Sherman Ali : ‘AIUDFৰ সৈতে মিত্ৰতা নহ’লে কংগ্ৰেছ বিগ জিৰ’, কংগ্ৰেছৰ উত্থানৰ বাবে AIUDFৰ সৈতে মিত্ৰতা হওক’ – শ্বেৰমান আলী

২৪ৰ নিৰ্বাচনলৈ মাজত প্ৰায় এবছৰ বাকী৷ নিৰ্বাচনলৈ এবছৰ বাকী থকা অৱস্থাত কোনে কিমান আসন পাব তাক লৈ চলিছে প্ৰতিযোগিতা৷ এই প্ৰতিযোগিতা মাথোঁ অনুমানৰ ভিত্তিত৷ বিজেপিয়ে ১২–১৩খন আসনৰ লক্ষ্য নিৰ্ধাৰণ কৰাৰ পাছত এইবাৰ আসনৰ সংখ্যা দিছে প্ৰদেশ কংগ্ৰেছৰ সভাপতি ভূপেন বৰাই৷ কংগ্ৰেছে ১৪খন আসনেই লাভ কৰিব বুলি দাবী।

কংগ্ৰেছ সভাপতিগৰাকীৰ এনে মন্তব্যক শাসক পক্ষই সমালোচনা কৰাৰ সমান্তৰালকৈ এইবাৰ সমালোচনা কৰিছে কংগ্ৰেছৰ পৰা নিলম্বিত বিধায়ক শ্বেৰমান আলীয়ে৷ বাঘবৰৰ বিধায়কগৰাকীয়ে কয়, অসমৰ ৰাইজে ভূপেন বৰাক হাঁহি আছে। ভূপেন বৰাই বহুৱালি কৰি নিজৰ মৰ্যাদা হানি কৰিছে৷ নিজৰ জ্ঞান নাই বাবেই ভূপেন বৰাই ১৪খন আসন জিকাৰ কথা কয়।

‘‘কি যুক্তি আৰু ভিত্তিত কংগ্ৰেছে পাব ১৪খন আসন? আজিৰ তাৰিখত কংগ্ৰেছৰ কোনো ভিত্তি নাই ৷ AIUDFৰ সৈতে মিত্ৰতা অবিহনে যিটো কেতিয়াও সম্ভৱ নহয়৷ বিজেপিক প্ৰতিৰোধ কৰাৰ স্বাৰ্থত কংগ্ৰেছ–AIUDFৰ মিত্ৰতা হ’ব লাগিব৷ যিটোৱে কংগ্ৰেছক বচোৱাৰ লগতে লোকসভাত আসন বৃদ্ধি পাব৷’’ – ক’লে শ্বেৰমান আলীয়ে। অন্যথা মিত্ৰতা অবিহনে কংগ্ৰেছ সভাপতিৰ এনে মন্তব্য ভিত্তিহীন তথা বহুৱালি আখ্যা দিলে কংগ্ৰেছৰ নিলম্বিত বিধায়ক শ্বেৰমান আলীয়ে।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।