ৰঙাপৰাৰ বৰজুলিত শাম কটা নাই উত্তেজনাৰ, পুনৰ আৰক্ষীৰ বিৰুদ্ধে পথ অৱৰোধ ৰাইজৰ

News18 Assam | News18-Assam
Updated:November 24, 2020, 6:46 PM IST
ৰঙাপৰাৰ বৰজুলিত শাম কটা নাই উত্তেজনাৰ, পুনৰ আৰক্ষীৰ বিৰুদ্ধে পথ অৱৰোধ ৰাইজৰ
নিৰীহ লোকৰ ওপৰত লাঠিচালনা, মহিলাক দুৰ্ব্যৱহাৰ কৰাৰ লগতে নিশা শূন্যলৈ গুলীচালনা কৰা ৰঙাপৰা থানাৰ ভাৰপ্ৰাপ্ত বিষয়া বুধিন পেগুক শীঘ্ৰে নিলম্বন কৰা দাবী৷

নিৰীহ লোকৰ ওপৰত লাঠিচালনা, মহিলাক দুৰ্ব্যৱহাৰ কৰাৰ লগতে নিশা শূন্যলৈ গুলীচালনা কৰা ৰঙাপৰা থানাৰ ভাৰপ্ৰাপ্ত বিষয়া বুধিন পেগুক শীঘ্ৰে নিলম্বন কৰা দাবী৷

  • Share this:
শোণিতপুৰৰ ৰঙাপৰাত সৃষ্টি হোৱা উত্তেজনা শাম কটা নাই। সোমবাৰে নিশা ৰঙাপৰাৰ বৰজুলিত আৰক্ষীয়ে নিৰীহ লোকৰ ওপৰত লাঠিচালনা, থানালৈ যোৱা ৰাইজক দুৰ্ব্যৱহাৰ কৰাৰ লগতে শূন্যলৈ গুলীচালনা কৰাৰ ঘটনাৰ উচিত তদন্তৰ দাবীত ৰাইজে প্ৰতিবাদ সাব্যস্ত কৰিছে। আজি পুৱাৰে পৰা বৰজুলিৰ কেইবা শতাধিক পুৰুষ-মহিলাই  ৰঙাপৰা-মিছামাৰী সংযোগী পথ অৱৰোধ কৰি পৰিৱেশ উত্তপ্ত কৰি তোলে।

নিৰীহ লোকৰ ওপৰত লাঠিচালনা, মহিলাক দুৰ্ব্যৱহাৰ কৰাৰ লগতে নিশা শূন্যলৈ গুলীচালনা কৰা ৰঙাপৰা থানাৰ ভাৰপ্ৰাপ্ত বিষয়া বুধিন পেগুক অতিশীঘ্ৰে নিলম্বন কৰা দাবী জনায়৷ প্ৰতিবাদকাৰী ৰাইজে ৰাজপথত আৰক্ষী বিষয়াগৰাকীৰ প্ৰতিকৃতি দাহ কৰে ৷ প্ৰতিবাদকাৰী  ৰাইজে হাতে হাতে ফেষ্টুন-বেনাৰ লৈ ঘোচখোৰ আৰক্ষী আমাক নালাগে, গুণ্ডা আৰক্ষী নালাগে, ৰঙাপৰা আৰক্ষী হায় হায়, বুধিন পেগু হুচিয়াৰ, গুন্দা অ’ চি মুৰ্দাবাদ আদি শ্ল'গানেৰে পৰিৱেশ উত্তাল কৰি তোলে।

ৰাইজে ৰঙাপৰা-মিছামাৰী পথচোৱা বহু সময় ধৰি অৱৰোধ কৰি ৰখাৰ ফলত পথৰ দুয়োকাষে যান–বাহনসমূহ আবদ্ধ হৈ পৰে৷ পিছত চাৰিদুৱাৰ ৰাজহ চক্ৰ বিষয়া ক্ষীৰোদ কমল হাজৰিকা উপস্থিত হৈ উক্ত ঘটনাৰ তদন্ত কৰাৰ লগতে শীঘ্ৰে ৰঙাপৰা আৰক্ষী থানাৰ বিষয়াগৰাকীক বদলিকৰণৰ ব্যৱস্থা কৰা হ’ব বুলি প্ৰতিশ্ৰুতি দিয়াত ৰাইজে পথটো মুকলি কৰি দিয়ে৷
Published by: Sanjay Kumar Das
First published: November 24, 2020, 6:46 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading