প্ৰকৃত পৰিচয় গোপন কৰি প্ৰেমৰ জালত পেলাই পলুৱাই নিয়াৰ চেষ্টা কিশোৰীক, স্থানীয় ৰাইজে ধৰি-বান্ধি আৰক্ষীক গতাই দিয়ে দুটা সন্তানৰ পিতৃ ফাইজুলক 

শোণিতপুৰ জিলাত সংঘটিত হৈছে ‘লাভ জেহাদ’ৰ দৰে ঘটনা। ধৰ্ম লুকুৱাই ফাইজুল ইছলাম নামৰ দুটা সন্তানৰ পিতৃয়ে প্ৰেমৰ মায়াত বন্দী কৰি পলুৱাই নিয়াৰ চেষ্টা কৰিলে এগৰাকী অষ্টম শ্ৰেণীত পঢ়া কিশোৰীক।

তেজপুৰৰ ২ নং জোৰঘৰ গাঁৱৰ নিৱাসী হাতেম আলীৰ পুত্ৰ ফাইজুল ইছলামে ৰঙাপৰাৰ ৪ নং ৱাৰ্ডৰ নিৱাসী অজিত সাহাৰ বাসগৃহত এমাহ ধৰি  ৰাজমিস্ত্ৰী হিচাপে কাম কৰি আছিল।অজিত সাহাৰ বাসগৃহৰ ওচৰৰ এগৰাকী কিশোৰীৰ সৈতে নিজ ধৰ্ম লুকুৱাই প্ৰথমে চিনাকি হয় ফাইজুল ইছলাম ৷ তাৰ পাছতে দিয়ে প্ৰেমৰ প্ৰস্তাৱ৷ কিশোৰীগৰাকীয়ে আনকি মানিও লয় ফাইজুলে দিয়া প্ৰস্তাৱ।

আৰু দেওবাৰে ফাইজুলে নানা সপোন দেখুৱাই ঘৰৰ পৰা কিশোৰীগৰাকীক পলুৱাই নিয়াৰ চেষ্টা  চলাওতেই স্থানীয় ৰাইজে যুৱকজনক আটক কৰিবলৈ সক্ষম হয়। পিছত লম্পট ফাইজুলক ৰাইজে ধৰি বান্ধি আৰক্ষীক গতাই দিয়ে ৷ ঘটনাই এতিয়া সমগ্ৰ অঞ্চলটোত তীব্ৰ চাঞ্চল্যৰ সৃষ্টি কৰিছে।

উল্লেখযোগ্য যে যোৱা ৭ জুলাইত ৰঙাপৰা আৰক্ষী থানাৰ অন্তৰ্গত ভেলোৱাটাৰ এগৰাকী পাতৰ উপাধিৰ যুৱতীক একেখন গাঁৱৰে আশ্ৰফ আলীয়ে অপহৰণ কৰি পৰৱৰ্তী সময়ত যুৱতী গৰাকীক জোৰ কৰি বোৰ্খা পিন্ধাই ধৰ্মান্তকৰণ কৰিছিল।