কোৱাৰানটাইন চেণ্টাৰত খাদ্য যোগানৰ নামত দুৰ্নীতি, ঠিকাদাৰৰ বিৰুদ্ধে সৰৱ বিধায়ক

News18 Assam | News18-Assam
Updated:June 2, 2020, 12:32 PM IST
কোৱাৰানটাইন চেণ্টাৰত খাদ্য যোগানৰ নামত দুৰ্নীতি, ঠিকাদাৰৰ বিৰুদ্ধে সৰৱ বিধায়ক
টকা আত্মসাৎ কৰাৰ অভিযোগ।

টকা আত্মসাৎ কৰাৰ অভিযোগ।

  • Share this:
কোৰোণা আতংকৰ মাজতেই  হাইলাকান্দিত দুৰ্নীতি। হাইলাকান্দিৰ কোৱাৰান্টাইন চেন্টাৰত খাদ্যদ্ৰব্য সৰবৰাহৰ নামত বিয়াগোম দুর্নীতিৰ অভিযোগ কাটলিছেড়াৰ বিধায়ক সুজাম উদ্দিন লস্কৰৰ। তেওঁৰ অভিযোগ, কোৱাৰান্টাইন চেন্টাৰত  খাদ্য সৰবৰাহৰ নামত একাংশ চৰকাৰী কৰ্মচাৰীয়ে আৰম্ভ কৰিছে ব্যৱসায়।

ৰাজ্য চৰকাৰৰ পৰা কোৱাৰান্টাইনত থকা প্রতিজন ব্যক্তিৰ বাবে দৈনিক খাদ্যৰ বাবে দিয়া হৈছে ৫০০ টকাকৈ। সেইমতে কাছাৰ কৰিমগঞ্জৰ লগত ৰাজ্যৰ আন  আন জিলাত প্রতিজন ব্যক্তিক ৫০০ টকাৰ হিচাপত খাদ্য বস্তু দিয়া হৈছে। কিন্তু হাইলাকান্দি জিলা ইয়াৰ বিপৰীত।

হাইলাকান্দি জিলাৰ কোৱাৰান্টাইনত থকা ব্যক্তি সকলক মুঠ ২৯০ টকাৰ খাদ্যদ্রব্য দিয়াৰ অভিযোগ উত্থাপন কৰিছে বিধায়ক গৰাকীয়ে। বিধায়ক লস্কৰৰ অভিযোগ, লালাৰ ৩টা কোৱাৰানটাইন চেন্টাৰত খাদ্যদ্ৰব্য দিয়াৰ টেণ্ডাৰ লাভ কৰিছিল নিৰ্মল চক্ৰৱৰ্তী নামৰ এগৰাকী ব্যবসায়ীয়ে।

কিন্তু নিৰ্মল চক্ৰৱৰ্তীয়ে মাত্ৰ ১ টা চেণ্টাৰত খাদ্য দ্ৰব্য প্ৰদান কৰিছে। আন ২টা চেণ্টাৰত টেণ্ডাৰ অবিহনে লালাৰ চক্ৰ বিষয়া অৰ্পিতা দত্ত মজুমদাৰে তেওঁৰ ঘনিষ্ঠ এজন চৰকাৰী শিক্ষকৰ সহায়ত খাদ্য সৰবৰাহ  কৰি আছে বুলি অভিযোগ উত্থাপন কৰিছে বিধায়ক গৰাকীয়ে। লগতে এই দুৰ্নীতিৰ উচিত তদন্তৰ আহ্বান জনায় বিধায়ক গৰাকীয়ে।
First published: June 2, 2020, 12:29 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading