• Home
  • »
  • News
  • »
  • assam
  • »
  • শিৱসাগৰত শিক্ষক দিৱস উদযাপন, ৩৬ গৰাকী শিক্ষক-শিক্ষয়িত্ৰীক সম্বৰ্ধনা ...

শিৱসাগৰত শিক্ষক দিৱস উদযাপন, ৩৬ গৰাকী শিক্ষক-শিক্ষয়িত্ৰীক সম্বৰ্ধনা ...

শিক্ষক দিৱসৰ দিনাই ভাল খবৰ আহিল শিৱসাগৰ জিলালৈ । আজি ঘোষণা কৰা  গুণোৎসৱৰ ফলাফল অনুসৰি শিৱসাগৰ জিলাই লাভ কৰিলে প্ৰথম স্থান।

শিক্ষক দিৱসৰ দিনাই ভাল খবৰ আহিল শিৱসাগৰ জিলালৈ । আজি ঘোষণা কৰা  গুণোৎসৱৰ ফলাফল অনুসৰি শিৱসাগৰ জিলাই লাভ কৰিলে প্ৰথম স্থান।

শিক্ষক দিৱসৰ দিনাই ভাল খবৰ আহিল শিৱসাগৰ জিলালৈ । আজি ঘোষণা কৰা  গুণোৎসৱৰ ফলাফল অনুসৰি শিৱসাগৰ জিলাই লাভ কৰিলে প্ৰথম স্থান।

  • Share this:
শিক্ষক দিৱসৰ দিনাই ভাল খবৰ আহিল শিৱসাগৰ জিলালৈ । আজি ঘোষণা কৰা  গুণোৎসৱৰ ফলাফল অনুসৰি শিৱসাগৰ জিলাই লাভ কৰিলে প্ৰথম স্থান। এই খবৰ লাভ কৰি আনন্দ প্ৰকাশ কৰিছে বিদ্যালয় সমূহৰ পৰিদৰ্শক কমলজ্যোতি গগৈয়ে। তেওঁ লগতে সকলো শিক্ষক শিক্ষয়িত্ৰী তথা ছাত্ৰ ছাত্ৰীলৈ ধন্যবাদ জ্ঞাপন কৰে।

ৰাজ্যৰ অন্যান্য প্ৰান্তৰ লগতে শিৱসাগৰতো শিক্ষক দিৱস উদযাপন কৰি থকাৰ সময়তে আহিল গুণোৎসৱৰ ফলাফল। সোমবাৰে শিৱসাগৰ জিলা প্ৰশাসন আৰু শিক্ষা বিভাগৰ উদ্যোগত ৬১ সংখ্যক ৰাষ্ট্ৰীয় শিক্ষক দিৱস উদযাপন কৰা হয়।

এই উপলক্ষে শিৱসাগৰ যুৱদ'লত অনুষ্ঠিত কৰা  মুকলি সভাত জয়ন্ত বৰুৱাকে ধৰি  ৩৬ গৰাকী   শিক্ষক শিক্ষয়িত্ৰীক সম্বৰ্ধনা  জ্ঞাপন তথা বঁটা প্ৰদান কৰা হয়। প্ৰয়াত শিক্ষক বিনন্দ দত্তলৈ মৰণোত্তৰ ভাবে আগবঢ়োৱা হয় সন্মান। বিনন্দ দত্তৰ হৈ তেওঁৰ পত্নী মামু দত্তই সম্বৰ্ধনা গ্ৰহণ কৰে। সভাত মুখ্য অতিথি হিচাপে বক্তৃতা প্ৰদান কৰে বীৰাঙ্গনা সতী সাধনী ৰাজ্যিক বিশ্ববিদ্যালয়ৰ উপাচাৰ্য ড° জ্যোতিপ্ৰসাদ শইকীয়াই।

শিক্ষক শিক্ষয়িত্ৰী সকলে ছাত্ৰ ছাত্ৰী সকলক তোষামোদ কৰাতকৈ ভুল আঙুলিয়াই দি  সঠিক পথৰ সন্ধান দিব লাগে বুলি আহ্বান জনাই। শিক্ষকতা কেৱল চাকৰি নহয় । সমাজ গঢ়িবলৈ বহু দায়িত্ব আছে শিক্ষক সকলৰ - এই মন্তব্য ড° জ্যোতি প্ৰসাদ শইকীয়াৰ ।

বিদ্যালয় সমূহৰ পৰিদৰ্শক কমলজ্যোতি গগৈয়ে আঁতধৰা অনুষ্ঠানটোত উপায়ুক্ত আদিত্য বিক্ৰম যাদৱ, জেষ্ঠ্য সাংবাদিক মনোজ কুমাৰ বৰঠাকুৰকে  ধৰি কেইবাগৰাকী বিশিষ্ট ব্যক্তি উপস্থিত থাকে।
Published by:Kokil Sarma
First published:

শেহতীয়া বাতৰি