• Home
  • »
  • News
  • »
  • assam
  • »
  • স্বাস্থ্যমন্ত্ৰীলৈ টুইটৰ পিছতে বোকাখাত মহকুমা প্ৰশাসনৰ ৰোষত প্ৰবক্তা

স্বাস্থ্যমন্ত্ৰীলৈ টুইটৰ পিছতে বোকাখাত মহকুমা প্ৰশাসনৰ ৰোষত প্ৰবক্তা

১ জুনৰ দিনাই অধ্যাপক ড০ বিদ্যুৎ বৰুৱালৈ কাৰণ দৰ্শোৱাৰ জাননী জাৰি কৰিলে৷

১ জুনৰ দিনাই অধ্যাপক ড০ বিদ্যুৎ বৰুৱালৈ কাৰণ দৰ্শোৱাৰ জাননী জাৰি কৰিলে৷

১ জুনৰ দিনাই অধ্যাপক ড০ বিদ্যুৎ বৰুৱালৈ কাৰণ দৰ্শোৱাৰ জাননী জাৰি কৰিলে৷

  • Share this:
ৰাজ্যৰ স্বাস্থ্যমন্ত্ৰীলৈ কৰা এটা টুইটে এতিয়া চাঞ্চল্যৰ সৃষ্টি কৰিছে সমগ্ৰ বোকাখাতত৷ নিদ্ৰা হৰণ কৰিছে মহকুমা প্ৰশাসন আৰু আৰক্ষী প্ৰশাসনৰ৷ যাৰ বাবে কাৰণ দৰ্শোৱাৰ জাননী জাৰি কৰিলে এজন প্ৰবক্তালৈ৷ এই ঘটনা ৩১ মে'ৰ নিশাৰ৷ বোকাখাতৰ বিজ্ঞান শিক্ষাৰ একমাত্ৰ অনুষ্ঠান চন্দ্ৰনাথ বেজবৰুৱা মহাবিদ্যালয়৷ জনবসতিপূৰ্ণ এলেকাত অৱস্থিত মহাবিদ্যালয়খনত বোকাখাত মহকুমা প্ৰশাসনে স্থাপন কৰিছিল এটা কোৱাৰেণ্টাইন কেন্দ্ৰ৷ মহাবিদ্যালয়খনেও সম্পূৰ্ণ সহযোগিতা কৰিছিল৷

৩১ মে'ৰ নিশা ১০.১৫ মান বজাত বহিঃৰাজ্যৰ পৰা উভতি অহা ৪৫ জনীয়া এটা দলক দুখন গাড়ীৰে মহাবিদ্যালয়খনত স্থাপন কৰা কোৱাৰেণ্টাইন কেন্দ্ৰটোলৈ অনা হয় ৷ কিন্তু দলটো আহি পোৱাৰ সময়ত মহাবিদ্যালয়খনৰ চৌহদত দণ্ডাধীশ বা আৰক্ষীৰ কোনো লোক উপস্থিত নাছিল৷

পৰিস্থিতি লক্ষ্য কৰি মহাবিদ্যালয়খনৰ কাষতে থকা গণিত বিভাগৰ অধ্যাপক ড০ বিদ্যুৎ বৰুৱাই স্থানীয় প্ৰশাসনৰ সৈতে যোগাযোগ কৰি কোনো সদুত্তৰ নাপাই শংকিত হৈ ৰাজ্যৰ স্বাস্থ্যমন্ত্ৰীলৈ এটা টুইট কৰিলে৷ টুইটত কোনো প্ৰশাসনৰ লোক বা আৰক্ষী সেই সময়ত সেই স্থানত উপস্থিত নাই বুলি উল্লেখ কৰিলে৷ তাতেই অপৰাধ হ'ল অধ্যাপক ড০ বিদ্যুৎ বৰুৱাৰ৷ খৰ্গহস্ত বোকাখাত মহকুমা প্ৰশাসন আৰু আৰক্ষী প্ৰশাসন৷ ১ জুনৰ দিনাই অধ্যাপক ড০ বিদ্যুৎ বৰুৱালৈ কাৰণ দৰ্শোৱাৰ জাননী জাৰি কৰিলে৷

চছিয়েল মিডিয়াত অধ্যাপকগৰাকীয়ে স্থানীয় জনসাধাৰণক উচতনি দিবৰ বাবেই এই টুইট কৰিছে বুলি জাননীত উল্লেখ কৰিছে৷ ৪৮ ঘণ্টাৰ ভিতৰত জাননীৰ প্ৰত্যুত্তৰ দিব লাগিব অধ্যাপকগৰাকীয়ে৷ এই কথা ৰাজহুৱা হোৱাৰ পিছতেই সৰৱ হৈছে  জীপাল কৃষক শ্ৰমিক সংঘ, স্থানীয় ব্যক্তি, যুৱক, মহাবিদ্যালয়খনৰ প্ৰাক্তন ছাত্ৰ মঞ্চ আৰু বিভিন্ন সংগঠনৰ লোক৷

মহকুমা প্ৰশাসনৰ নিজৰ গাফিলতি আৰু দোষ ঢাকিবৰ বাবে অধ্যাপক ড০ বিদ্যুৎ বৰুৱাক মানসিক নিৰ্যাতন চলোৱাৰো অভিযোগ উত্থাপন কৰিছে সকলোৱে৷ কিন্তু দোষ কাৰ? বোকাখাতৰ মহকুমা প্ৰশাসন, আৰক্ষী নে বিদ্যুৎ বৰুৱাৰ? এজন সচেতন নাগৰিক হিচাবে স্বাস্থ্যমন্ত্ৰীলৈ টুইট কৰাটোৱেই অপৰাধ হ'ল নেকি অধ্যাপকগৰাকীৰ? ড০ বিদ্যুৎ বৰুৱাই সচেতনাৰ বাবে কৰা কামৰ মূল্য মহকুমা প্ৰশাসনে কি দিলে? প্ৰকৃত ন্যায় পাবনে অধ্যাপক ড০ বিদ্যুৎ বৰুৱাই?
First published: