১৭০০টকাত ৬ঘণ্টীয়া গুৱাহাটী–ধুবুৰী যাত্ৰা সম্পূৰ্ণ হ’ব ২০মিনিটত! সম্পূৰ্ণ সাজু ৰূপসী বিমানবন্দৰ

অক্টোবৰতে উৰিব পাৰে ৩৬ বছৰৰ অন্তৰালত প্ৰথমখন বিমান‌।

News18-Assam
Updated:September 24, 2019, 12:39 PM IST
১৭০০টকাত ৬ঘণ্টীয়া গুৱাহাটী–ধুবুৰী যাত্ৰা সম্পূৰ্ণ হ’ব ২০মিনিটত! সম্পূৰ্ণ সাজু ৰূপসী বিমানবন্দৰ
অক্টোবৰতে উৰিব পাৰে ৩৬ বছৰৰ অন্তৰালত প্ৰথমখন বিমান‌।
News18-Assam
Updated: September 24, 2019, 12:39 PM IST
জ্যোতিৰ্ম্ময় চক্ৰৱৰ্তী, নিউজ18: নামনি অসমৰ একমাত্ৰ বিমানবন্দৰ ৰূপসীক অভিযান্ত্ৰিক দিৱসত বিশ্বেশ্বাৰায়া বঁটা প্ৰদান। ৰেৰ্কড স্থাপন কৰি মাত্ৰ ১৪ মাহতে কাম সম্পূৰ্ণ হৈছে এই বিমানবন্দৰৰ । সমগ্ৰ উত্তৰ পূৰ্বাঞ্চলত বৰ্তমানে চলি থকা প্ৰকল্প সমূহৰ ভিতৰত ৰূপসী বিমানবন্দৰে এই কৃতিত্ব  লাভ কৰাত উৎফুল্লিত হৈ পৰিছে প্ৰকল্পৰ কৰ্মীবৃন্দৰ লগতে স্থানীয় ৰাইজ।

দ্বিতীয় বিশ্ব যুদ্ধৰ স্মৃতি বহন কৰা এই বিমান বন্দৰ পুনৰ নিৰ্মাণৰ কাম ২০১৮ চনৰ মে’ মাহত হাবি বন চাফা কৰি আৰম্ভ হৈছিল। ছেপ্টেম্বৰ ২০১৯ৰ ভিতৰত কাম সমাপন হোৱাৰ অন্তৰালত কঠোৰ পৰিশ্ৰম আৰু দিল্লী-দিছপুৰৰ সঠিক সংযোগ ৰক্ষাৰ বাবেই সম্ভৱ হোৱা বুলি কোৱা হৈছে।

ৰূপসী বিমানবন্দৰৰ ৰানৱে’ বৰ্তমানে ATR 72 বিভাগৰ বিমান উৰুৱাবলৈ সক্ষম হৈ পৰিছে। প্ৰথম পৰ্যায়ত ৰূপসীৰ পৰা গুৱাহাটীলৈ আৰম্ভ হ’ব লগীয়া এই সেৱা কেৱল চৰকাৰী ঘোষনাৰ অপেক্ষাৰত ।

মাত্ৰ ১৭০০/- টকাত ছয় ঘন্টীয়া ধুবুৰী-গুৱাহাটীৰ যাত্ৰা ২০ মিনিটতে সম্ভৱহৈ উঠিব।

336 একৰ মাটি কালিত 1800 মিটাৰ ৰানৱে’ যুক্ত ৰূপসী বিমানবন্দৰৰ নিৰ্মানৰ কামত পাচঁটা কৈ কোম্পানীয়ে নিবিদা লাভ কৰি সময়ৰ আগতেই সম্পূৰ্ণ কৰি পেলাবলৈ সক্ষম হৈছে ।
আৰু চাওক পৰৱৰ্তী বাতৰি