১ অক্টোবৰ পাছত আৰম্ভ হ’ব পাৰে বিদেশী চিনাক্তকৰণৰ ভিত্তি বৰ্ষ নিৰ্ধাৰণৰ গোচৰৰ শুনানি

যোৱা ১৩ আগষ্টত NRC ৰ এক শুনানি গ্ৰহণ কৰি ন্যায়াধীশ গগৈয়ে মতিউৰ ৰহমানৰ গোচৰটোৰ নিষ্পত্তি সাপেক্ষে হে NRCয়ে চূড়ান্ত বৈধতা পাব বুলি এক নিৰ্দেশ প্ৰদান কৰিছিল

News18-Assam
Updated:September 21, 2019, 5:28 PM IST
১ অক্টোবৰ পাছত আৰম্ভ হ’ব পাৰে বিদেশী চিনাক্তকৰণৰ ভিত্তি বৰ্ষ নিৰ্ধাৰণৰ গোচৰৰ শুনানি
যোৱা ১৩ আগষ্টত NRC ৰ এক শুনানি গ্ৰহণ কৰি ন্যায়াধীশ গগৈয়ে মতিউৰ ৰহমানৰ গোচৰটোৰ নিষ্পত্তি সাপেক্ষে হে NRCয়ে চূড়ান্ত বৈধতা পাব বুলি এক নিৰ্দেশ প্ৰদান কৰিছিল
News18-Assam
Updated: September 21, 2019, 5:28 PM IST
পাৰ্থ জ্যোতি বৰা, ব্যুৰ’ চীফ, নতুন দিল্লীঃ অহা অক্টোবৰৰ এক তাৰিখৰ পৰা উচ্চতম ন্যায়ালয়ত গঠন হব এক স্থায়ী সাংবিধানিক বিচাৰপীঠ । এই ৫ জনীয়া বিচাৰপীঠে খণ্ড বিচাৰপীঠে বিভিন্ন সময়ত সাংবিধানিক বিচাৰপীঠলৈ প্ৰেৰণ কৰা গোচৰ সমূহৰ শুনানি গ্ৰহণ কৰি নিষ্পত্তি কৰিব । পূৰ্বতে প্ৰয়োজন অনুসৰি দেশৰ মুখ্য ন্যায়াধীশে তেনে বিচাৰপীঠ গঠন কৰি সাংবিধানিক বাখ্যা আৰু প্ৰশ্ন জড়িত গোচৰ সমূহ নিষ্পত্তি কৰিছিল ।

অসম সন্মিলিত মহাসংঘৰ মতিউৰ ৰহমানে ২০১২ চনতে অসমৰ বেলিকা বিদেশী চিনাক্তকৰণৰ সুকীয়া ভিত্তি বৰ্ষ কাৰ্যকৰী কৰাৰ প্ৰক্ৰিয়াটোক প্ৰত্যাহ্বান জনাই উচ্চতম ন্যায়ালয়ত লেখ আবেদন দাখিল কৰিছিল । তদানীন্তন ন্যায়াধীশ ৰঞ্জন গগৈৰ নেতৃত্বত গঠিত খণ্ড বিচাৰপীঠে এই গোচৰৰ শুনানি গ্ৰহণ কৰি ২০১৪ চনত সাংবিধানিক বিচাৰপীঠলৈ প্ৰেৰণ কৰে । ২০১৭ চনত সেই সময়ৰ দেশৰ মুখ্য ন্যায়াধীশ টি এছ ঠাকুৰে বিচাৰপীঠ গঠন কৰি মতিউৰ ৰহমানৰ গোচৰটো শুনানিৰ বাবে তালিকাভুক্ত কৰিছিল । কিন্তু গোচৰটোৰ শুনানিৰ পূৰ্বেই অৱসৰ গ্ৰহণ কৰিছিল মুখ্য ন্যায়াধীশ ঠাকুৰে । তাৰ পাছত আজি লৈকে বহুবাৰ ৰহমানে special mention কৰাৰ পাছতো গোচৰটোৰ শুনানি নহল । আৰু ন্যায়াধীশ ৰঞ্জন গগৈ আৰু আৰ এফ নাৰিমনৰ খণ্ড বিচাৰপীঠে ভিত্তি বৰ্ষৰ গোচৰ অমীমাংসিত ভাৱে ৰাখিয়েই নাগৰিক পঞ্জী উন্নীতকৰণৰ নিৰ্দেশ দিছিল । অৱশ্যে যোৱা ১৩ আগষ্টত NRC ৰ এক শুনানি গ্ৰহণ কৰি ন্যায়াধীশ গগৈয়ে মতিউৰ ৰহমানৰ গোচৰটোৰ নিষ্পত্তি সাপেক্ষে হে NRCয়ে চূড়ান্ত বৈধতা পাব বুলি এক নিৰ্দেশ প্ৰদান কৰিছিল ।

শেহতীয়াকৈ উচ্চতম ন্যায়ালয়ে নিয়মাৱলীৰ কিছু সালসলনি ঘটাই বদলিকৰণৰ আবেদন আৰু ৭ বছৰলৈকে সষ্টম কাৰাদণ্ডৰ জামিন আবেদনৰ গোচৰৰ শুনানি এজনীয়া বিচাৰপীঠে গ্ৰহণ কৰাৰ নিয়ম কৰিছে । লগতে এখন স্থায়ী সাংবিধানিক বিচাৰপীঠ অহা অক্টোবৰৰ ১ তাৰিখৰ পৰা কাৰ্যক্ষম হোৱাকৈ গঠন কৰাৰ সিদ্ধান্ত লৈছে; য’ত আন আন গোচৰৰ লগতে ৰহমানৰ গোচৰটোৰ শুনানি লোৱা হব ।

সংবিধানৰ ১৪৫(৩) অনুচ্ছেদ অনুসৰি সাংবিধানিক বাখ্যা আৰু আইনৰ প্রশ্ন জড়িত গোচৰ সমূহ ৫ জনীয়া সাংবিধানিক বিচাৰপীঠে নিষ্পত্তি কৰাৰ নিয়ম ।

 
আৰু চাওক পৰৱৰ্তী বাতৰি