নুমলীগড়ত ভয়ংকৰ দুৰ্ঘটনা, বলেৰ’ আৰু ইণ্ডিগ’ বাহনৰ মুখামুখি সংঘৰ্ষ

নুমলীগড়ৰ ৩৯নং ৰাষ্ট্ৰীয় ঘাইপথত বলে'ৰ আৰু ইণ্ডিগ’  বাহনৰ মুখামুখি সংঘৰ্ষ। ৰাজপথৰ ওপৰত বাগৰি পৰিল  বলেৰ’ বাহন। দুৰ্ঘটনাত গুৰুত্বৰভাৱে আহত কেইবাজনো। নুমলীগড়ত ৩৯নং ৰাষ্ট্রীয় ঘাইপথৰ লৱনঘাটত সংঘটিত হয় এই দুৰ্ঘটনা। দুৰ্ঘটনা সংঘটিত কৰিয়েই পলায়ন কৰে ইণ্ডিগ’ বাহনখনৰ চালকে।

নুমলীগড়ৰ তিনিআলি দিশৰ পৰা আহি থকা AS 01Z 7198 নম্বৰৰ ইণ্ডিগ’ আৰু নুমলীগড় NRLৰ দিশৰ পৰা অহা AS 03T 3813 নম্বৰৰ এখন বলেৰ’ বাহনৰ মাজত সংঘটিত হয় এই দুৰ্ঘটনা। স্থানীয় লোকৰ সন্দেহ, ইণ্ডিগ’ বাহনৰ চালকে অত্যধিক মদ্যপান কৰি গাড়ী চলোৱাৰ বাবেই সংঘটিত হয় এই দুৰ্ঘটনা।

ইফালে, দুৰ্ঘটনাৰ ফলত পথৰ ওপৰতে বাগৰি ৰে বলেৰ’ বাহনখন। যাৰ ফলত বহু সময় ধৰি বন্ধ হৈ পৰে যান–বাহনৰ চলাচল। স্থানীয় ৰাইজে বহু সময় চেষ্টা কৰি মুকলি কৰে পথটো। দুৰ্ঘটনাত গুৰুতৰভাৱে আহত হয় বলেৰ’ বাহনৰ চালকজন। স্থানীয় ৰাইজে ততাতৈয়াকৈ চালকজনক গাড়ীৰ পৰা উলিয়াই চিকিৎসালয়লৈ প্ৰেৰণ কৰে।