মনৰ কষ্ট বুজি চৰকাৰে দিলে সুবিধা, শুই উঠিয়েই পাতিলেগৈ শাৰী! ৱাইন শ্বপৰ সন্মুখত সুৰাপায়ীৰ দীঘলীয়া শাৰী

'মুখত ব্ৰাচলৈ  ৱাইন শ্বপলৈ যোৱাৰ সময় আহি গৈছে ৰাইজ', '৯ বজাত ৱাইন শ্বপ খুলিবলৈহে কৈছো, খালী পেটত মাৰি নিদিব আকৌ ৰাইজ'- ছচিয়েল মিডিয়াত আজিৰ দিনটোত তেনেই সুলভ হৈ পৰিছে এনেধৰণৰ মিম। এনে মিম ভাইৰেল হোৱাৰ কাৰণো নথকা নহয়!



সুৰাপায়ীৰ মনৰ কষ্ট বুজি চৰকাৰে পুৱা ৯ বজাৰ পৰা ১১ বজালৈ ৱাইন শ্বপ খোলাৰ অনুমতি দিছে। গতিকে পানী টুপি নহ'লে দিনটো ৰাই-জাই কৰি থকাসকলে আজি পুৱা ৭ মান বজাৰ পৰাই ৱাইন শ্বপৰ সন্মুখত দীঘলীয়া শাৰী পতা পৰিলক্ষিত হ'ল। আনকি বৰষুণলৈয়ো কেৰেপ নকৰি মুখত মাস্ক পৰিধান কৰি দীঘলীয়া শাৰীৰ অন্তত দিনটোৰ বাবে যোগাৰ কৰি মুখত এমোকোৰা হাঁহি লৈ ঘৰমুৱা হৈছে একাংশ।



কভিডৰ মহামাৰীৰ মাজতেই সুৰাপায়ীসকলৰ বাবে এই সুখবৰ দিছে ৰাজ্য চৰকাৰে। কঠোৰ সান্ধ্য আইন বলৱৎ হ’লেও আজিৰে পৰা চহৰসমূহত ৯ বজাৰ পৰা ১১ বজালৈ খোলা থাকিব সুৰাৰ দোকান।  আনহাতে গ্ৰামাঞ্চলত ৯ বজাৰ পৰা ২ বজালৈ খোলা থাকিব সুৰাৰ দোকান।