহয় স্পেনিছ গাৰ্ডেন, কিয় জানেনে?

স্পেনিছ গাৰ্ডেনৰ বাসিন্দা মনীষ টিব্ৰেৱালৰ শৰীৰত কোৰোণা পজিটিভ পোৱাৰ পিছতে প্ৰশাসনে কোৱাৰেণ্টাইন কৰছিল জু ৰোডস্থিত বিলাসী এপাৰ্টমেণ্ট স্পেনিছ গাৰ্ডেন৷ ১৪ দিনৰ বাবে এপাৰ্টমেণ্টটোত সকলো লোকৰে ওলোৱা–সোমোৱা নিষিদ্ধ কৰিছিল কামৰূপ জিলা প্ৰশাসনে৷

১৯ এপ্ৰিলৰ পৰা পুনৰ Containment zone হিচাপে ঘোষণা কৰে৷ এই ১৪ দিনত আগৰ বাৰৰ দৰে প্ৰশাসনে বান্ধি দিয়া সকলো নীতি নিয়ম সকলোৱে মানি চলিব লাগিব ৷ অন্যথা  Covid–19 Regulation 2020, The Disaster Management Act 2005 আৰু Epidemic Disease Act 1897 অধীনত আইনগত ব্যৱস্থা লোৱা হ’ব৷ কামৰূপ মহানগৰ জিলা প্ৰশাসনে আজি এক নিৰ্দেশনাযোগে স্পেনিছ গাৰ্ডেনক পুনৰ containment zone হিচাপে ঘোষণা কৰে৷